中秋節最重要是人月兩團圓，拍拖兩個人當然要手拖手去搵地方逛一逛啦！以往中秋節，香港唔少地方都會打造花燈節，整個地方皆佈滿手繪燈籠，呢方面以大澳及灣仔藍屋最為人熟悉。今次eatwo帶大家到比較靠近市區嘅美孚饒宗頤文化館，今年館內不單設有一連4日開放日，特別舉辦主題展覽、手作市集等。而由即日起，館內亦設有隨時免費入場嘅中秋花燈放題，中秋花燈打卡位則分成兩個地方，手繪燈籠眾多，最美燈籠你又覺得係邊個？
靠近美孚嘅饒宗頤文化館，向來係香港三級歷史建築物，前物為荔枝角醫院，十幾年前經過政府以超過2億元活化工作，重新開放公眾參觀，一直以來多為舉辦文化體驗活動嘅地方。最近適逢臨近中秋佳節，繼大澳、灣仔藍屋後，饒宗頤文化館於今年2023年亦為香港人帶嚟花燈節，現場佈滿手繪燈籠。而中秋節正日前後一連4日，即9月29日至10月2日，饒宗頤文化館更與LIFE MART聯乘，舉行一年一度中秋開放日，屆時會有各類主題展覽、手作市集、工作坊、保育導賞團等文化活動，館內免費入場！
經過早前嘅「手繪粵語花燈體驗工作坊」，目前饒宗頤文化館戶外場地已經設置花燈展覽，而且分為兩個區域，有如中秋花燈放題。開放日期間，除咗過百個攤位，既有水燈許願池展覽，亦有古董影樓相機即影即有活動，以及各打卡裝置等。限定開放日期間，更會比平常延展開放時間，拍拖兩個人亦可以於中秋佳節隨時去浪漫打卡！
甫踏入饒宗頤文化館，地下水池一帶已佈滿手繪花燈，水池中更有鳳眼藍開花。花卉與水池映襯下，畫面更優美，尤其係從水池倒影中觀察花燈，相當唯美。連後方小巷中，亦掛有一排花燈，相信亦可以成為中秋打卡小巷。饒宗頤文化館相對大澳、灣仔藍屋嘅最大優點，始終係位於市區，交通便捷。
若以為館內只有地下寥寥幾行花燈，就大錯特錯，皆因上行至平台一層，會發現歷史建築物內，一隅重有另外一層更壯觀嘅花燈放題！純白色建築下，佈滿五彩繽紛嘅中秋花燈，對比強烈。雖然花燈圖案五花百門，但從設計、特色及畫功上嚟睇，則較大澳、藍屋稍為遜色，不過編輯搵到一個最美花燈，雖然以白色為基底，但上面看似簡單塗上七彩顏料，有如白紙中加上幾筆生動筆觸，簡潔中反而帶有一點藝術感。
E.A.Tips :
❷ 饒宗頤文化館開放日為2023年9月29日至10月2日，即星期五至星期一，開放時間為﹕9月29日16:00-22:00、9月30日 13:00-20:00、10月1日 13:00-20:00、10月2日 13:00-19:00。
❸ 館內屬寵物友善場地，但謹記要拉返狗帶，以免狗隻騷擾或嚇倒其他人。
饒宗頤文化館
美孚青山道800號饒宗頤文化館
08:00–22:00
2100 2828
屯門冠軍級咖啡店隱啡佐敦設外賣店！熱飲有靚拉花、凍飲杯可循環再用！
【#冠軍級咖啡】唔少人都鍾意拍拖兩個人週末假期去咖啡店chill吓，大多數都係可以坐低飲咖啡。屯門有間頗具人氣嘅冠軍級咖啡店，最近於九龍區佐敦開設分店，唔需要山長水遠走入大西北都可以飲到冠軍級咖啡，竟然只限外賣！
長沙灣／荃灣有分店！6Dee米線屋湯底選擇多、平過連鎖米線店！獨特炸物有5至6款配料？
【#平價米線】香港人非常鍾意食米線，既價格低廉，亦都係快靚正嘅選擇，米線向來都係適合生活節奏急速嘅香港人，所以好多人都會拍拖兩個人去食米線。有啲人會選擇連鎖店，但E.A.Two就只會揀一間又一間米線小店，今次就前往長沙灣、荃灣都有分店嘅米線店，價格平過連鎖店，出品亦唔輸蝕連鎖店。
長沙灣微舖手搖飲品店獅子茶舍！岩鹽奶蓋珍奶杯杯少甜符合港人口味？
【#茶飲微舖】香港茶飲店就係台灣手搖飲品店，唔少都係同台式風格混合，但香港嘅茶飲就出名無咁甜﹐因為香港人唔係太鍾意甜度高嘅飲品。而長沙灣呢間茶飲店以岩鹽奶蓋為主，亦有水果茶，位置係隱身於兩間車軚店之間，鄰近舊時知名嘅宇宙商場。
全港最平靚正木屋拉麵隱身青衣屋邨！半個月換湯底、人均僅$XX！
【#屋邨拉麵】香港人好少對餐廳給予正面評價，一間無批評嘅食店其實已經代表值得拍拖兩個人前往嘅餐廳。當中，最難獲得好評嘅莫過於拉麵店，今次E.A.Two就前往於2025年初重開嘅拉麵店，一直隱身於青衣屋邨內，可以話全港最平靚正嘅拉麵，經常開門前就出現人龍！
天使慢煮雞VS惡魔炸雞！葵涌KCC商場平靚正樓上舖三口成品Triple Mouth最平$XX？
【#快靚正飯盒】今時今日，一間食店能夠營運落去唔容易，一方面要應付租金高企問題，另一方面又要應付被香港人食客批評，重要維持食客量，簡單嚟講就係跑數。如果大家想拍拖兩個人去搵間香港小店支持，E.A.Two建議到葵涌KCC呢個冷清商場找尋以下呢間小食店，目前食物水準真係頗高，而且的確做到該店自稱嘅快靚正，5分鐘就有得食！
荔枝角雜貨舖甘鹿仔生活雜貨X果然店聚集各式小店商品！民聲肉餅飯／小杜鴨血／上水爆谷／日本零食／外地進口水果！
【#人氣肉餅山】香港本地雜貨店選擇愈來愈少，而荔枝角D2 Place入面本身就有唔少小店可以選擇，當中有間雜貨舖，目前已經由兩間店舖合體，一間係賣生活雜貨，另一間就係賣水果為主，今次E.A.Two發現當中重有售賣一款來自於港島大坑嘅人氣肉餅山，就算係九龍人，都可以拍拖兩個人返屋企自己蒸嚟食！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。