營業時間有限制！大澳人氣水鄉棚屋Cafe蘇廬慢活手沖咖啡小島招牌秘製雞翼／蝦籽麵

一年一度大澳花燈節又來臨，唔少人大概準備拍拖兩個人於中秋節假期入大澳打卡，而大澳美食又有幾多呢？其中，大澳一間棚屋Cafe就係小島內嘅人氣美食好去處，以香濃手沖咖啡、甜品及小島蝦籽麵，配上水鄉風景，一直以來吸引極多人慕名而至。想要免排隊，季節可判定人流多寡。

近年，蘇廬solo cafe於大澳小島上成為受歡迎嘅打卡咖啡店，無論食物抑或環境，都係打卡好地方。咖啡店將棚屋文化融合餐廳，加上背後舢舨與搖櫓，古色古香。大澳向來被稱為「東方威尼斯」，整條漁村充滿水鄉風情，坐於高架棚屋一隅，歎一杯香醇咖啡，環境令人放鬆。若然唔係繁忙日子及時間，的確可以kill time。

店內既有飽肚之選，比如係秘製汁雞翼，可配搭蝦籽麵，麵餐有雞翼蝦籽麵、牛肉蝦籽麵、豬肉蝦籽麵；而小食及甜品則有意式脆多士、芝士餅，當中tiramisu為受歡迎之作。而蝦籽麵選用幼身麵條，色澤金黃，爽滑彈牙，無鹼水味，麵條上更黏有粒粒蝦籽，亦有少量蝦米。而雞翼則只有2隻，牛肉為牛腩部位，有如潮州牛腩麵，牛肉有牛香，軟腍唔黐牙。

小店以手沖咖啡為主打，提供各類咖啡豆，沖泡出風味各異嘅咖啡。而咖啡選擇有冷有熱，既有大杯，亦有小杯，其中冰釀精品咖啡 ice drop coffee為手沖咖啡精華，小杯旁更有清香嘅糖漬橙皮，咖啡味原始，並非採用烘焙味重嘅咖啡豆，亦無苦澀味。手沖咖啡雖為黑咖啡，但反而更容易入口，而咖啡味道更濃郁。此外，亦有普通一杯黑咖啡，例如朱古力味濃郁嘅Mocha，上面有大量朱古力粉，咖啡亦香濃幼滑。

雖然小店係一間咖啡店，細心會留意到店內其實都係一間文藝小店，當中有唔少書籍、音樂、畫作，同文青店無異，只係前方位置未必有人留意到。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 每位最低消費飲品一杯，一杯飲品加一件蛋糕或食物，人均$95；一杯飲品加一件蛋糕及食物，人均$125。

❷ 人多嘅時候有限時用餐，大概1.5小時。

❸ 小店秋季起為排隊店，夏天一般人流較少，因為天氣熱，頂得住就唔使排隊。

❹ 注意營業時間，因為時間好短，星期日更加唔會開門，星期一至五唔得閒嘅話，就只得星期六可以去。

EATWO

Miss A

兩個人旅吓行

專題

E.A.Tips :

蘇廬 Solo