尖沙嘴港式浪漫人氣Cafe 玩味菜式盞鬼搞笑全靠gimmick

要喺香港地打造一間人氣Cafe,少啲花招、噱頭都唔得,尖沙嘴有一間開業已有一段時間嘅樓上Cafe,採用港式幽默感設計,由裝潢至菜式名皆玩味十足,食材配搭亦意想不到,有趣金句加上新鮮感,正正吸引唔少人拍拖兩個人前往打卡。

位於尖沙嘴鬧市中嘅「Mamaday」,為港式粵語「嘛嘛哋」諧音,加上金句「OMG, it’s a trap.」,甚有港味。不過,「MAMADAY Studio」同「Mamaday」唔一樣,前者樓高3層,後者只係其中一間分店。由於未能預訂前者,所以只去後者。小店位於商廈2樓,入口唔似一間餐廳,但內裏色彩鮮明,設計相當搶眼,不單圖案眾多,連港式金句都變成霓虹燈牌,打卡味濃,可以話係一間「港女餐廳」。

店內以新穎菜式為主打,配搭上係坊間比較少見,玩味十足!比如係Pizza加上港式鹹蛋,或者燉飯加上豆漿,甚至老實地話唔好抱咁大期望蒲燒鰻魚蛋包飯、可能會失望溫泉蛋明太子意大利扁麵、黑到爆炸魷魚圈墨魚滑墨汁燉飯、辣架傻豬豬豬頸肉泰式肉碎日本蛋包飯,用詞啜核,連蛋糕都講到明唔會甜,相當抵死。有選擇困難症嘅人,可以直接選取求其是但乜都炸啲啦。

招牌之作為有蟹Go又有蟹肉的蟹蟹蟹意大利扁麵$145、來自舊金山的斧頭豬、美利堅合眾國草飼肉眼扒,另外亦有Pizza可擇,包括好邪惡嘅咸蛋牛油果蟹肉比薩咩叫減肥、渾身是海膽虎蝦比薩、蒜蓉虎蝦青口比薩。其中,有蟹Go又有蟹肉的蟹蟹蟹意大利扁麵包含蟹肉碎、蟹鉗、蟹膏、蟹柳,亦有大量蟹籽,意粉黏滿忌廉汁,亦算不過不失。而蒜蓉虎蝦青口比薩係當日限定選擇,講明係今日我咩心情關你咩事先$132,比較難得係Pizza既係薄批,擺底含有一層芝士,而且係意大利軟底薄餅,拎上手係可以捲得起。

除咗有重要嘅事講3次嘅人氣之選豆腐豆腐豆腐咖啡,並有焦糖脆脆咖啡沙冰$58,以手沖咖啡配搭焦糖口味,頂端配有焦糖粒,但咖啡焦糖味唔多,沙冰極冷,飲到底都重有一大嚿冰未融化。穩陣嘅咪直接點自家製草莓果Jam梳打好鬼Fresh$56,不過不失,起碼老老實實話用果醬作原材料玩你。

甜品有窩夫或蛋糕,包括手工紫薯窩夫、焦糖脆脆窩夫,以及唔甜的紫薯蛋糕$68,適合唔鍾意食甜食嘅朋友。蛋糕分成4層,頂端加上紫薯蓉,中間為牛奶慕絲、紫薯口味芝士蛋糕,底層則為消化餅底,層次豐富,入口同一時間有4種質感,並無甜膩感覺,至少無違反《商品說明條例》。

兩個人旅吓行

bangkok
曼谷走走
tokyo
東京走走
台北走走

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 付款方式接受Visa、Master、現金、AE、銀聯、Apple Pay、Google Pay付款。

❷ 店內有加一服務費。

❸ 必須要訂位,否則會無位。

❹ 用餐限時1.5小時,過鐘必須離場。

EATWO
Miss A

Mamaday

尖沙嘴加連威老道29號信基商業中心2樓
12:00 - 22:00
2345 6856

醫吓肚

【區區有小店2024】西灣河12間尚存本土餐廳推介!太安樓小食/碼頭居酒屋/臘味雞油飯|西灣河美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年西灣河區尚存嘅餐廳小店,即睇該區隱藏美食介紹!

【區區有小店2024】西環16間尚存本土餐廳推介!尼泊爾餃子/豬扒米線/米芝蓮鹽酥雞|西環美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年西環、西營盤、堅尼地城區尚存嘅餐廳小店,即睇該區隱藏美食介紹!

全港淨2分店!香港老牌快餐店大大隻德國熱狗 幾時再有芫荽熱狗?

【#傳統熱狗】若提到本地熱狗,大家拍拖兩個人會諗起邊間,又會選擇邊間呢?相信大多數人會第一時間諗起分店眾多嘅「齊柏林熱狗店」,又或者已經結業嘅「Bull Dog Hotdog」,但其實重有一間老牌熱狗專門店隱藏於何文田一帶,該店為「德國熱狗」,原來目前只係淨返兩間分店!

【區區有小店2024】尖沙嘴26間尚存本土餐廳推介!燒肉放題/四川冒菜/新派素食|尖沙嘴美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年尖沙嘴區尚存嘅餐廳小店,即睇該區隱藏美食介紹!

【區區有小店2024】石硤尾4間尚存本土餐廳推介!港式快餐/激平兩餸飯/學生哥小食|石硤尾美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年石硤尾區尚存嘅餐廳小店,即睇該區隱藏美食介紹!

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}