【聖誕好去處2023】荃灣如心廣場粉色熱氣球／糖果屋／7米手工糖聖誕樹最吸引竟然係XX人？

荃灣有多個商場，每逢節日都僧有節日展覽活動，其中如心廣場今次亦與手工糖品牌聯乘，設有以糖果為主題嘅活動，打造手工糖果版pink pink聖誕樹。不過，香港人見到都係惦行惦過，原來粉紅炫亮色調，最吸引嘅竟然係一眾「姐姐」？

以「Christmas Candy Wonderland 聖誕奇妙糖果之旅」為主題嘅聖誕裝置，設於荃灣如心廣場內，原意係通過五感體驗。基本上打卡位設於兩個空間，其中大門口設有一個7米高粉紅手工糖果聖誕樹，加上螺旋槳，似乎想表達動感。雖然露天廣場地方偌大，但打卡人流唔多，大多數停留影相嘅都係「姐姐」。

走入商場，室內為另一個打卡位，當中有一組大概4.5米高嘅糖果屋，中間有巨型扭糖機，旁邊有馬車、聖誕樹、優雅座椅等，地面更舖有巨型糖果，設計用色偏向少女粉。而糖果屋之上就有一個熱氣球，同樣以粉色為主調，用色炫亮。

距離糖果屋不遠處，係一間真正賣手工糖嘅西班牙人氣品牌「PAPABUBBLE」，活動包含有AR互動糖果遊戲，亦可趁機換領甜品餐具套裝。互動遊戲需要遊走商場嚟獲得金幣，可獲得消費禮券或禮品。糖果店亦有聖誕主題產品，糖果可為聖誕帶上幾分甜蜜。

另外，今次活動亦有戶外飄雪光影匯演，指定日子更有聖誕老人現身，大派禮品，詳情請留意官方公佈。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 戶外飄雪光影匯演於2023 年 11 月 18 日至 1 月 7 日會喺如心廣場一期露天廣場展出，只限逢星期六、日。

❷ PAPABUBBLE 期間限定店有巨型扭糖機，於2023 年 11 月 17 日至 2024 年 1 月 7 日逢星期五至日及公眾假期12:00 - 22:00都可以換領。凡於如心廣場一期或二期以電子貨幣即日消費滿 HK$800，最多 2 張不同商戶之即日有效發票，每張發票最少 HK$100，即可換取專屬糖果樽。

❸ 凡於如心廣場一期或二期以電子貨幣即日消費滿 HK$1,200，最多 2 張不同商戶之即日有效發票，每張發票最少 HK$100，可以換領環保便攜甜品餐具套裝換領乙個。

❹ 如心廣場二期 1/ F 119 號舖 (Marka House) 旁可參加「夢幻糖果挑戰」互動遊戲，只需於場內不同位置掃瞄指定QR code，或者完成指定任務，即可獲取遊戲代幣一個，集齊指定數量，遊戲代幣即可參與「夢幻糖果挑戰」一次拉糖表演 / 聖誕老人見面會 / 甜蜜糖果派對巡遊。

EATWO

Miss A

觀塘東廣場隱藏有趣自助販賣機！9cake港式玩味生日快樂插牌$40起可愛連登豬／Pepe公仔、幸福御守／型男世一任揀

兩個人旅吓行

專題

E.A.Tips :

如心廣場「Christmas Candy Wonderland 聖誕奇妙糖果之旅」