台北一條路線遊走中正紀念堂／自由廣場／二二八和平公園！必睇總統府／中山堂孫中山先生銅像！

香港人去台北旅遊，通常都係去夜市，又或者去知名景點打卡。想要台北自由行獨特啲，不妨遊走一條真正嘅歷史路線，拍拖兩個人去參觀與當地各項運動有關嘅地方。

中正紀念堂／自由廣場／華人民主書院

台北中正紀念堂係中華民國政府嘅重要建築物，為紀念前總統蔣中正。建築物高約70米，於1980年建成，屬國定古蹟，外觀有如北京天壇等宮廷式建築，莊嚴宏偉。當中，有大理石、琉璃瓦等，滿園紅花配搭寶藍色瓦片，就象徵青天白日滿地紅。兩側有藝文廣場、週邊有國家戲劇院、國家音樂廳，入面重有古式庭園造景及湖景。當然唔少得香港人都好熟悉嘅自由廣場，牌樓高約30米，清晰可見「自由廣場」四字，唔少大型藝文活動都會於此地舉行。

二二八和平公園

距離自由廣場不遠處，可以前往「二二八和平公園」，該公園又叫台北公園，用作紀念二二八事件。地方偌大，靠近總統冷、臺北賓館等，於1903年已經規劃好。公園將日式與西式風格融合，二戰後再變成中式庭園，但至今亦不乏日式古建築群。

中華民國總統府

喺台北，中華民國總統、副總統等嘅辦公場所都可以參觀？「中華民國總統府」建於日治時期1919年，屬國定古蹟，特定時間可以讓民眾入內參觀。從外面觀望，總統府係採用辰野金吾風格，寬約140米，高約60米，地方偌大。建築物更有象徵日治時期嘅建築，比如係山牆、拱廊、廊柱、圓拱形窗戶等，一隔燈塔更有67米高。

中山堂

繼續向西門町方向走，可以去埋中山堂，參觀中山堂內嘅國父銅像。呢個係首個露天嘅中華民國國父孫中山銅像。而銅像係一座台北市古物，於1949年建成，來自雕塑家蒲添生嘅作品。

寶成門

折返西門町之前，必定會經過「寶成門」，亦即係台北府城西門。不過曾經於明治期間被毀，係唯一被拆除嘅城門，目前依然可見東門、南門、北門，唯獨就係唔見有西城門。只係見到有城牆模樣嘅裝置藝術。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭捷運淡水信義線至「中正紀念堂站」，於5號出口徒步約12分鐘即抵；乘搭中和新蘆線至「東門站」，於3號出口徒步約8分鐘即達。

❷ 「二二八和平公園」則近「台大醫院站」，二二八紀念館需人均TWD入場費，公園就免費入園。

❸ 「中華民國總統府」就近「中正紀念堂站」、「台大醫院」、「西門站」。總統府可以現場排隊方式於星期一至五 09:00-12:00入府，需於11:30前進入，只開放正大門、敞廳、大禮堂、南北苑、一樓展覽室及府內迴廊區域。

❹