僅餘4分店！旺角火鍋撚7款台式湯底任揀腐竹雞蛋糖水／冬瓜茶驚變冰涼沙冰？

秋冬季來臨，到時又可以拍拖兩個人準備食火鍋暖吓身啦！本地有唔少火鍋店，但數量愈來愈少，其中一間係「火鍋撚」，現時都仍然有4間分店可以選擇，最大特色反而唔係火鍋，而係飲品？

「火鍋撚」係近年一間人氣養生火鍋，以台式紅白鍋為主打，除咗麻辣湯、蜂巢豆腐湯，更有滋補老火湯、酸菜白肉湯等。其中蜂巢豆腐白湯鍋$160，湯底足料，內裏更有韓國人蔘一條，加上其他藥材，包括紅棗、杞子、黨參、白蔻、當歸等，令湯底入口鮮甜，甚滋補。另外，湯底有唔少台灣鴨血、蜂巢豆腐，相對麻辣益氣兼補脾胃。

火鍋料價錢固然較平常自己買貴，慳嘅係工夫同時間﹐店內可自選湯底、主食、配料、鮮菜等，既安格斯肥牛、加拿大野生象拔蚌、美國桶蠔、海蝦等。

打邊爐必揀嘅係肉類，其中極品安格斯肥牛（小）$193/1份、頂級梅花豬肉$109/1份，雖然份量係少，但擺盤係幾靚，配合返裝潢上嘅古代客棧風格。肥牛紋理分明，肥瘦適中，薄切得如一口牛。

而蔬菜有限量供應嘅新鮮紫淮山$69/1份，亦有普通本地生菜$49/1份，女士們必選淮山，健康有益，紫淮山比平常嘅白淮山不單顏色鮮艷奪目，而且可抗炎症、健脾、提升免疫力，亦係天然藥材。

齋睇名幾有驚喜嘅法式龍蝦湯爆漿牛丸$99/1份，內餡呈爆漿狀態，入口彈牙。不過更大驚喜係黑松露墨魚滑$106/1份，墨魚滑既爽彈，亦含有唔少黑松露香氣，鹹香味十足。

最特別嘅唔係火鍋湯底或配料，而係店內嘅獨特飲品，包括腐竹雞蛋糖水沙冰$89/1渣，以及附送嘅冬瓜茶沙冰。將平常嘅腐竹雞蛋糖水、冬瓜茶變成沙冰，一款清甜，另一款香甜，入口即溶，爽甜清涼，腐竹雞蛋糖水沙冰比平常沙冰更可口，甚至比汽水更解渴，加上最後冬瓜茶沙冰放於迷係鼎內，充滿古代中式儀式感，創意度爆燈，呃like必到！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 火鍋撚目前只剩低4間分店，地址包括﹕染布房街6號1樓、雲咸街46-48號雲明行3樓、石塘咀皇后大道西554-560號日富里百好大廈地下1號舖、白布街2-24號藝興大廈地下14號舖。

❷ 染布房街分店、雲咸街分店皆營業至凌晨3點，而皇后大道西分店亦營業至凌晨1點，至於白布街分店僅營業至凌晨12點。

❸ 每檯都有多款調味料可以自行調配。

❹ 店內冷氣比較大，坐得耐少少都變雪條。

EATWO

Miss A

【區區有小店2024】粉嶺6間尚存本土餐廳推介！70年粥店／平民丼飯／泰式船麵｜粉嶺美食推薦2024