想要拍拖兩個人去「江之島」一日遊，其實唔一定要經鎌倉同乘搭江之島電鐵，乘搭JR東海道本線之後，一條路線可以直達通往「江之島」嘅「江之島橋」，落車位置比經電鐵更加近！而江之島電鐵更有扭蛋，扭出可愛迷你車站，可以當作紀念品。而一個價錢可以購買江之島電鐵同小田急嘅一日票，既可以來往「江之島」，亦可以經電鐵去鎌倉！
今次E.A.Two於交通非常方便嘅「藤澤駅」出發，如果由東京市區前往，經JR東海道本線就可以到達「藤澤駅」。而呢個站唔單止有JR線，重有小田急江之島線、江之島電鐵線，江之島電鐵線可以由「藤澤駅」去到「鎌倉駅」，全程係30分鐘車程。如果要先去「鎌倉駅」，而起步點喺東京市區，就比較適宜經「湘南新宿線」，於JR「大船駅」前往「鎌倉駅」，然後先轉乘江之島電鐵線。
從「藤澤駅」經小田急江之島線，搭三個站就會去到「片瀬江ノ島駅」，車程僅需6分鐘，人均僅約170円，天氣晴朗嘅話，有機會喺車廂睇到「富士山」；而從「藤澤駅」經江之島電鐵前往「江之島駅」，就需要10分鐘，人均車費為220円，然後都需要徒步約5分鐘先可以去到「江之島橋」。
江之島電鐵線又叫江之電或江ノ島電鉄，來自於小田急集團，所以有張一日票可以全日順利穿梭深綠色線江之電嘅車站。呢條電車路線有15個車站，全長有約10公里，車廂其中一邊可以放眼海岸線。由「藤澤駅」起步，列車會經過「石上站駅」、「柳小路站駅」、「鵠沼駅」、「湘南海岸公園駅」、「江之島駅」、「腰越駅」、「鎌倉高校前駅」、「七里濱駅」、「稻村崎駅」、「極樂寺駅」、「長谷駅」、「由比濱駅」、「和田塚駅」，以及「鎌倉駅」。
「藤澤駅」近小田急線車站有自助車票販賣機，粉紅色IC專用機隔離有部定期券、特急券嘅自助車票販賣機，據紅色掣「特急券」，就可以購買一張江之電一日票「Noriorikun」。呢張票包含「江之島電鐵線」所有車站，每人只需810円。一日票可以全日任意出閘，無論去「江之島」，抑或係「鎌倉」一帶，都唔需要再額外畀車費。不過，要留意一個站只能夠出閘一次。若然只計江之島電鐵線，多數搭一次人均需要220円，如果一日遊搭夠4次車，就已經需要買一日票，否則單買更加唔抵。
江之島電鐵線係鎌倉一日遊一條重要交通路線，例如非常為人熟悉嘅「鎌倉駅」、「鎌倉高校前駅」，亦有「七里ヶ浜駅」、「長谷駅」等，可以來往「江之島」、「鎌倉小町通」、「長谷寺」、「高德院大佛」、「鎌倉高校前駅」嘅灌籃高手打卡位等知名景點。而車廂內可以沿路睇到海景﹐所以係一條海景列車路線。
江之島電鐵線最出名就係深綠色嘅車廂，復古味極濃，但有好多架車基本上都係佈滿廣告，所以要於站外遇到復古列車真係睇運氣。而「藤澤駅」出站時，會見到一間江之電紀念品店，有唔少電鐵精品，適合鐵路迷，旁邊更有扭蛋機，200至400円就可以帶走一個迷你車站。
E.A.Tips :
❷ 同樣由「藤澤駅」出發，乘搭江之島電鐵，去到「鎌倉高校前駅」大概係17分鐘。
❸
❹
藤澤駅
神奈川縣藤澤市藤澤三丁目
小田急藤澤駅
神奈川縣藤澤市南藤澤1番1號
江之島駅
神奈川縣藤澤市片瀨海岸一丁目4番7號
片瀨江之島駅
神奈川縣藤澤市片瀨海岸二丁目15番3號
太子悄悄食堂午市僅4個套餐人均$250咩水準？打卡榻榻米座位！鹽麴燒牛小排／生薑松阪豚肉／酒香雞蛋布丁／特濃抺茶Tiramisu
