今時今日於香港開食肆，少啲創意都唔得！大圍同尖沙嘴各有間頗有創意嘅糖水舖，估吓菠多野結冰係乜嚟？店內唔單止有傳統同創新甜品，更加係一間貓貓Cafe，店內會見到幾隻貓咪，貓迷拍拖兩個人必到！
以「糖宮甜品專門店」命名嘅甜品Cafe，主打嘅唔單止係創新甜品同傳統糖水，亦係一間貓貓主題餐廳小店。店內至少有兩三隻貓，其中一隻旺店長來自上水馬路，另一隻糖知客喺店舖入面四圍走，負責氹食客同畀客人摸。不過呢隻活躍嘅貓咪會跑出店外車底，有啲擔心佢畀車撞，但佢又識得自己走返入店舖內。該店重有一隻貓喺門口紙箱度吸客，但佢就比較文靜同懶惰，我哋食咁耐佢就攤足咁耐，名副其實慵懶感。
該店有中西糖水甜品可以選擇，餐牌有好多種類可以揀，例如係比較受歡迎嘅椰皇燉蛋白$60、榴槤椰椰、菠椰菠蘿汁、佛系芋圓、朱古力心太軟、糖不甩等等。其中，椰皇燉蛋白就係來自於原個椰皇，入面加入小丸子、西米，而榴槤椰椰就加入榴槤蓉同一球榴槤雪糕，榴槤迷必揀！自問唔食榴槤嘅我哋就唔會叫啦，讀者們自己去試啦！
唔少甜品都係即叫即製，例如拿破崙系列，芒果拿破崙$62 製作需時，大概需要等起碼10至15分鐘。拿破崙另有其他口味，例如榴槤、香蕉、菠蘿，今次就選擇芒果口味，上面有香甜嘅芒果粒粒同custard。拿破崙雖然有2件，大小均等，size份量上其實唔算好多，但入口酥脆，但又唔會好膩，因為有啲酥香感，但牛油味唔會太重，只係剛剛好。
隱藏嘅招牌就係菠多野結冰$70，來自於日本人氣AV女優波多野結衣，小心個名好易叫錯，E.A.Two都唔覺意讀錯咗波多野結衣！呢款所謂嘅食字創意甜品菠多野結冰有3款可以選擇，包括配搭黑涼粉嘅暗黑亂入篇、水晶涼粉嘅透明人間系、西米露嘅一路向西篇，玩味極重！
原來菠多野結冰分成兩款甜品，都係以菠蘿口味為主，一邊係原個菠蘿上檯，大概切開咗嘅半個菠蘿份量，換言之佢一個菠蘿係做到兩份菠多野結冰甜品。原個菠蘿嘅菠蘿肉被挖出，擺放隔離小碗內，菠蘿肉酸酸甜甜。由於今次揀透明人間系，所以係配搭水晶涼粉，糖水都係白色，入面重有蒟蒻，呢度一份甜品好似食緊兩份甜品咁。
原個菠蘿入面有菠蘿肉殘留，菠蘿就似一個盛載甜品嘅器皿，入面加入咗菠蘿味雪花冰，質感幼滑綿密，清涼透入心，滲出啖啖菠蘿味。建議食雪花冰時，一定要同時挖少少菠蘿肉，將菠蘿肉同雪花冰同時送入口中，雪花冰於口腔逐漸被溶化，菠蘿肉會令雪花冰味道更突出。
E.A.Tips :
❷ 店內外都有貓，有隻會走嚟走去，內外都有座位。
❸ 該店營業至凌晨1點半，可以放心食宵夜。
❹
糖宮甜品專門店
大圍積信街61號地舖
14:00 - 01:30
5133 3776
糖宮甜品專門店
尖沙嘴金巴利道88號地舖及1樓
14:00 - 01:30
6513 3130
【區區有小店2026】長沙灣18間尚存餐廳美食！班戟漢堡／平靚正米線／獅子山茶飲／石磨腸粉
