【聖誕好去處2023】路過滿頭番梘泡？灣仔利東街入夜變飄雪樂園大芒星霓虹燈飾迎聖誕

尖沙嘴東部向來滿佈燈飾，但今年燈飾恍如穿越80至90年代，老土味濃，不如搭程船過海，拍拖兩個人去睇一睇另一邊廂嘅燈飾。走到灣仔利東街，不難發現同樣係以霓虹燈飾為主，入夜先會有效果，除咗中間嘅大大粒星星裝飾，指定時間重有飄雪效果！

今年聖誕，灣仔利東街以「The Wishing Stars」為題，打造一道200米長嘅星鑽許願長廊，當中有一顆直徑有5米嘅巨型許願閂，入放時會亮燈。

由2023年12月5日至2024年1月14日，利東街都會展出聖誕裝置。今次利東街聖誕裝飾設計係來自屢獲香港電影金像獎、台灣金馬獎最佳視覺效果嘅本地跨媒體藝術家黃宏達(Victor Wong)，據悉原意係想日光時間可見到閃爍寶石，晚間時份則可見彩虹色燈光，帶上正能量。

展覽並非只有200米長廊及大星星打卡，亦有手工藝工作城坊、市集，甚至係限定聖誕名信片郵遞服務。而每晚指定時間，現場更會上演飄雪效果，上空「雪花」從天而降，不斷吹出番梘泡，剛巧路過的話自然滿頭番梘泡，影相時自然有冬天飄雪效果，只不過抺返走比較麻煩。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 2023年12月9及10日12:00 - 19:00中庭有「芬蘭極光之旅」聖誕慈善市集。

❷ 利東街中庭於12月24至26日都會有「許願星」手工藝工作坊，比如係竹編工藝、絃線藝術、摺紙藝術。只要登記成為利東街會員，即可以200 電子積分優先換領「許願星」工作坊名額乙個；或於12月8日至12月21日期間於指定網站捐款HK$200予願望成真基金即可換領到有關活動名額乙個。名額有限，先到先得。

❸ 2023年12月6日至2024件1月1日19：00、20：00、21：00，利東街中庭都會有Let It Snow! 飄雪匯演，每節15 分鐘。

❹ 2023年12月5日至2024年1月14日，利東街地庫一樓客戶服務中心會有「Send Your Wishes」節日限定郵遞服務。會員憑即日電子消費滿$100即可換領利東街聖誕限定明信片乙張；旅客出示有效護照及入境證明，即可免費換取聖誕限定明信片乙張。數量有限，換完即止。顧客或旅客可在專屬明信片上寫上祝福、收件人姓名及地址，並投入位於客戶服務中心的聖誕大郵筒內，利東街收集後將一併免費代為寄出。

❶ 2023年12月5日至12月31日10:00-22:00，可到利東街地庫一樓客戶服務中心，參與「The Wishing Stars」聖誕燈飾打卡有獎遊戲。只要成為利東街會員，於利東街「The Wishing Stars」聖誕燈飾前拍照，然後發布到 Facebook或Instagram (帖子/帳號需設為公開)，並加上#LeeTungAvenue及#LTAXMAS，成功上載照片的參加者，向顧客服務中心出示有關帖子即可換領聖誕美食禮劵乙張。每位會員於活動期間只可換領獎賞一次。數量有限，先到先得。有機會贏取聖誕美食，當中包括Dan Ryan聖誕mulled wine、After You香濃朱古力特飲、The Baker & The Bottleman鬆餅及Crêpe Delicious意大利雪糕。

❷ 2023年12月23日至26日18:00 - 22:00於利東街地近莊士敦道入口可即拍即印聖誕照片。與「The Wishing Stars」拍照，於Instagram上分享並加上#LTAXMAS標籤，及追蹤利東街社交平台，即可享免費相片打印服務乙次。

EATWO

Miss A

好好運快餐店「世一」沙嗲牛肉麵近月荔枝角重開！麵底加1樣嘢畫蛇添足扣分、極上系列週六限定！

兩個人旅吓行

專題

E.A.Tips :

利東街聖誕「The Wishing Stars」