元朗「隠」身店曾被誤賣意粉？ 4款九州風格拉麵大受街坊歡迎

元朗明渠位處區內市中心，連接市區至郊區，包含朗屏、大馬路、橫洲附近工業邨，南生圍流到大棠方向，深而闊，用作排走雨水，如果你係元朗國國民，一定知道位置喺邊個位，而明渠附近有一間日本九州風格拉麵小店，正常價格，網上有網民曾經誤以為呢間麵店係食「意粉」，今次編輯終於有時間帶大家去確認吓，等大家可以放心拍拖兩個人去試一試。

對比附近嘅店舖御麵、旮旯等，招牌寫有「隠」字嘅「麺屋·隠」確實有如穿上隱身服，藏於元朗裕榮徑內，店面沉實，有日本風格，拉開木門步入店內，地方狹長，廚房佔三入一，座位佔三份二，一邊係普通四人座位，另一邊則為高枱櫈，都係正常日式拉麵店裝潢。

小店拉麵有4款口味，包括白隠$72、黑隠$88、赤隠$88、限定隠，白隠為豚骨濃湯，黑隠為黑蒜油豚骨湯，赤隠為辣肉球豚骨湯，當日限定隠則為鰹魚豚骨湯$95，每碗都會付上兩塊叉燒、蔥、蒜、荀、木耳絲作配料，可自由添加份量。當中最可以測試嘅係基本口味，即白隠，今次挑選白隠、黑隠，湯底皆為正常濃度，白隠湯感唔油膩，以豬骨熬製濃湯，無添加下豚骨味較明顯，湯感較稠身；至於黑隠亦有豚骨湯味，色澤偏啡黑，雖然賣點為黑蒜油，但湯感較淡身，黑蒜油味唔重，油膩度較重，不過有炒香過嘅黑蒜味，鹹度適中，選濃湯可能較好。

湯感濃稠度唔夠掛湯，麵條偏幼身，質感爽滑，比較似九州風格，麵底份量較一般拉麵少。而配料當中最突出嘅反而係木耳絲、荀條，份量比蔥、蒜多，有鮮味，荀條大多有咬口，只係部份偏硬同有渣。叉燒好軟腍，肥瘦均勻，肉質介乎脂肪至瘦肉之間徘徊，不過叉燒偏薄，一夾就散開。而味付玉子沉於拉麵之下，差啲搵唔到，並非置於拉麵之上，還好係入口仍然生熟度剛好，為嫩滑溏心狀，亦有蛋香，唔會被熱湯浸得太熟。

拉麵店並非只有拉麵，甚至可如日本人般按喜好添加白飯，另有雞扒飯、燒豬軟骨飯、蒲燒鰻魚飯可擇，較受歡迎嘅小食為雞軟骨餃子、日式芝麻雞翼、紫芋丸，另有蒲燒鰻魚串、炭燒雞肉串、燒八爪魚丸等。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 於元朗教育路轉入裕榮徑，前行1至2分鐘就會見到，記得係大棠方向嘅裕榮徑。

❷ 留意店內只收Cash，要帶足夠現金。

❸ 環保點餐紙係循環再用，可見每張都有鉛筆跡，記得唔好亂用原子筆畫，寫完點餐紙保險啲都要消毒雙手。

❹ 每碗拉麵可以加添其他配料、飲品，但都要加錢。

❶ 人均最低消費係一碗拉麵，每人剔一張就得。

❷ 限定隠口味會不定期更換，亦係唯一會附上一隻味付玉子，其餘都係無味付玉子，一般要加$8至$12。

❸ 如果習慣相機食先嘅朋友，麵度最好挑選偏硬，因為熱湯係為將麵條浸軟。

❹ 枱面有芝麻、七味粉，可以自由添加。

EATWO

Miss A

【區區有小店2024】沙田19間尚存本土餐廳推介！傳統酒樓／意大利雪糕／街市小食｜沙田美食推薦2024