澳門美食選擇不少，比如魚翅湯麵就係頗受旅客歡迎嘅餐廳，例如係澳門半島「福隆新街」，而路環漁村內都有間40年歷史茶餐廳，恍如海味麵館，入面竟然有魚翅湯麵同鮑魚麵！不過，價格就等同香港拉麵價，到底值唔值得拍拖兩個人去呢？
由澳門市區前往路環島，有幾架巴士路線都能夠直達，最為人熟悉嘅就係當中嘅葡撻名店「安德魯餅店」，而呢間餅店同「路環碼頭」之間，就有間茶餐廳。該店係一間路環麵館，除咗有一般湯麵，竟然有海味湯麵。
呢間食店為「路環碼頭麵店」，隱身於漁村碼頭附近，一間係分店，另一間就係本店。分店位置近巴士落車位置，毗連「安德魯餅店」；而本店就鄰近「路環碼頭」，兩間距離僅有200米。該店有超過40年歷史，都算係澳門老店。店內食材主要係花膠、鮑魚、魚翅、墨魚等，據悉係自家海味嚟，所以成本唔算好高。
飯麵嚟講最平係冬菇菜麵$30，牛腩麵就賣$38，呢啲都係較正常嘅價錢。如果要上述鮑魚、花膠、魚翅呢啲矜貴食材，價格都要$78至$95，一碗魚翅湯或花膠湯都要$80，其實等同香港拉麵店嘅價位，成本低但賣緊拉麵價，湯麵到底係咩水準呢？
蠔皇鮑魚冬菇撈麵$78，上檯一刻就好似交咗智商稅一樣，原來就係茶記撈麵上面加上罐頭鮑魚，以及細冬菇同生菜底。鮑魚size比14頭鮑更加細，同罐頭鮑無異。撈麵啲汁就好似平時啲罐頭鮑魚入面嘅汁，即係平時自己會整到嘅罐頭鮑魚撈麵。選料來自自家海味？求證實。
花膠魚翅湯麵$85，如果對比出名嘅魚翅店，佢的確係一間平價魚翅湯麵。不過呢個始終仍然係拉麵價嚟，如果無料到始終會好失望！相對鮑魚麵嚟講，魚翅湯麵係好少少，起碼湯底係奶白色，有少少膠質，但又未去到真係好起到膠嘅程度。聽聞入面有魚翅骨、火腿、雞，但唔太食到湯底有咁多料嘅濃味，但係就有啲鹹，好嘅地方係無鹼水味。
而花膠同魚翅量都唔多，花膠只係細細卷，魚翅無咩一梳梳嘅情況，就似一塊塊魚翅皮。如果平價魚翅湯麵都係呢個價位，其實真係食牛腩麵算，或者畀多幾十蚊食魚翅湯專門店，皆因其他店最平嘅魚翅湯都唔係貴好多。
飲品基本上同普通茶餐廳無異，都無咩好講，普通汽水都要$13，係有啲比較少見嘅，例如紅豆冰奶茶$27，最底有紅豆蓉同紅豆粒，上面就係奶茶，水份比較多，奶茶味一般，紅豆量就適中。雖然室外好熱，不過室內冷氣真係好大，飲埋凍飲真係打咗個冷震。
E.A.Tips :
❷ 巴士25、26、50、N3都可以去到「路環市區站」落車。
❸ 分店係比較近「恩尼斯花園」迴旋處，毗連「安德魯餅店。本店就靠近「路環碼頭。
❹ 地面一層後面有洗手間。
路環碼頭麵館
澳門路環市區船人街116-120號地下A及B號舖
07:00 - 19:00
+853 2888 2153
路環碼頭麵館 分店
澳門屠場前地
08:00–22:00
https://www.facebook.com/profile.php?id=100054403065936
+85328723436
天水圍新北江商場間間微舖逐間試！芝士面醬汁濃而不膩！1個問題需改善？
【#邪惡芝士麵】天水圍有一個商場係街坊嘅美食廣場，E.A.Two亦曾經到過幾間小店，今次就前往當中另一間，呢間全舖分明以芝士為主打，感覺好家庭式風格，路過不妨拍拖兩個人試一試。
大埔丸茶開業逾5年、選擇困難症適宜！主打台式珍奶卻港味濃？
【#大埔茶飲】香港茶飲店就係台灣手搖飲品店，選擇同樣有好多，但真正嘅本地選擇其實有限，想要拍拖兩個人找尋本土茶飲，記得留意E.A.Two嘅茶飲List。今次前往大埔一間位於廣福道上嘅茶飲店，牆壁滿佈本地明星嘅應援宣傳品，選擇雖然有台式風格，但有就滲有香港味。
大埔街坊逾20年舊式麵包舖！名都餅店平價麵包／蛋撻／忌廉蛋糕
【#傳統麵包】香港傳統麵包店愈來愈少，港式麵包店有種獨特風格，係其他地方模仿唔到。大埔屋邨內有間傳統麵包舖，經營有超過20年，麵包每日新鮮出爐，重有港式蛋撻同生日蛋糕，探訪大埔經過呢一帶不妨拍拖兩個人去買返個最平6蚊嘅麵包。
即睇Tips！灣仔長期排隊店新景園咖哩小廚！馳名中外最高人氣咖喱豬扒飯／乾炒牛河水準如何？
【#人氣咖喱】講到灣仔區最具人氣嘅餐廳，絕對不得不提拒絕藝人譚詠麟直入嘅「新景園咖喱小廚」。該店多年來每日都係大排長龍，無論午市定晚市，開舖前就已經有一條長長人龍，想要拍拖兩個人隨時去食真係天荒夜潭。該店唔單止受本地人歡迎，連中西遊客都慕名而至，到底有咩招牌作，值唔值得專程去食呢？
南昌V City對面有分店！餃里8款餃子任揀湯餃／煎餃／3款湯水、最平$42！
【#平價餃子店】香港有唔少餃子店可以選擇，適合經濟型情侶拍拖兩個人用餐，E.A.Two就曾經食過「好味餃子店」、「甜記餃子」，今次就前往「餃里」，尚餘一間「有得餃」未食過，而呢幾間餃子店都係快靚正又經濟實惠嘅選擇。
【新年巡禮2026】全港逾25間香港小店全素蘿蔔糕／櫻花蝦瑤柱蘿蔔糕／紅棗燕窩椰汁年糕／開心果年糕／鮑魚雲腿蘿蔔糕／麻辣芋頭糕！賀年糕點立即預訂享早鳥優惠！
【#新年巡禮2026】踏入2026，意味農曆新年即將來臨，拍拖兩個人想搵年糕、蘿蔔糕？今次E.A.Two為大家整合2026年新年糕點，雖然繼續出品新年糕點嘅餐廳及商店已經愈來愈少，但有心要搵一樣可以搜羅到，即刻睇睇啱你心水嘅小店！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。