【中秋好去處】零成本！全港10個戶外賞月好地方 環境清靜交通方便最啱談心

中秋臨近，拍拖兩個人想賞月去邊好？唔少人都會選擇熱門地方，如西九龍海濱長廊、維多利亞港兩岸，甚至屬於日落勝地大角嘴維港灣旁邊嘅油麻地避風塘，又或者元朗八鄉露營地，既有大草地，亦有海旁，地方偌大，非常空曠，通通都係賞月好地方。不過，編輯就另有提議，中秋節不妨挑選其他比較少人選擇嘅賞月地點，環境就會相對清靜，適合情侶談心，以下10個地方不單環境舒適，有靚景睇，亦可以作為賞月之地。

延伸閱讀﹕18款香草任摘+可玩柴火！ 錦田全新露營地仰望雞公嶺 設備齊全有熱水供應 10分鐘到市中心

（1）西草灣

位於青衣一隅嘅西草灣，靠近青馬大橋底，適合拍攝日落、晚霞景，抑或夜景，西草灣只有少數釣魚客，環境清靜而舒服，可以於中秋夜安靜地觀賞圓月，不過若非自駕進入，由船塢開出嘅小巴尾班車為夜晚11點正。

延伸閱讀﹕青馬橋底睇日落！青衣西草灣賞景打卡秘地 細山步行徑近三支香談心好地方

（2）流浮山白泥

白泥亦係著名觀賞日落靚景嘅好地方，遠離市區，地方偌大而空曠，係中秋賞月之地，但係若非自駕，於下白泥開出嘅小巴尾班車為夜晚9點半。

延伸閱讀﹕教你分清上白泥同下白泥 真正睇靚日落好地方

（3）青龍公園小石灘

屯門青龍公園旁邊嘅沙灘係人流唔多嘅地方，同樣係觀賞夕陽秘地，相對靠迎市區，步出青山公路即有大量巴士路線可以選擇，同時靠近屯門黃金海岸，於此處賞月亦算方便。

延伸閱讀﹕屯門高尚住宅旁神秘公園沙灘 暗藏夕陽靚景小石灘

（4）石澳

比較熱門嘅賞月地點係石澳，沙灘偌大，而且有兩個沙灘，而石澳小島內有唔少小角落，例如情人橋、大頭洲，人流可以較分散，賞月後若凌晨12點亦有巴士或紅Van可以折返市區。

延伸閱讀﹕夏日去邊個沙灘？粉藍情人橋重開打卡地再現 石澳盡頭闖大頭洲回望小漁村尋靚景

（5）白水碗

白水碗係靠近香港科技大學嘅小沙灘，亦可於中秋夜清靜地觀賞圓月景色，但巴士一般夜晚11點半就無車，而小巴夜晚10點左右亦會有尾班車。

延伸閱讀﹕隱藏科技大學旁 白水碗沙灘處處影相位

（6）鯉魚門石礦場

最接近市區嘅係鯉魚門石礦場，離油塘市中心只係15至20分鐘步程，從三家村直入石礦場，環境舒適，可一邊吹海風、一邊賞月，現時洶湧進入打卡嘅人流減少，所以都係一個好地方。不過整條路皆無街燈，故此建議要攜帶手電筒或頭燈，同時要避免因坐臨海位置而墮海。

延伸閱讀﹕三家村碼頭走20分鐘闖鯉魚門石礦場 驚現西藏梵文彩旗 荒廢石屋/廢墟石灘/大石山打卡

（7）大澳

大澳係相對較有中秋節日氣氛嘅地方，皆因每年都會有花燈節，整個漁村都會以燈籠佈置，一個個圓滾漲小燈籠於大街小巷懸掛，配合圓月時，畫面會更壯觀呢！凌晨12點過後，仍然可以乘搭大嶼山巴士折返東涌。

延伸閱讀﹕「東方威尼斯」水鄉小島賞無遮擋醉人日落 大澳珍珠形寶珠潭藏海星紅蟹仔 迆遊虎山浪漫紅木橋打卡

（8）梅窩銀礦灣

想行遠啲，可以去梅窩銀礦灣沙灘賞月，平常沙灘人流眾多，大多玩水，夜晚人會較少，亦算係適合作中秋賞月談心之地，凌晨12點後同樣有巴士可折返東涌。

延伸閱讀﹕銀礦灣東灣頭起步 2小時穿梭梅窩愉景灣瞰高空180度景觀 神樂院/純白教堂打卡 探索長沙欄稔樹灣小村落

（9）舂坎角

如果仍然嫌唔夠遠、唔夠清靜，不妨去赤柱隔離嘅舂坎角，離市區有一段距離，環境寧靜，人流唔多，凌晨12點仍有巴士可折返中環。

延伸閱讀﹕與赤柱繁華成對比 舂坎角炮台環境靜謐 探射燈座似海景大電視

（10）山頂

若然嫌上述地方離圓月太遠，可以直闖太平山山頂，倘若凌晨時份尾班車已過，兩個人步行落山亦無不可，反正都係石屎路，不過就要小心路段太靜會被打劫。

延伸閱讀﹕型格酒紅色山頂纜車退役！ 英式貴族風秘密花園野餐打卡 登上太平山真正最高點環瞰香港島