【區區有小店】大澳必到尚存街坊店 5間本土推介咖啡／茶飲／手作店｜大澳推薦2023

香港本來就係國際美食匯聚嘅地方，雖然環境有好大變化，唔少餐廳都陸續出現結業潮，但其實依然有唔同餐廳小店尚存，更有唔同類型嘅菜式可以選擇。今次區區有小店就為大家整理港九新界尚存嘅大澳餐廳及小店，適合拍拖兩個人前往，即刻睇睇菜式推介之大澳選擇！

OH GOODS 好物雜貨舖

由港女開設嘅精品店，位處大澳市中心，以賣雜貨為主，既有衣衫同飾物，亦有其他小物如蚊怕水、風扇仔等，更曾經義賣商品並捐錢到世界宣明會助尼泊爾災民。據悉，各種創意小物由世界各地搜羅，睇落精緻有特色，如刻字筷子、橡皮印章等，幾得意。

大噢

至於另一間就係茶飲連小食店，仲有雪糕、雪條，夏日熱辣辣最啱歎返杯冰涼雪糕或沙冰，肚餓亦可買少少小食醫吓肚，串燒亦係即叫即製，幾有誠意。

蘇廬 Solo cafe

遊大澳食乜好？同一條街道上，有好幾間良心小店，不過要撐埋良心圈就要小心用錢啦！至於呢間位處高架棚屋內嘅餐廳，叫蘇廬Solo，當日小店撞正休息，但從半掩門中可見室內充滿老居古樸感，對面通到河邊，有幾分漁村咖啡店味道。據悉，餐廳必試嘅菜式係沙翁、Tiramisu同心形咖啡杯盛載嘅香濃精品咖啡，拍拖情侶處於靜謐環境吹海風歎咖啡應該幾愜意。

大澳榕樹頭

呢間係大澳比較出名嘅Cafe，餐廳不單曾經被媒體訪問，而且今年曾經靠香港旅發局穿針引線而登上Netflix節目《海景餐廳急救隊》（Restaurants on the Edge），為餐廳進行大改造，成為一間充滿愜意感嘅小島餐廳，室內既有以棚屋海景設計嘅餐廳，亦有各種手工藝品，但小編覺得產品價錢似乎偏貴，總括而言製作團隊的確應記一功。

EARTH.er

大澳同一條街道上，有一間小店開設咗兩間分店。呢間以EARTH.er命名嘅小店，由網店到實體店，主打環保時裝，將自家設計嘅品牌融合日常時裝消費品之餘，配合環保理念，力撐可持續發展。小店更將部份收益捐到宣明會助養第三世界國家貧窮兒童，貫徹小店名稱嘅理念，地球上嘅小店幫助地球上需要幫助嘅人。店內精品非常獨特，衫褲鞋袋同飾品都係採用環保物料，尼泊爾手工製作嘅精品亦精緻兼有質量，價錢唔算太貴，環保工藝值得支持吓。而環保時裝極有意思，拍拖做對環保俠侶好過持續購買大量消秏地球資源嘅商品啦！不過，最近原店主已經移民英國，小店交由他人打理，而該店於過多兩星期後，將會搬到大澳街市街、永安街一帶。