正宗印度菜係香港地幾難搵嘅一款菜式，元朗國內20年來一直隱藏一間高水準嘅印度咖喱屋，咖喱香料味道濃郁，室內就好似西餐廳咁嘅水平，情侶拍拖兩個人不妨去撐吓檯腳啦！
現時，呢間「蓬萊咖喱屋」於元朗及佐敦都設有分店，原來已經有超過20年歷史，早期連蔡瀾都曾經推介過。據了解，該店雖主打印度菜，但同時有尼泊爾菜，因為係來自一對尼泊爾夫婦。
該店外表頗為低調，但推門而進，室內裝潢以東南亞壁畫設計，而餐檯櫈就似西餐廳嘅佈置，適合另類嘅情侶紀念日。入座後，每張檯都會提供樽裝水，然後店員就會奉上一款餐湯，以及一種印度脆餅，並配搭兩款醬料，為免費前菜。一款醬汁係味帶酸甜嘅忌廉，係薄荷味，感覺似刷牙用嘅牙膏；而另一款醬汁就係用醋浸過嘅生洋蔥，味帶辛辣，比較刺激。至於餐湯，則為忌廉雞肉湯，不過不失。
自選咖喱，包含牛$78、羊$80、雞$70、雜菜$70，但呢款自選咖喱就無魚，但可以自己喺另外餐牌度選擇。咖喱採用多款香料製作，E.A.Two今次選擇牛肉咖喱及雞肉咖喱，單單兩款咖喱就已經係唔同嘅咖喱汁，同樣香濃惹味！其中，牛肉咖喱係較多香料味，例如有丁香、豆蔻、肉桂等，肉質亦算軟腍，咖喱質感係偏啡色，頗為濃稠；而雞肉咖喱就偏甜，為一件件雞塊狀，至少唔嚡口，咖喱質感就較滑溜，偏向似奶昔，薯仔更加係精華所在。
配搭白飯或烤餅加$10，包括有印度黃飯、蒜蓉烤餅、芝士烤餅。其飯以橢圓形碟盛載，米粒幼長，比日本米清爽分明，但又比絲苗米硬身。呢種印度炒飯基本上無咩味道，需要配搭咖喱汁。烤餅英文為naan，麵餅厚身，入口煙靭，側邊頗脆，配搭蒜蓉或芝士都唔錯，適宜蘸濃稠咖喱汁食，又或者中間夾住咖喱料食。
飲品選擇不少，連cocktail、mocktail都有，而印度馬薩拉茶等簡單飲料就唔使加錢。特飲則加$10，包含有原味乳酪Lassi、芒果乳酪Mango Lassi、Fruit Punch、Jal Jeera印度開胃特飲。而乳酪係一種果酸乳，芒果乳酪就混合濃濃芒果香，酸中帶香甜味；至於雜果檳治則稍甜。
E.A.Tips :
❷ 小店距離元朗廣場只有約3分鐘步程。店內同時有印度菜同尼泊爾菜可擇。
❸ 入座會有一張濕紙巾、一支清水提供，水同前菜都無收費。
❹ 雖有服務，但店內食午餐無收加一服務費。留意落單要講英文。
蓬萊咖哩屋／Shreengkhala Curry House HK
元朗元朗安寧路144號地舖
11:00 - 15:00、17:30 - 23:00
2944 5566
屯門冠軍級咖啡店隱啡佐敦設外賣店！熱飲有靚拉花、凍飲杯可循環再用！
【#冠軍級咖啡】唔少人都鍾意拍拖兩個人週末假期去咖啡店chill吓，大多數都係可以坐低飲咖啡。屯門有間頗具人氣嘅冠軍級咖啡店，最近於九龍區佐敦開設分店，唔需要山長水遠走入大西北都可以飲到冠軍級咖啡，竟然只限外賣！
長沙灣／荃灣有分店！6Dee米線屋湯底選擇多、平過連鎖米線店！獨特炸物有5至6款配料？
【#平價米線】香港人非常鍾意食米線，既價格低廉，亦都係快靚正嘅選擇，米線向來都係適合生活節奏急速嘅香港人，所以好多人都會拍拖兩個人去食米線。有啲人會選擇連鎖店，但E.A.Two就只會揀一間又一間米線小店，今次就前往長沙灣、荃灣都有分店嘅米線店，價格平過連鎖店，出品亦唔輸蝕連鎖店。
長沙灣微舖手搖飲品店獅子茶舍！岩鹽奶蓋珍奶杯杯少甜符合港人口味？
【#茶飲微舖】香港茶飲店就係台灣手搖飲品店，唔少都係同台式風格混合，但香港嘅茶飲就出名無咁甜﹐因為香港人唔係太鍾意甜度高嘅飲品。而長沙灣呢間茶飲店以岩鹽奶蓋為主，亦有水果茶，位置係隱身於兩間車軚店之間，鄰近舊時知名嘅宇宙商場。
全港最平靚正木屋拉麵隱身青衣屋邨！半個月換湯底、人均僅$XX！
【#屋邨拉麵】香港人好少對餐廳給予正面評價，一間無批評嘅食店其實已經代表值得拍拖兩個人前往嘅餐廳。當中，最難獲得好評嘅莫過於拉麵店，今次E.A.Two就前往於2025年初重開嘅拉麵店，一直隱身於青衣屋邨內，可以話全港最平靚正嘅拉麵，經常開門前就出現人龍！
天使慢煮雞VS惡魔炸雞！葵涌KCC商場平靚正樓上舖三口成品Triple Mouth最平$XX？
【#快靚正飯盒】今時今日，一間食店能夠營運落去唔容易，一方面要應付租金高企問題，另一方面又要應付被香港人食客批評，重要維持食客量，簡單嚟講就係跑數。如果大家想拍拖兩個人去搵間香港小店支持，E.A.Two建議到葵涌KCC呢個冷清商場找尋以下呢間小食店，目前食物水準真係頗高，而且的確做到該店自稱嘅快靚正，5分鐘就有得食！
荔枝角雜貨舖甘鹿仔生活雜貨X果然店聚集各式小店商品！民聲肉餅飯／小杜鴨血／上水爆谷／日本零食／外地進口水果！
【#人氣肉餅山】香港本地雜貨店選擇愈來愈少，而荔枝角D2 Place入面本身就有唔少小店可以選擇，當中有間雜貨舖，目前已經由兩間店舖合體，一間係賣生活雜貨，另一間就係賣水果為主，今次E.A.Two發現當中重有售賣一款來自於港島大坑嘅人氣肉餅山，就算係九龍人，都可以拍拖兩個人返屋企自己蒸嚟食！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。