【#日式食堂】唔少人都批評香港餐廳水準參差，一係只重視外觀裝修，無視食物水準；一係食物有水準，但罨罨耷耷；甚至價錢好高，但食物水準不成正比。如果要拍拖兩個人有心找尋餐廳小店，係有機會搵到環境、食物、價格成正比嘅地方。今次E.A.Two就前往太子一間似咖啡店、居酒屋混合風格嘅小店，三者都係成正比，值得一試！
荃灣大良甜品店$20有交易！老店鴻輝記傳統糖水﹕古法製芝麻糊／合桃糊／杏仁糊？
【#中式糖水】以往拍拖兩個人喺香港食完晚餐，唔少得就係去搵間糖水舖sweet吓，就算多個朋友gathering亦少不免用甜品店延續聚會時間。不過，香港餐廳營業時間愈嚟愈短，大多好早就收舖，想要食個糖水都唔容易。荃灣就有間以中式甜品為主嘅小店，唔單止不時大排長龍，頗受到街坊歡迎，而且最平$20就有交易！
荃灣罕見真地踎大排檔！食得喜小廚正對三棟屋博物館！椒鹽鮮魷／滷水鵝／酥炸蠔餅／小炒皇
【#香港大排檔】以前食大排檔係因為價錢平，但今時今日食大排檔無幾百一千都難以埋單，恍惚係一種由低消費變成高消費嘅文化。拍拖兩個人去食大排檔其實一直都唔係好抵，份量多而菜式選擇少，平均價格就好高，所以大排檔係一大班朋友聚會先至比較適合。如果有朋友想食大排檔，不妨揀荃灣呢間老牌地踎大排檔，位置正對三棟屋博物館，起碼仍然有得揀。
佐敦70年代老牌西餐廳！牛屋餐廳懷舊扒房港式西餐最平$48﹕蒜蓉雞扒／威靈頓牛柳／原條牛脷／德國鹹豬手
【#平價西餐廳】有時候，情侶拍拖兩個人想搵間浪漫西餐廳撐檯腳，想慶祝吓紀念日或生日，但唔知道有咩好選擇，又擔心價格over budget。今次E.A.Two前往一間座落佐敦有超過50年歷史嘅老牌懷舊西餐廳，感覺似港式西餐，價格竟然低至$48！
復古商場近尖沙嘴重慶大廈！濕潤英式鬆餅花華慶方重開！與Peek-a-Poke招牌夏威夷丼飯相連！
【#簇新商場】尖沙嘴重慶大廈向來係一個聚集東南亞人嘅地方，一般本地人比較少會進入呢個殘殘舊舊嘅地方。而呢幢樓附近竟然有個表面簇新而入面賣復古風嘅商場。呢個商場入面有兩間小店相連，不妨拍拖兩個人去醫吓肚。有留意E.A.Two嘅讀者應該知道我哋亦曾經食過，當中包括夏威夷丼飯，重有一間由咖啡店變酒場嘅食肆，店內嘅英式鬆餅絕對令人難忘！
【區區有小店2025】九龍塘5間尚存本土餐廳美食！校園西餐廳／散水餅Cupcake／台式手搖飲
【#大學餐廳】雖然處於結業潮當中，但香港小店依然不少，只要有心尋找，拍拖兩個人留港搵食其實不難。E.A.Two繼續為香港人搜羅仍舊隱身香港、默默經營嘅地道小店，而且唔少都有一定水準。小店選擇眾多，每間各有優點同缺點，好食就食多啲，唔好食唔好逼自己食，希望本土香港人明白，自己小店自己撐！呢篇係九龍塘篇﹕
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！
香港機場禁區美食廣場僅存2間小店！上機前歎米芝蓮級阿元來了／兩姊妹涼皮！即睇正確位置＋營業時間
【#禁區餐廳】今年電影《九龍城寨之圍城》風靡唔少港人，最近香港機場都特設一個香港電影展覽。以前城寨處於舊機場旁邊，而家將城寨搬到新機場﹐認真奇妙！去旅行搭飛機前，除咗睇展覽，唔少得係搵吓上機前有咩食，機場禁區選擇雖然不少，但現時小店只係剩返2間，同樣都係《米芝蓮》水平嘅小店。一間近閘口，另一間則位於偌大窗戶旁邊嘅美食廣場，即刻睇吓呢2間小店嘅正確位置同營業時間啦！