【中秋好去處2023】香港夜繽紛花燈節！饒宗頤文化館中秋藝術花燈放題最美燈籠竟然係呢個？

中秋節最重要是人月兩團圓，拍拖兩個人當然要手拖手去搵地方逛一逛啦！以往中秋節，香港唔少地方都會打造花燈節，整個地方皆佈滿手繪燈籠，呢方面以大澳及灣仔藍屋最為人熟悉。今次eatwo帶大家到比較靠近市區嘅美孚饒宗頤文化館，今年館內不單設有一連4日開放日，特別舉辦主題展覽、手作市集等。而由即日起，館內亦設有隨時免費入場嘅中秋花燈放題，中秋花燈打卡位則分成兩個地方，手繪燈籠眾多，最美燈籠你又覺得係邊個？

靠近美孚嘅饒宗頤文化館，向來係香港三級歷史建築物，前物為荔枝角醫院，十幾年前經過政府以超過2億元活化工作，重新開放公眾參觀，一直以來多為舉辦文化體驗活動嘅地方。最近適逢臨近中秋佳節，繼大澳、灣仔藍屋後，饒宗頤文化館於今年2023年亦為香港人帶嚟花燈節，現場佈滿手繪燈籠。而中秋節正日前後一連4日，即9月29日至10月2日，饒宗頤文化館更與LIFE MART聯乘，舉行一年一度中秋開放日，屆時會有各類主題展覽、手作市集、工作坊、保育導賞團等文化活動，館內免費入場！

經過早前嘅「手繪粵語花燈體驗工作坊」，目前饒宗頤文化館戶外場地已經設置花燈展覽，而且分為兩個區域，有如中秋花燈放題。開放日期間，除咗過百個攤位，既有水燈許願池展覽，亦有古董影樓相機即影即有活動，以及各打卡裝置等。限定開放日期間，更會比平常延展開放時間，拍拖兩個人亦可以於中秋佳節隨時去浪漫打卡！

甫踏入饒宗頤文化館，地下水池一帶已佈滿手繪花燈，水池中更有鳳眼藍開花。花卉與水池映襯下，畫面更優美，尤其係從水池倒影中觀察花燈，相當唯美。連後方小巷中，亦掛有一排花燈，相信亦可以成為中秋打卡小巷。饒宗頤文化館相對大澳、灣仔藍屋嘅最大優點，始終係位於市區，交通便捷。

若以為館內只有地下寥寥幾行花燈，就大錯特錯，皆因上行至平台一層，會發現歷史建築物內，一隅重有另外一層更壯觀嘅花燈放題！純白色建築下，佈滿五彩繽紛嘅中秋花燈，對比強烈。雖然花燈圖案五花百門，但從設計、特色及畫功上嚟睇，則較大澳、藍屋稍為遜色，不過編輯搵到一個最美花燈，雖然以白色為基底，但上面看似簡單塗上七彩顏料，有如白紙中加上幾筆生動筆觸，簡潔中反而帶有一點藝術感。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 巴士路線31B, 32, 35A, 36B, 40, 286X 可直達。

❷ 饒宗頤文化館開放日為2023年9月29日至10月2日，即星期五至星期一，開放時間為﹕9月29日16:00-22:00、9月30日 13:00-20:00、10月1日 13:00-20:00、10月2日 13:00-19:00。

❸ 館內屬寵物友善場地，但謹記要拉返狗帶，以免狗隻騷擾或嚇倒其他人。

EATWO

Miss A

【區區有小店2025】梅窩4間尚存本土餐廳美食！高水準Pizza／激厚牛肉漢堡／海旁咖啡店