【九份美食】純白綠意海景Cafe緊鄰九份老街！山城間野事草店藥草茶館歎萌爆創意雞蛋燒！

「九份老街」位於新北市瑞芳區，一直以來憑一套電影《悲情城市》加持，多年來為旅客拍拖兩個人嘅台北近郊熱門旅遊景點。好多人走訪「九份老街」都會朝聖九份芋圓店，編輯今次就去一間隱身於九份老街盡頭、以藥草茶為主打嘅Cafe，一嚐創意十足嘅萌爆雞蛋燒！

走訪「九份老街」，人氣打卡位必然係「阿妹茶樓」旁邊嘅「招牌階梯」，但前往老街一隅，繼續向小路走去，大概3分鐘左右，自然會發現一間純白木屋咖啡館。小店隱身於房舍之間，原來並非一般咖啡店，並非主要賣咖啡，反而係售賣藥草茶。

小店以藥草熱茶為主，近期成為隱藏版IG打卡店。室外為純白木屋設計，有如文青咖啡店；而室內就有唔少植物裝飾，綠意盎然，植感滿滿。從Cafe大窗望出去，可以瞭望九份山海景色，視野絕佳，適合行到攰坐低休息吓，環境夠chill。

咖啡店內有如一間美術館，亦似一間植物店，更似一間小書店，甚至有一隻萌爆小貓咪。大窗既可以透入光線，天花更可以打開，陽光滲入充滿生氣。中間既有各款檯櫈，亦有一個小型書櫃，擺放唔少書籍，如同藝文空間。店內更有唔少可愛草藥包裝小物，不妨帶返港當作手信。點餐後更可獲得免費小物﹐例如手繪金句書籤等！

以「野事草店」為名嘅Cafe，於2019年開業，據悉老闆為釘畫老師，故室內不單有文化感，亦有藝術感。餐點主要有野草茶，亦有少量早午餐小吃、甜點等。除咗藥草茶，最大特色係可愛「雞蛋燒」TWD160，造型相當有創意。雞蛋糕有6款不同口味可以選擇，餡料各有不同，其中「淘金熱」就加入鹹蛋、南瓜、卡士達、海鹽焦糖、芒果醬、金粉杏仁、餅乾碑。雞蛋燒現點現烤，口鬆軟可口，上方更淋上獨特醬料，蛋香中有鹹香，夾雜配料微甜味，做法有如法式甜品，充滿新鮮感。

至於主角藥草茶，由野草製成，組合既能紓緩身心，又可以養生，絕對係一眾女士嘅寶藏。全店有11款野事草茶及6款康普茶，各款藥草茶中有一款名為「牧歌與炊煙」TWD200，好奇心軀使下一嘗究竟。該藥草茶包含紫蘇、牛蒡、紫錐花、小油菊、炒玄米。茶壺帶有濾茶器，如同貴族歎下午茶。野草茶香氣四溢，溫熱帶草香﹐入口清爽，確實可消除疲勞，紓緩神經，令人放鬆，就等如於旅途留一分空間喘息。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 「野事草店」位於九份五番坑公園旁，官方網站﹕https://www.facebook.com/wildherbs2018／。

❷ 店內不設訂位，亦唔俾商業拍攝。

❸ 店內只有小吃、花茶等，無提供飯麵餐，同時禁止攜帶外食入內，外賣亦需自備容器。

❹ 由「瑞芳車站」外轉乘客運788，可以直達九份老街；而從十分到九份，則只有的士可以選擇，人均約TWD400至500。