筲箕灣搬到柴灣！脆意雞隱身工業區只做外賣！即做炸雞1.5小時仍舊脆卜卜？

E.A.Two曾經去過一間連鎖炸雞店，當時已經執淨筲箕灣分店，現時更由筲箕灣搬到柴灣，隱身於工業區內，只做外賣服務。該店嘅炸雞水準比之前更有進步，即使由柴灣工業區拎到去觀塘海濱長廊，經過1.5小時，炸雞竟然都保持脆卜卜，並無被倒汗水沾濕，實在意外！想要拍拖兩個人一試，即睇購買方法！

香港炸雞小店不少，其中「脆意雞」本來係一間擁有多間分店嘅炸雞店，但年前僅餘嘅筲箕灣分店都被結業。該店最終被逼退隱至柴灣工業區，並改名「脆意雞-1.0」。目前該店只係做外賣服務，一係落order後自行到柴灣工廈自取，否則就只能夠選擇外送服務，落order後就等人直送，外送服務詳情就要與該店聯繫。

「脆意雞-1.0」本身就係港島東區嘅平民炸雞，價格相宜，以前未至於太高水準，但今日炸雞嘅水準有進步，就算擺得耐少少，一樣都可以感受到香脆口感。外賣服務同舊店一樣，菜式選擇差唔多，感覺似主要做到會服務，所以係開Party必備！菜式包含有芝味焗飯套餐$88﹐各式炒意粉則大約為$78，而焗意粉$88、焗飯$78。另外，小食有薯蓉、炸蝦卷、肉丸、脆薯皇、蒜蓉包、BBQ醬燒雞翼、燒豬排骨等，每款$46起，更有足料羅宋湯$16可以選擇。除咗上述菜式，唔少得pizza，包括有千島醬底、蕃茄醬底等，可以揀迷你批$88、普通批$128、大批$188。

至於主角炸雞、烤雞每件$25，4件$95，8件$188，12件$278，包含有上下髀，如果想要指定部位﹐每件加$1，但點選雙數嘅話，基本上會自動各一。烤雞有原味、辣味，亦可揀辣度。其實點套餐會比較抵食，因為加$20就有1件炸雞或烤雞，亦可以叫脆雞套餐，比如2件炸雞或炸雞配1款小食賣$78。當中，更有一款炸雞啤酒餐，4件炸雞配1罐啤酒$120，好似韓國啤酒炸雞咁。E.A.Two覺得最特別嘅係真大脆雞全體一隻$138﹐即係全隻炸雞！

當日由筲箕灣乘搭巴士到柴灣工業區，然後再經巴士折返北角碼頭，再由北角碼頭直達觀塘海濱公園，需時有1.5小時。今次點選4件炸雞、烤雞，$100有找，等如2隻雞上髀，2隻雞下髀，份量上就等同兩隻全髀。以價格嚟講，即係一隻全髀係$50，其實都係偏高，只係經過呢1.5小時嘅車程同船程，至少炸雞水準亦算令人感覺值得。

先講烤雞，烤雞上下鋪滿泰式辣醬，所以烤雞除咗有經過烤焗嘅香烤味道，亦有泰式辣醬嘅酸甜味。烤雞同炸雞一樣，上手時係熱焫焫，我哋食嘅時候雖然已經凍咗少少，都依然有微微暖感﹐唔係完全凍晒。烤雞表皮香口，內裏肉質亦都滑嫩，同炸雞一樣無骨，亦都係啖啖肉，配搭泰式辣醬真係恰到好處。

而炸雞就係最搶鏡嘅選擇，炸雞一貫係美式炸雞模式，比之前大有進步，油溫控制得恰好，能夠校準時間落油，炸雞炸得金黃酥脆。雖然只係擺放一個小小白色紙袋內，而由於過咗一段時間，熱焫焫炸雞因水蒸氣散發出倒汗水，紙袋內沾滿倒汗水，但炸雞竟然無被倒汗水沾濕，甚至唔會浸到淋晒！

炸雞唔單止無被倒汗水影響，而且入口依然係脆卜卜，香脆可口，脆皮一塊塊剝落時，都仍然摘地有聲，實在意外！炸雞表皮鬆脆，皮藝而脆，表面乾身，內裏則軟嫩又唔會好乾身，甚至保留有肉汁，雞肉又唔會有好厚脂肪。其實炸雞味道同以前一樣，都唔係好濃味，唔係嗰種醃得好濃嘅炸雞，但炸雞嘅炸法真係好有水準。

該店嘅炸雞似乎係一種凍咗都會好食嘅炸雞，並非只限熱食享用，感覺炸法有幾分似中式炸物，例如係油角、煎堆，一樣係炸完之後風乾，就算凍咗都依然香脆可口！

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 現時店名為「脆意雞-1.0」，位置係柴灣新業街9號新業大廈，不過無實際地址，因為只係做外賣。

❷ 該店目前只限外賣，但就有外送服務，必須要事前預訂，電話為2309 0718，亦可以直接落order，官網為﹕https://www.facebook.com/skwpizzapie/?locale=zh_HK 。

❸ 付款方式接受Apple Pay、Google Pay。外賣接受現金付款，可以自行到樓下自取，但位置就比較遠，所以選擇外送服務就比較方便。

❹