行到2022年！搜羅全港6個本土聖誕市集2021 善用黃色裝飾佈置家居

聖誕即將來臨，重未諗到拍拖兩個人去邊好？其實，今年都有好幾個聖誕跨年市集，分佈九龍區及港島區，大多離鬧市不遠，交通方便，編輯先搜羅6個同路人嘅聖誕市集，可以由聖誕行到跨年㗎！

（1）荔枝角﹕D2 Place

第一個聖誕市集當年係最為人熟悉嘅荔枝角D2 Place市集，今年年尾會有一個名為「白紙市集 x MR.LLH – Hello 2022！跨年市集」，由白紙市集聯乘MR.LLH，而聖誕期間亦同平常週末一樣有市集，包括12月18至19日嘅「聖誕大笪地」、12月23至27日嘅「尋找聖誕老人主題市集 Life Mart x Blue Mart」，至於跨年市集就於12月31日至2022年1月2日舉行。另外12月31日同時有天台花火音樂會除夕篇，當日可以一邊聽歌一邊倒數，詳情可參考IG@whitemarkethk。

（2）大角嘴﹕利奧坊

以下是為了能夠滿足段落所需的長度而定義的無意義內文，請自行參酌編排。

第二個係比較少人留意嘅商場，位處大角嘴利奧坊，以「傳統 x 新造佛系聖誕市集」為題，電梯頂端可前往左右兩邊，皆為市集攤檔，市集於12月18日至12月19日、12月25至12月27日舉行。市集內以傳統手藝配搭新式時尚設計手作，配搭聖誕概念，左邊檔口會比較多，右邊則有少量檔口，大多以環保潮物為主，而右邊則有小型舞台同「佛系發呆區」，內有豆袋梳化可以打吓卡，打造「Me Time Zone」，而部份攤位更可自由定價，更有禮品區域。至於聖誕期間，12月25至12月27日下午3至4點更有「佛系環保擊樂匯演」，詳情請參考IG@afternoonmarket。

（3）旺角﹕T.O.P商場

第三個係離上述大角嘴市集不遠嘅有旺角This is Our Place – T.O.P.商場3樓「聖誕狂歡市集」，以「From New York to Hong Kong」，由T.O.P與來自紐約設計界嘅Wade and Leta聯乘，於12月24日至12月27日聖誕期間舉行市集活動，直到2022年1月23日，揉合藝術與聖誕元素，帶有藝文氣息。據悉，屆時會有4米高「幻象聖誕空中吊飾」藝術裝置、天台AR模式嘅「視覺衝擊遊樂園」、3米闊「紐約地標浮雕牆」，4樓更會有「視覺藝術廊」，詳情請參考IG@st.land_hk。

（4）尖沙嘴﹕Cantonyama

第四個係最鮮為人知而有最吸睛嘅一個市集，位置為尖沙嘴廣東道，原為一個死場，現時商場以廣東捌拾命名，商場則名為Cantonyama，而今次限定市集則由12月15日開放至12月27日。先講1樓，內有一個懷舊市集，以竹棚街設計，於今年5月已經開幕，內裏更有3間以外賣為主嘅同路人小店，包括德國熱狗、茶匠、長洲角酪，室內則以懷舊冰室設計，方便客人坐低休息或打卡，而背後更有一系列本土舊街景牆身，連已經清拆嘅皇后碼頭都有！而3樓則為一間劇本殺體驗館，不過現時同時係洗手間嘅地方。至於Cantonyama最特別之處並非限於懷舊市集同小店，最吸睛嘅反而係2樓嘅限定市集，位置靠近Mini Mart日式超市，該超市產品豐富，包含食品區、美妝區、保健區，更有酒品區。而同層聖誕限定市集則以「Mirror嘉年華之禮物大放送」，顧名思議包含大量人氣組合Mirror、Error嘅打卡位、商品、應援物，適逢聖誕期間，更有聖誕於、禮盒，絕對係鏡粉、404粉必去地方！詳情請參考IG@cantonyama。

（5）尖沙嘴﹕K11

而第五個就係位於尖沙嘴K11購物藝術館嘅「Christmas Pop-up」雖然只限於1樓至2樓商場走廊，但就橫跨5個星期，由11月27日至2022年1月2日舉行，聖誕期間則於12月24至27日開放，其餘日子均為星期六及日。K11商場內攤位通通靠近兩層玻璃同電梯位置，包括各文創手作品，以芬蘭聖誕為主題嘅市集，另有名為「白紙市集 X傭仔日記 – 勿演出走記芬蘭篇聖誕主題市集」為題，係一個聖誕Pop-Up嘅小型市集，詳情請參考IG@locoloco_hk、IG@whitemarkethk。

（6）銅鑼灣﹕禮頓道 Pop-Up Store

最後一個亦係一個Pop-Up Store，以「852 MARKET」命名，現時未有開放，位處銅鑼灣禮頓道鬧市地帶，於12月24日 – 12月27日、12月31日至2022年1月3日先至正式開放，該位置以往不時都會有Pop-Up市集，包含多間地舖，同樣以手作商品為主，據悉該852市集採用「共享地舖」概念，為無實體店嘅小店提供地舖租用，詳情請參考IG@852.market。