牛頭角日式榻榻米咖啡室低調工廈樓上舖感受寂靜美侘寂到底代表乜？

工廈地區往往隱藏唔少好地方，值得拍拖兩個人一遊。今次到牛頭角工廈尋找食肆，其中一幢工廈樓上舖中有一間日式咖啡室，原來係西九文化區其中一間小店嘅分店，於兩個截然不同嘅地方設立分店，目標食客當然並唔一樣。

西九文化區原店以「侘寂珈琲・喫茶」命名，而牛頭角工廈內嘅分店則以「侘寂咖啡」為題，兩個地區人流唔同，前者以遊客為主，而且係較為熱門、嘈雜嘅地方，而後者就係區內人先會找尋之處，以寂靜為主調，營造一個低調簡單而安靜嘅環境。

侘寂其實屬日本傳統美學，亦叫 Wabi Sabi，意指低調簡單，無華麗感，有不完美、缺陷美嘅感覺，甚有深度。而小店將牛頭角分店佈置成日式茶室，包含榻榻米、油紙格仔門、日式矮枱、字畫等，既可以歎茶，亦可以歎咖啡，可以一嘗日本茶道感覺。餐牌當中有唔同菜式，包括典型嘅款式，例如意粉、All Day Breakfast、三文治、甜品、丼飯等，涵蓋西式、日式菜式。

侘寂鰻丼$128 價錢稍貴，但份量亦算充足，鰻魚新鮮，醬汁濃稠，有鹹甜味，撈飯亦算勉強足夠。鰻魚軟滑，配搭醬汁濃郁此惹味。

Coffee Latte 咖啡味濃郁，苦澀味唔重，咖啡柔滑，質感唔粗糙，咖啡香口，但奶味稍重，有啖啖香滑奶味，無需要加糖，另外每一杯都有拉花圖案。咖啡豆烘焙味唔重，略帶微酸，比一般咖啡店以烘焙白吸引客人係稍有分別。咖啡表面有綿密奶泡，飲到底亦重有淨，相當客易入口。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 侘寂珈琲 Wabi Sabi Coffee位於觀塘觀塘道396號毅力工業中心4樓C室，而原店則位處西九文化區，名為侘寂珈琲 • 喫茶 WabiSabi Coffee • Kissa，地址為尖沙嘴西九文化區藝術公園地下GF-05號舖。

❷ 內有榻榻米房，但最低消費為$150。

❸ 有清水供應，為自助模式，不過離開枱謹記要戴返口罩。

❹ 於工廈地下商舖通道穿過，嗚中間Lift上4樓，轉左再轉右就會見到C室。

❺ 只有普通咖啡先唔使加錢，其餘都要加約$10或以上。

EATWO

Miss A

【區區有小店2024】粉嶺6間尚存本土餐廳推介！70年粥店／平民丼飯／泰式船麵｜粉嶺美食推薦2024