【花蓮景點】Mr Sam 山姆先生咖啡館突宣佈休園？老式建築變魔法童話世界！騎民網紅打卡點地方細小僅為休息處？

去花蓮自駕遊，適合拍拖兩個人前往嘅海岸景點不少，有啲地方值得逗留，有啲則只為自駕休息處，揸車揸到中途飲杯嘢或坐低抖一抖。今年前往花蓮經過一間咖啡館，地方不大，卻人氣十足。近月，卻因花蓮大地震而宣佈暫停營業？

呢間人氣十足嘅咖啡館名為「Mr. Sam 山姆先生咖啡館」，一度被網友譽為「魔戒中的夏爾村」，到底有咩特別呢？甫將車輛駛入停車場，一隅巨型招牌馬上映入眼簾！車輛可以駛到最盡頭，門口有售票處，而左右兩邊皆為咖啡館空間。

先走到左邊小屋建築物，恍如台式老屋，而且係3間小屋連埋一齊，分別有3種唔同顏色同尺寸嘅瓦片，屋頂砌成弧形狀。只不過現時改建成歐式建築物，一磚一瓦畫面就似童話世界，整個空間裏裏外外都滲透魔法故事嘅感覺，有如一間電影場景入面嘅精靈小屋，甚生動。

同「a2水岸」、「雲山水夢幻湖」唔一樣，該咖啡館背後雖然有個湖景，但就唔可以進入。不過，該湖畔有機會可以欣賞落羽松林景。至於咖啡館嘅馬路另一端，基本上係間雪糕屋，呢個空間比左邊小屋地方更細小，最引人注目嘅只係抬頭見到嘅「Mr. Sam 山姆先生咖啡館」招牌。

折返「Mr. Sam 山姆先生咖啡館」室內空間，可見該店同一般Cafe無異，都係提供輕食、咖啡、小吃、冰沙等，吐司、馬卡龍、蛋糕、飯類等都係TWD100有找，而飲品亦只可以買到一杯。由於一張券唔可以同時使用，所以基本上大部份食物、飲品都係需要補錢。最後，諗唔到食咩，只係買咗兩件小甜品就離開，包括可麗露。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 門票人均TWD50，120cm以下無需門票。自駕需付停車費，每架車TWD100，不過就可以全額抵銷園內消費。

❷ 園內有小黑蚊，謹記做足防蚊措施。

❸ 該店只係一間咖啡店，湖景並非該店範圍，只係隔離，最大特色係入口旁嘅雪糕車，其實地方好細，如果自駕中途休息就ok，但就唔值得專程前往。

❹ 入面有少量輕食同飲品，但座位唔多，而且只係三兩個戶外座位。