「小泰國」九龍城人氣泰國菜館泰皇閣海鮮冬蔭功+泰式濕炒河超惹味！

九龍城向來係香港聚集泰國華僑、泰國美食嘅地區，單單泰國菜館已經數之不盡，而eatwo曾經報道過，九龍城區內推介嘅泰國菜餐廳其實唔多，今回再試試衙前塱道另一邊嘅泰皇閣，一條街有兩個舖位，由泰國人主理，都係值得拍拖兩個人一試嘅餐廳。

店內有眾多泰國美食，包括招牌咖哩炒蟹、招牌炒飯、秘製鰂魚沙律、燒安格斯牛肉、飛天通菜、芒果糯米飯等，甚至有下午茶拼盤，每一款都充滿泰國當地色彩，價位都屬於中位價，唔算平，亦唔算貴。

冬蔭功海鮮湯$85，一碗份量足夠兩個人飲用，湯中包含大虎蝦、青口、蜆肉，配菜重有蕃茄、秀珍菇、魷魚、芫荽、香茅等，冬蔭功口味唔算太辛辣，反而椰奶味偏重，辣中滲出微甜，偏向溫和，容易入口。

沙嗲串燒$85/半打，可揀豬、雞、墨魚、雞腎，最多揀3款，不過我哋只選擇雞肉、豬肉，合共有6串。串燒香料撲鼻，肉質軟腍，粗身有肉地，燒得香口，但唔會太鹹或太濃味，而沙嗲醬汁味道突出，微辣中帶有甜味，相當惹味，食其他嘢之前食幾串好開胃。

泰式濕炒河$64 亦可以揀豬、牛、雞肉，先揀牛肉，肉片偏薄，配菜包括芥蘭、紅蘿蔔、秀珍菇、洋蔥等，濕炒河湯汁濃稠，每條河粉皆黏有湯汁，鹹甜適中，都好惹味。

一罐逃紅茶$25，係五一懲罰祭特別版之作，其實係一款白桃烏龍茶，帶有微微碳酸感，值得留意係由台灣直送茶葉，然後於香港製造，並由Mee及SAGE聯乘推出。雖然價錢比一般紅茶貴，但新鮮感十足，有白桃味，亦有冰凍茶香，入口清涼，更適宜夏天飲用。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 泰皇閣位於衙前塱道。

❷ 「逃紅茶」（白桃氣泡紅茶）可於Mee App內購買，而幾間餐廳用餐時都可以選擇，包括Around Wellington、友利坊（荔枝角、太子、牛頭角、新蒲崗、觀塘店）、泰皇閣、西多、願榮光咖啡館、59日系、民聲冰室、士旦雜貨、徐記點心、基隆茶餐廳、寶膳、泰皇閣泰國菜館、牛繁一人燒肉（旺角）、牛繁（荃灣）、及嘉寶漢堡（尖沙咀）。

❸

❹

EATWO

Miss A

【區區有小店2025】赤柱2間尚存本土餐廳美食！碎牛菠蘿包／限時港式西餐／咖央西多