澳門東望洋山隱藏400米捷徑！松山行人隧道連接漁人碼頭、二龍喉公園

澳門有一座「東望洋山」，旁邊又有座「松山」，山頂可見燈塔、教堂，亦可以從澳門半島最高點俯視澳門風景。如果要從「漁人碼頭」前往「塔石廣場」一邊，必須要搭巴士或者穿過小山，路程頗遠。不過，目前拍拖兩個人想穿梭兩端，只需要經過一道400米嘅山下隧道就得啦！

呢道澳門隧道位於松山之下，即係東望洋山，為「松山行人隧道」，全長僅有400米，換言之大概只係香港運動場跑一個圈！由於行人隧道內設有行人扶手電梯﹐更可以加快路程，從一端走到另一端只係需要約3分鐘！

據悉，「松山行人隧道」於2022年底先建成，所以都算係比較新式嘅通道，位置係近新口岸區，方便行人出入。兩端本身有「松山隧道」貫穿，但只限車路，而且其實有大概1100米距離；但目前穿過「松山行人隧道」，距離縮減至400米，而行人都可以徒步穿過。

今次從「二龍喉公園」一端出發，入口位置近「疊記咖喱麵食」、「塔石廣場」，而行人隧道真正入口直頭毗連「二龍喉公園」入口。穿過「松山行人隧道」，另一端就係「回力海立方」、「澳門漁人碼頭」、「澳門理工大學」。雖然另一邊已經設有天橋連接，但google地圖上暫時係睇唔到條天橋，或者係由於google人員未及行一次。

「松山行人隧道」另一端入口正對「皇家金堡酒店」，只需要穿過天橋就可以直通對面，附近可見「澳門大賽車博物館」、「金蓮花廣場」，徒步10分鐘就可以抵達漁人碼頭，甚至連接「澳門外港碼頭」！

如果經行人隧道嘅lift，更可以通往「松山健康徑」，然後連接「東望洋山」路線，山頂既有一座隱藏教堂、炮台、燈塔，亦可以從半島最高點居高臨下俯視山下風景。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 一邊入口為「疊記咖哩麵食」，另一邊入口就係「皇家金堡酒店」。

❷ 乘搭巴士路線2、2A、6A、12、17、18、18A、18B、19、22、23、25、25B、32、56、H2可以前往「二龍喉公園站」落車。而乘搭巴士路線2、2A、4、9、9A、12、18、18A、18B、19、22、25、25B、H2，則可以前往「得勝花園站」落車。

❸

❹