香港人非常鍾意食米線，既價格低廉，亦都係快靚正嘅選擇，米線向來都係適合生活節奏急速嘅香港人，所以好多人都會拍拖兩個人去食米線。有啲人會選擇連鎖店，但E.A.Two就只會揀一間又一間米線小店，今次就前往長沙灣、荃灣都有分店嘅米線店，價格平過連鎖店，出品亦唔輸蝕連鎖店。
呢間「6Dee米線屋」於荃灣、長沙灣都有分店，據悉同舊時「加藤屋」有關，係地道本土小店之一。該店有午餐、下午茶、晚餐可擇，下午茶價格好低，今次連埋配料，一款米線只係約人均$41左右，連埋小食都係$48，凍飲都係加$1，特別少少飲品都係加$4。例如檸茶、檸檬洛神花茶，但檸檬唔能夠擺太耐，洛神花茶會多咗澀味。不過，就算正價都只係$50至$60，米線就大碗啲。
唐揚炸雞米線$45、炸豬扒米線$46、和風慢煮豬軟骨米線$48、酥酥豬頸肉米線$50、6Dee酥肉米線$46、水煮肥牛米線$56、麻油雞米線$53、花雕醉雞米線$56、胡椒豬肚米線$56、巴蜀酸辣炸醬撈米線$40等等，下午茶價格更低，米線湯底有清湯$24、麻辣湯$25、新彊湯$25、巴蜀麻酸辣湯$26、鮮濃蕃茄湯$28、6Dee酸辣湯$26、清酸辣湯$25。
今次選擇下午茶米線，有6Dee酸辣湯米線同麻辣湯米線，可以選擇酸度、麻度同辣度，亦可以揀米線爽度同淋度。配菜只係揀咗腩肉、滷水豬腸、滷水雞翼、蘿蔔，每款都係加$6至$10。麻辣湯不過不失，酸辣湯層次較豐富，配料都多，當寫咗多酸少麻少辣，味道真係調配得恰到好處。
雖然只係下午茶米線，但份量同坊間米線量相近，好有誠意。不過，米線味道有陣以前食過譚仔嘅奇味，如果平時鍾意食隔離譚仔，不妨改食呢間米線店，可以直接取代。酸辣湯底有超多炒香過嘅肉碎、酸菜同芽菜，入口特別醒胃。至於配料，豬腸乾淨軟腍，雞翼都唔差，蘿蔔軟嫩入味，而且量都幾多。
6Dee酥肉$32、蒜泥白肉$28，6Dee口味，兩款味道相近，一入口就明白晒6Dee係代表咩，原來就係6款配料，味道有啲似「豪大大雞排」，食得出有黑白胡椒粉、蒜鹽、五香粉、孜然粉、七味粉、辣粉。酥肉同雞翼都炸得幾好，入口酥脆，前者似燒腩仔質感，同樣炸得香脆可口，不過凍咗就無咗香口感覺，反而有啲油膩。而蒜泥白肉就有大量蒜蓉，五花肉肉質都算嫩滑，但就缺少花椒油，變成香辣口感。
E.A.Tips :
❷ 平日下午2點半至6點有學生優惠，6款米線都可以減$10，重要附送$8熱飲。
❸ 該店有3間分店。米線價格比連鎖店更抵食，選擇更多。
❹ 下午茶供應時間為14:30-18:00。
6 DEE米線屋
長沙灣青山道252-256號金球閣地下A號舖
11:30 - 21:30
3104 0377
6 DEE米線屋
深水埗元州街32號地舖
11:30 - 21:00
6 DEE米線屋
荃灣路德圍12號地舖
11:30 - 21:00
2673 0038
原來是水門雞飯副線？荃灣路德圍人均$50碟頭飯、雞記冰室四寶係乜料？
【#雞飯副線】E.A.Two去過荃灣路德圍好多次，大致上都食勻晒值得拍拖兩個人去嘅香港小店，原來真係有漏網之魚！路德圍近荃錦中心一隅有一間港式茶記模式嘅餐廳，以雞為主打，據悉係一間知名雞飯外賣店嘅副線╴價格同外賣差唔多，都係咁抵食。
銅鑼灣樓上舖一定要訂位？吳留手居酒屋燒物有驚喜！午市原條粉嫩厚舌芯定食$150有找！
【#老銅居酒屋】如果講銅鑼灣加居酒屋，通常第一時間都係覺得會好貴，就算午市價錢都唔會平，今次E.A.Two就前往「老銅」市區街頭小巷轉角處一間居酒屋，原來係一間樓上舖，午市價錢都算適中，拍拖兩個人去食都係可以接受，不過原來原先需要book位？
【區區有小店之台灣篇2026】全台19間香港人小店！星級牛腩麵／自修室咖啡／雪花冰／港式菠蘿油／媽媽料理
【#台灣香港人2026】近年唔少香港人到外地闖一闖，台灣就係其中一個聚集香港人嘅國家，甚至有唔少香港人經營嘅食肆，拍拖兩個人去台灣嘅時候不妨去支持一下啦！以下係全台灣由本土香港人開嘅餐廳同店舖，由台北到宜蘭，台中到高雄，都有近20間小店可以選擇。
【區區有小店之全港廢水地圖2026！41間本土茶飲＋4間台灣直營店一覽！翡翠檸檬茶／蜜柑烏龍／珍珠奶茶／椰子汁／五花茶／純果茶手搖飲品！
【#香港茶飲2026】台灣有好多手搖飲品店，自從珍珠奶茶打入香港市場之後，本地愈來愈多茶飲店，唔少香港人都逐漸習慣拍拖兩個人出街人手一杯。雖然全盛期香港有海量茶飲店，但隨住結業潮湧現，茶飲店都少不免一間又一間結束營業。不過，目前依然營業嘅茶飲店都唔少，而唔少年輕人更改稱茶飲為廢水，呢個詞語近年流行於香港同澳門。E.A.Two今次又再整理本地嘅茶飲店地圖，重有幾間係台灣直營嘅手搖飲料店，到底有幾多間呢？台灣直營固然係有水準保證，但希望大家首選係本地出品嘅茶飲店啦！
【區區有小店2026】將軍澳、康城、坑口、寶林、調景嶺31間尚存餐廳美食！手打魚蛋粉／港式糖水舖／鮮果茶／藍芝士蘋果薄餅
【#將軍澳美食2026】一年又過去，香港小店買少見少，E.A.Two繼續為香港人搜羅仍舊隱身香港、默默經營嘅地道小店，小店選擇眾多，兩個人出街拍拖可以慢慢揀。每間食肆都有優點同缺點，真正避免中伏唔係跳走，而係要知道邊度好邊度差。好食嘅就去食多啲，唔好食唔好逼自己食。到今時今日，香港依然係自己小店自己撐！呢篇係將軍澳、康城、寶林、調景嶺、坑口篇﹕
【區區有小店2026】九龍灣19間尚存餐廳美食！地道大排檔／隱藏無骨炸雞／$5件壽司
【#九龍灣美食2026】一年又過去，香港小店買少見少，E.A.Two繼續為香港人搜羅仍舊隱身香港、默默經營嘅地道小店，小店選擇眾多，兩個人出街拍拖可以慢慢揀。每間食肆都有優點同缺點，真正避免中伏唔係跳走，而係要知道邊度好邊度差。好食嘅就去食多啲，唔好食唔好逼自己食。到今時今日，香港依然係自己小店自己撐！呢篇係九龍灣篇﹕
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。