驚見全港最神秘郵筒！青山醫院參觀精神健康體驗館設5大展區即睇報名方法體驗精神病患者情況

青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！

講到青山醫院，好多人一聽到人開玩笑地話「入青山啦你」，感覺都係偏向負面，而呢句說話本身就帶有歧視成份，恍惚青山醫院病人就係黐線佬。事實上，香港對精神病患者欠缺了解同關心，其實喺香港生存，壓逼下難以會患上精神病。而精神病其實唔係單單指瘋癲、思覺失調、躁狂，情緒病、抑鬱、焦慮、驚恐、妄想、社恐、強逼症等都係精神病嘅類別。

原來甫踏入青山醫院正門入口counter，就已經可以見到青山醫院內嘅英國鑄鐵舊式皇冠郵筒！雖然職員會緊張地詢問咩事，基本上唔可以詳細地睇個郵筒，但起碼我哋終於可以完整地完成全港皇冠郵筒系列。

隔住玻璃門可見，青山醫院郵筒編號為No.147，係一個未退役嘅座地式郵筒，目前依然正常運作。郵筒已經被髹上綠色，同好多現役皇冠郵筒一樣，唔再係原本嘅紅色郵筒。郵筒為單門嵌牆式，前面並無皇冠徽號，但據資料顯示，係屬於伊利沙伯二世時代。該郵筒同時係無製造商名字，估計香港製造。而青山醫院郵筒係全港獨一無二，皆因前後都有投信口，係一個雙面郵筒。換言之，背後其實都係同前面一模一樣，只不過我哋唔能夠進入該範圍，極其量可以望到前面，不過都清晰地見到筒身鑄有中文字「郵箱」字樣。

青山醫院係本地歷史最悠久嘅精神科醫院，主要做精神病治療。而精神健康體驗館係青山醫院嘅一部份，預約參觀後，只能夠到後門進入醫院範圍，而參觀路線亦只有一條大直路，一般訪客都唔可以隨便走到其他範圍。

今年係青山醫院開院55週年，所以特別開放精神健康體驗館，就係為咗等公眾對精神健康有更深認識同了解，等大家可以進入青山禁地。入口大門專程整到同真實正門相似，連開閘聲音都如出一轍，正門大閘既係醫院地標，亦係重建前後少有依然完好保存嘅地方。而入口地下會顯示「我入咗青山」，而出口地面就會顯示「我出院啦」，其間大概有5個展區，包括時光隧道、腦海導航、復康新知、全人健康及思覺交流，分別係介紹青山醫院歷史、資訊、醫療記錄，錄影帶、叫啤房嘅保護室隔離室、VR模擬體驗、互動體驗等。

體驗館固然分5個展區，地方唔算大，但就可以睇到關於青山醫院嘅歷史，穿梭古今，包括香港精神科發展、精神病治療、精神病藥物發展等。值得留意係每逢11點同3點，都會有小型講座，幾位精神病康復者會分享患病歷程。而背後有4個房間，叫做徵狀體驗室，分別係唔同互動體驗，包括VR體驗，可以從中感受精神病患者嘅世界，了解佢哋嘅困境。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 郵筒位於青山醫院青松觀路正門入口。

❷ 乘搭巴士路線960 、58X 、58M、260X，或小巴路線42 、44A均可到達青松路近青山醫院。

❸ 青山醫院基本上只限病人同探病者可以進入，其他人一律禁止進入，參觀精神健康體驗館都只可以從後門進入。

❹ 必須要預約參觀，入場免費。團體參觀限星期一、星期四（公眾假期除外），而個人參觀只限星期三、星期六（公眾假期除外）。入場每人都要帶條手帶同訪客掛牌，手帶有個QR Code，入場後都可以利用QR Code嚟睇更多資料同互動，亦可以嘟一嘟將資料過落自己email。

EATWO

Miss A

隱身中央圖書館背後！Dream浪漫西餐廳「世一」焦糖燉蛋／風乾黃油雞／紅菜頭刈包

❶ https://mindspace.org.hk/tc/index.html

❷

❸

❹

❺

❻

❼

EATWO

Miss A

兩個人旅吓行

專題

E.A.Tips :

青山醫院 Castle Peak Hospital

精神健康體驗館