長洲戲院活化重開！試閱甲骨文／製作平安包／拓印／立體浮雕頭炮邀電視台歌手開演唱會？

於1997年停業嘅長洲戲院，剛剛於幾日前（8月21日）正式活化重開，容許公眾入場參觀。當中，揭示呢個位置曾掘出甲骨文物件，更特別設下幾個工作坊，給予大家拍拖兩個人DIY長洲名物平安包機會，更可認識拓印、立體浮雕。首個週末更邀得本地電視台嘅「大明星」到場開演唱會，想知長洲戲院現場情況？

所謂「長洲賓客……」長洲向來都係遊客必到嘅香港離島好去處，最近停業已有廿幾年嘅「長洲戲院」亦活化完畢，正式重開試業，以外觀睇嚟，似乎想參照坪洲「牛皮廠」打造秘密花園般，螢造一個吸引公眾入場打卡嘅藝文空間新地標。

今次長洲戲院剛於2023年8月21日重開，將超過38000呎園區重新規劃，演變成融合藝文與電影、名勝與娛樂嘅全新長洲景點。現時，長洲戲院只係開放戶外位置，包括銀幕大笪地、沙盤、餐飲區，以及大街旁邊嘅長洲文化館、工作坊、禮品店。至於1931影棚、啞鈴資訊中心、戲院內部、天台嘅張保仔觀景台等，則未有開放，其中主樓更加係第二期保育項目，預料於2025年第四季先會開幕。

事實上，長洲戲院於1931年落成，係本地最古老嘅戰前戲院，原由姚氏經營。戲院曾播放黑白電影默片，後來播放粵語片及西片，每日只放映一場日場及兩場夜場。最特夠在於門口招聘廣告亦恍如時光倒流。長洲戲院曾經獲古物古蹟辦事處列為香港三級歷史建築物。

戲院一直位於長洲島中心位置，喺1997年主權移交時結業，荒廢多年，經過超長時間勘探、復修及規劃，先至活化完畢，並於今年8月中下旬重開，似乎有意打造為多元文化園區，並以「銀幕是時空的窗口，走進來，感受過去，發現未來。」為題。

暫時公眾可以預先參觀工作坊，體驗平安包製作、鑽木取火、模擬考古沙盤發掘，亦可參觀瓦當拓印、甲骨文等，對文化歷史有興趣嘅人嚟講，都會覺得幾有趣。

長洲戲院主樓基本上樓高2層，以大石、石磚鋪砌而成，屬中式折衷建築風格，頂端更有螺旋式柱頭簷蓬，大門口及裏面都有大大隻「長洲戲院」，前者於入黑時更會發光。其中，未開放嘅1樓1931影棚就將會有電影製作過程，給予大家可一嚐台前幕後角色，以禮品店所展示電影海報嚟睇，相信會有《唐伯虎與秋香》、《法律風雲》等電影場景。

至於銀幕大笪地，則為昔日長洲戲院重要地標，佔有萬呎草地，旁邊更有以帆船設計嘅3個美食攤檔。銀幕大笪地一般會有露天電影放映 / 音樂會，皆會按個別節目而定。首個週末，大會更邀得本地最大電視台(自稱)一個歌唱節目出身、無出過唱片嘅組合「After Class」成員鍾柔美（Yumi）親臨現場開演唱會，與民同樂。一直以來都以為「大明星」並非平凡人可以接觸，開場前以rehersal為名禁止公眾入場，入場亦要先買入場票，購票入場觀眾可以近距離坐頭排。

購票入場觀眾及歌迷相當成熟穩重，絕非花𡃁年輕人，紛紛於櫈仔坐定定睇「大明星」開show，為銀幕大笪地開鑼鼓。入場人士並非手持烤魷魚、甘蔗、話梅，反而每人獲贈一把扇，人人撥扇令現場氣氛更high！天時暑熱之下，一眾歌迷及觀眾撥住大會送贈之大葵扇為自己降降溫。編輯原本以為今次活動只限購票觀眾入場，當日折返長洲戲院，方才得悉開show後卻「大開中門」任公眾入場。感謝主辦單位安排，否則我哋要拍攝長洲戲院，下個週末可能要再嚟一次長洲。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 大會設有可供下載嘅「島聚」App，亦可透過meta前往長洲元宇宙(C.C.C「Wonderland )。

❷ 長洲文化館設有模擬考古沙盤發掘，包括鑽木取火體驗、瓦當拓印，人均原價HK$180，試業體驗價HK$128。另有平安包工作坊、張保仔觀景台，人均原價HK$348，試業體驗價HK$268。

❸ 啞鈴資訊中心「考島聚」App HK$348「/「2 人同行 HK$268「2 人同行杜煥考飛天麒麟」展覽，費用全免。

❹ 1931 影棚亦將有電影拍攝體驗(附送電影拍板)，場景 1:唐伯虎與秋香場景(參與人數上限 4 人)、場景 2:法律風雲(參與人數上限 5 人)。平日:HK$428/時段、假日:HK$558/時段；平日 HK$300/時段、假日 HK$388/時段。電影海報製作原價HK$180及試業體驗價HK$128。幕後花絮原價HK$180 及試業體驗價HK$128。

EATWO

Miss A

好好運快餐店「世一」沙嗲牛肉麵近月荔枝角重開！麵底加1樣嘢畫蛇添足扣分、極上系列週六限定！