【#長沙灣美食2026】一年又過去，香港小店買少見少，E.A.Two繼續為香港人搜羅仍舊隱身香港、默默經營嘅地道小店，小店選擇眾多，兩個人出街拍拖可以慢慢揀。每間食肆都有優點同缺點，真正避免中伏唔係跳走，而係要知道邊度好邊度差。好食嘅就去食多啲，唔好食唔好逼自己食。到今時今日，香港依然係自己小店自己撐！呢篇係長沙灣篇﹕
銅鑼灣地牢明星飯堂驚現簽名牆！魚一午市套餐水準高刺身入口即融？拖羅丼定食人均僅$148！
【#明星飯堂】銅鑼灣係港島繁華商業及娛樂中心，購物點同餐廳都好多，有唔少都係價格偏高，想要拍拖兩個人食餐好少少，又唔想交智商稅，其實重有好多選擇。今次E.A.Two前往一間「老銅」居酒屋，表面係高檔日式居酒屋，而一望午市套餐就覺得同平時啲餐廳價錢差唔多。最難得係呢間居酒屋原來係一間真真正正嘅明星飯堂，門口有超多明星簽名留念！
【區區有小店2026】西環、西營盤、堅尼地城43間尚存餐廳美食！近100分炸雞髀／人氣燒鵝瀨／百元蛇羹餐／菠蘿皮麻糬波波
【#西環美食2026】一年又過去，香港小店買少見少，E.A.Two繼續為香港人搜羅仍舊隱身香港、默默經營嘅地道小店，小店選擇眾多，兩個人出街拍拖可以慢慢揀。每間食肆都有優點同缺點，真正避免中伏唔係跳走，而係要知道邊度好邊度差。好食嘅就去食多啲，唔好食唔好逼自己食。到今時今日，香港依然係自己小店自己撐！呢篇係西環、西營盤、堅尼地城篇﹕
閣麟街搬到威靈頓街！蘭桂坊Wingman雞翼放題Gathering之選！非吃到飽雞翼套餐最平$88！
【#雞翼吃到飽】中環蘭桂坊一帶通常選擇都唔多，想要搵一間本地人餐廳唔容易，除咗「何蘭正」之外，重有間以雞翼放題為主打嘅「Wingman」，既有吃到飽嘅任食放題，亦有非吃到飽嘅雞翼套餐，更加有素食雞翼可以選擇。無論拍拖兩個人前往，抑或係一大班人食飯聚會Gathering，都係好適合。
中環街市精緻高貴泰式甜品店！Asok Thai Cake榴槤／冬蔭功／椰青造型蛋糕的骰可愛！
【#泰式蛋糕】中環街市係一個經過活化嘅歷史建築，入面變成食街同精品店，係唔少人拍拖兩個人喜愛去嘅地方﹐今次就去一間外賣蛋糕店。該店以泰式蛋糕為主打，賣點就係精緻，每款口味都係以泰國菜式為藍本，小蛋糕價格可能有少少貴，但原個蛋糕反而同平常坊間蛋糕店差唔多。
香港機場美食廣場新分店！Urban Coffee Roaster赤臘角獨家限定咖啡菠蘿油！食牛角包好過食老麥！
【#機場新店】好多人拍拖兩個人去旅行，朝早去到機場想食個早餐，可能揀無可揀之下都會揀咗機場禁區內嘅24小時麥當勞，呢個亦無可厚非。E.A.Two曾經講過，香港機場內其實都有唔少餐廳選擇，但現時禁區內嘅「阿元來了」已被取蒂，淨返嘅只係禁區外唔知邊個位嘅「牧羊少年咖啡館」，位置對準備上機嚟講唔多方便。今次E.A.Two就前往禁區內一間2026年機場新開嘅咖啡店，呢間係該店嘅新分店，既有機場限定選擇，出品、時間、價錢、人流上都係CP值頗高嘅選擇！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。