【花蓮景點】壽豐鄉鯉魚潭湖面佔地104公頃！可划天鵝船賞湖景！

花蓮湖景眾多，當中境內最大嘅內陸湖泊距離市中心唔算遠，整個湖呈橢圓形，面積寬廣，拍拖兩個人唔單止可以划天鵝船，更可以去散步，徒步全程行足1小時！

從花蓮市中心起步，穿過吉安鄉，向壽豐鄉走，就會去到花蓮境內最大嘅內陸湖泊「鯉魚潭」，車程大概只係30分鐘。「鯉魚潭」不僅能自駕前往，更可以從「花蓮火車站」轉乘「台灣好行」嘅「縱谷花蓮線」直達，交通方便。

「鯉魚潭」面積有過百公頃，潭面呈橢圓形，參觀可以徒步或踩單車遊湖。事實上，由於鄰近「鯉魚山」，所以呢個潭就叫做「鯉魚潭」。如果繞圈而走，可以慢步觀賞湖光山色，單車路或健行路大概有4至5公里長，徒步需要行大概1小時先行得完。

座落花東縱谷國家風景區北端嘅「鯉魚潭」，湖水係來自於木瓜溪支流銅文蘭溪上游，以及花蓮溪支流荖溪，河川流水形成湖泊，湖水就來自地底湧泉，長年累月皆頗為清澈，水深就有約15米。

雖然表面只係一個潭，或者叫湖泊，但「鯉魚山」係玩滑翔傘嘅好地方，而「鯉魚潭」則為野餐、遊湖或露營勝地，附近山水景色風光明媚。雖然車輛直達，但依然難掩清幽感覺。另外，每逢4月至5月都係「鯉魚潭」觀賞螢火蟲嘅季節，如果剛巧呢個月份前往，不妨傍晚上山碰碰運氣，但夜晚揸車落山就要特別小心！

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭台鐵至「花蓮站」，轉乘台灣好行303B／303C縱谷花蓮線，於「鯉魚潭潭北遊客中心站」落車即達。或者轉乘統聯客運1139，同樣於「鯉魚潭站」落車即達。

❷ 鯉魚潭既適合散步，亦適合踩單車，或者玩快艇或划天鵝船遊湖，天鵝船以兩個人一隻船計，最平要TWD400。

❸ 每年4月至5月，都係鯉魚潭賞螢季節。

❹ 鯉魚潭設有偌大停車場，可以免費停車。