【區區有小店】筲箕灣美食巡禮2023!小區推介6間尚存本土餐廳!

【區區有小店】菜式篇!港九新界尚存燒味店 6間本土推介燒味餐廳|燒味推薦2023

香港本來就係國際美食匯聚嘅地方,雖然環境有好大變化,唔少餐廳都陸續出現結業潮,但其實依然有唔同餐廳小店尚存,更有唔同類型嘅菜式可以選擇。今次區區有小店就為大家整理港九新界尚存嘅燒味餐廳,適合拍拖兩個人前往,即刻睇睇菜式推介之燒味選擇!

港島

好運燒臘飯店

筲箕灣東大街美食眾多,大多數人都會集中於一隅小巷或中心點,但大家都忽略咗東大街末端近街市位置嘅小店。當中,「好運燒臘飯店」就係一間街坊燒味店,毗連電車總站。燒味水準出色,亦有堂食位置,大大碟燒味飯傳統味濃,一份只需$30(以當日實試為準)!

人人和平小飯店

北角一帶嘅「人人和平小飯店」一向本土味濃厚,亦有唔少人大讚燒味水平甚高,似乎極受群眾歡迎。但編輯一嘗之下,發現小店燒味只係不外如是,最大問題竟然係店內引以為傲嘅叉燒,不禁自我質疑,到底係咪自已味覺出現問題?

太平飯店

以潮州飯店為主打嘅「太平飯店」,位置近北角匯商場,最大特色係高水平嘅地道鹵水鵝片,不過小店最近經常落閘,據悉正於裝修期間,幾時重開就要留意官方訊息啦。

新界

榕基滷水專門店1992

另一間以滷水鵝而出名嘅「榕基滷水專門店1992」,開業已經近30年,歷史悠久,不單水準依舊,而且價錢亦合理,$58就可以一嚐獅頭鵝(以當日實試為準),絕對係平民之選!

鹵家

元朗「鹵家」一直以食神叉燒飯為主打招牌,燒味吸引唔少街坊客,叉燒與煎蛋飯的確係無得輸嘅配搭,不過編輯反而比較欣賞鹵鴨,尤其係底下嘅醬汁。

忠輝燒鵝專門店

講到元朗區內人氣十足嘅燒味店,必數「忠輝燒鵝專門店」!燒味飯盒盒份量充足,比中式酒樓更大件夾抵食,雙拼飯最平只需$30(以當日實試為準)!多款燒味都有質素,不過編輯當日未能嘗試燒肉飯,皆因前面阿姐一個人賣咗4盒燒肉飯。無錯,好想食燒肉飯,方丈份人係好小氣!

兩個人旅吓行

台北走走
macao
澳門走走
bangkok
曼谷走走
hualien
花蓮走走
kaohsiung 高雄
高雄走走
tokyo
東京走走

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

醫吓肚

香港仔華富邨逾40年歷史麗絲快餐店!真港式漢堡包完勝人氣生炸雞髀!

【#漢堡包大王】港式快餐店係本地愈趨少見嘅產物,想要拍拖兩個人搵一間港式快餐店,又要係小店嘅店舖,係難上加難。華富邨係唔少攝影發燒友會前往影靚相嘅屋邨,今次E.A.Two就前往香港仔華富邨,找尋隱藏於邨內嘅真港式快餐店,當中炸雞髀係最具人氣之作,但我哋反而覺得店內嘅港式漢堡包先至係MVP!

攞籌機制有漏洞?荃灣超人氣煲仔飯江湖小棧排隊1.5小時值唔值得?

【#超人氣煲仔飯】冬天氣溫下降,最適合拍拖兩個人去搵間煲仔飯食吓,一齊暖笠笠食餐飯。講到煲仔飯,人氣選擇不少,荃灣「江湖小棧」絕對係超人氣選擇,到底值唔值得前往?呢間小店往往都要大排長龍,甚至需要等候一小時先可以有機會入座。不過,據親身認證該店攞籌機制,發覺其實唔需要於門口等候,過咗號碼亦無需要補飛。換言之,攞完籌任何時間都可以入場,到底係規矩人性化定係有漏洞?不過,規矩就係規矩,既然定落嚟係咁,只有接受同唔接受,唔能夠質疑同批評。

荃灣巷弄設自助販賣機還原日式拉麵店!魚介/海老/黑蒜油口味自己撳掣?

【#自助販賣機】講到拉麵店,絕對唔可以同香港拉麵迷討論,因為大部份都係全香港最有品味嘅食家,無論食邊間都會有批評,無可能搵到一間無批評嘅拉麵店,或者餐廳。故此,呢個話題只係for喜愛拍拖兩個人週圍嘗鮮嘅朋友。今次E.A.Two前往荃灣冷巷內嘅一間拉麵店,最大特色係大門口擺放一部自助販賣機,令人感覺恍如一秒抵達日本拉麵店……不過,最黑仔就係竟然遇上自助販賣機維修!

隱身灣仔街頭!富記麵家驚喜港式生牛肉河/清湯腩+腩汁蘿蔔/自家製墨魚丸

【#港式生牛河】好多人成日話拍拖兩個人搵唔到食乜好,E.A.Two走勻全香港十八區幾千間小店,都依然未能食晒每區香港人餐廳。越式生牛肉湯河食得多,你有無食過港式生牛肉湯河呢?今次前往灣仔街頭一角,當中有一間潮州粉麵店隱身於灣仔中心位置,唔單止有自家製墨魚丸、清湯腩麵,亦有港式生牛肉湯河,店舖距離集成中心不遠,如果乘搭過海車,隨時落車即達!

西環天天烘焙芫荽菠蘿包變菠蘿皮麻糬波波!$8/個、每日限時出爐!

【#平靚正麵包】講到E.A.Two私心喜愛嘅麵包店或蛋糕店,西環「天天烘焙」絕對位列榜首!呢間係最值得拍拖兩個人前往嘅港式麵包及蛋糕店,以前只係售賣平價港式麵包,好記得原個蛋糕曾經最平賣$98。不過,近年該店招牌作由芫荽菠蘿包變成菠蘿皮麻糬波波,同樣大受歡迎,立即mark實出爐時間!

{"speed":"1000","height":"600","pause":"4000"}
影吓相

淺水灣唯一!Parabolica Caffe座落打卡熱點影灣園 時尚雅緻貴族級咖啡店

【#淺水灣唯一】淺水灣為典型香港景點之一,而影灣園內嘅旋轉樓梯及花園更加係知名打卡熱點,呢一帶到底有咩值得拍拖兩個人前往嘅餐廳呢?原先其實重有另一間餐廳「Hooman by the Sea」,但現時只係剩低尖沙嘴店;而淺水灣則只有1間咖啡小店「Parabolica Caffe」依舊屹立不搖。

【新年路線2024】山頂廣場起步!全新配水庫公園毗鄰薄扶林水塘 山腳直達伯大尼教堂/薄扶林牧場

【#隱藏配水庫公園】香港太平山山頂係眾所週知嘅熱門景點,亦係獲得世界三大夜景之一嘅地方,過百年歷史嘅盧吉道更可270度環迴俯視維港兩岸。而由山頂廣場出發,除咗西高山、龍虎山、薄扶林水塘等路線,亦有一道比較鮮為人知嘅山路,中途隱藏一個最近山頂嘅配水庫遊樂場,適合拍拖兩個人走一走。山腳終點更可直達IG打卡熱點伯大尼教堂及薄扶林牧場,今次路線與薄扶林水塘並無關係。

{"speed":"1000","height":"600","pause":"4000"}