隱身熱門IG打卡點怪獸大廈！叁兄主打港台糧油雜貨必買福元湯圓／增胖麵／魚肉燒賣／綿香沙嗲醬

由於曾拍攝電影《變形金鋼》，一幢藉藉無名嘅舊式香港住宅搖身變成受歡迎嘅「怪獸大廈」打卡位。而該大廈內，其實同時隱藏另一個本土好地方，糧油食品一應俱全，值得拍拖兩個人去掃貨！

原本A座叫「益發大廈」，B座叫「益昌大廈」，C座則叫「海山樓」，與沙頭角中英街酒樓同名，加上D座「海景樓」，以及E座「福昌樓」，一連5座皆為商住模式嘅港產混合式樓宇，基本上有超過50年歷史。自從西方電影《變形金剛4：殲滅世紀》取景後，被公眾統一稱為「怪獸大廈」（Monster Building）。

位於鰂魚涌嘅「怪獸大廈」，風格有如西灣河「太安樓」，樓下有商場及商店，樓上就係私人住宅，共通點亦係密密麻麻嘅樓宇，構成U形，而且每幢樓宇相連，有如一面巨型屏風樓。而分別在於「怪獸大廈」被稱為「巨廈」，中間經常有人前往影相打卡，尤其係大廈內嘅大天井，石屎森林中嘅舊式樓宇﹐搖身一變成為網紅IG熱門打卡點。