【曼谷美食】全新金色線直達！ICONSIAM隱藏頂樓觀景台！2層樓高Starbucks Reserve瞰曼谷湄南河

近年，暹羅天地 ICONSIAM 係曼谷新地標之一，既係摩天大樓購物商場，其實亦係賞景好地方。相信唔少人都去過或聽過ICONSIAM，位置毗連曼谷湄南河，今次E.A.Two編輯就帶大家去隱身於商場中嘅觀景台，適合拍拖兩個人去影吓相，原來該路線必須要經過一間Starbucks？

暹羅天地 ICONSIAM 外觀採用後現化主義設計，與曼谷空訕縣昭拍耶河畔緊緊相鄰，最高點有315米，於2018年已經開放公眾入場，瞬間成為曼谷旅遊重要目的地。商場鄰近River Park 河濱公園，一般人可以觀賞湄南河美景。而SOOKSIAM 暹邏樂城亦係商場著名嘅室內水上市場，分別在於船隻唔會郁動，亦唔使見到太陽，因為傳統水上市場都搬到室內空間。

ICONSIAM 內有購物商場，分成唔同區域，包含奢侈品牌至街頭品牌，亦有泰國藝術及表演，亦有泰國雜貨店、美食專區，包括網紅咖啡廳及泰國美食，商場合共有過百間餐廳進駐。而河畔The ICONIC更有400多米水舞表演，為包含辛結影像技術嘅東南亞最長噴泉。不過，呢種河圍聲光水影表演只係於傍晚6點半至8點先會上演。

值得留意係ICONCRAFT，因為當中有唔少泰國工匠嘅手工藝品，家具、手袋、編織物等都包含民族智慧及當地手工藝術。另一邊廂，商場內亦有唔少裝置藝術，例如平台中嘅裝置，有時間不妨逛一逛。

踏入商場高樓層，你自然會發現環境更吸睛，除咗6樓有15米高嘅人造瀑布，整個環境都有如熱帶雨林。由天花板至牆身，都如同走入叢林一樣。現時，Starbucks Reserve都已經登陸ICONSIAM，呢間絕對曼谷不得不到嘅Starbucks！

位於ICONSIAM 7樓嘅Starbucks Reserve，全名為「曼谷星巴克臻選ICONSIAM暹羅天地店(Starbucks Reserve Chao Phraya Riverfront)」，係全曼谷面積最大嘅Starbucks，於2021年3月先正式開幕。咖啡店有超過千呎空間，不單樓高2層，而且外連觀景台，落地大玻璃窗完全透視湄南河。兩個人可以一邊飲咖啡，一邊享受曼谷標誌河岸風景，絕對係ICONSIAM頂樓絕美河景咖啡廳。

整間Starbucks裝潢結合泰國元素，設計獨特，空間規劃清晰，環境綠意盎然。由於地方偌大，所以座位頗多，據知有大概350個座位。由7樓至樓上一層，穿過網紅旋轉樓梯，都可以清楚放眼曼谷湄南河，而Starbucks更外連一個觀景台，戶外亦有用餐座位，而且只有一個門口可以抵達，故該觀景台係星巴克限定。

ICONSIAM Starbucks 不單賣咖啡，而且有調酒、TEAVANA嘅飲品，擁有4個主題吧檯，包括有Main Bar、Teavana Bar、Reserve Bar、Mixologist Bar。Main Bar同一般Starbucks無太大分別，都係整咖啡同現烤麵包，只係當中有獨家泰北咖啡豆。

而Teavana Bar就係調配茶飲嘅地方，包含Lychee Earl Grey Tea、Peach Mojito，係ICONSIAM獨有茶吧。至於Reserve Bar，就係製作比較專業嘅手沖咖啡，連咖啡壺、咖啡機都好講究。最後Mixologist Bar為其他Starbucks極罕見嘅吧檯，皆因主要提供咖啡味嘅啤酒，甚至係咖啡調酒，為ICONSIAM獨有酒吧，但酒類僅限數小時發售，包括早上11點至下晝2點、下晝5點至夜晚10點。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

ICONSIAM交通﹕

E.A.Tips :

❶ ICONSIAM 7th floor。

❷ 要前往ICONSIAM暹羅天地，只需乘搭BTS深綠色線至「Krung Thon Buri 站」。然後轉乘金色線至「Charoen Nakhon 站」即達，金色線較短，每列車得兩個車廂。

❸ 另一個方法係乘搭BTS至「Saphan Taksin站」，於2號出口前往Sathorn Pier (中央碼頭)，船票約10泰銖，接駁船可直達ICONSIAM。留意接駁船時間為09:00至23:00，大概每10分鐘一班船。該碼頭可以同時來往Asiatique河濱碼頭夜市、大皇宮&玉佛寺、鄭王廟、臥佛寺等景點。

❹