鴨脷洲座落香港島南端,向來都係近海,對岸就係出名食艇仔粉嘅香港仔,咁鴨脷洲有無同水上人有關嘅菜式呢?拍拖兩個人去鴨脷洲嘅時候,不妨前往以下呢間靠水食水嘅海邊海鮮餐廳,一般人竟然都有得食員工餐?
該店位於最知名嘅鴨脷洲大街,由朝早六七點開始營業,到下晝3點就已經閂門,假期甚至唔會營業。唔單止一向係街坊餐廳,近年甚至多咗街外客前往一試,人流唔少,現場都有好多客人,好多食材亦好快賣晒。前電台主持阮小儀介紹過之後,慕名前往嘅人就更多,睇嚟係一間唔需要擔心結業嘅小店。
店內有午餐,亦有有員工餐,都係香港水上人風味,據悉老細本身都係來自於漁民家庭。雖則叫員工餐,但其實一般食客都係可以選擇。簡單嚟講,所謂嘅員工餐就係海鮮餐,選擇有龍蝦、琵琶蝦、戰車、瀨尿蝦、跳跳螺、扇貝、蝴蝶貝、哈哈螺、象拔蚌、青口等,多數都係$98至$128,龍蝦就有分5個價錢,由$308至$398不等,聽聞有啲需要前一晚預訂先有得食。不過,當日E.A.Two前往就已經無晒龍蝦,畀早一步入場嘅隔離檯點埋最後嘅龍蝦,同隻龍蝦緣慳一面,呢啲咪黑仔囉。
除咗生猛海鮮大餐,午餐其實都有9款可擇。每日一樣有唔同蒸魚餐,例如最受歡迎嘅自家製海鮮原條一夜情馬友$208。當日午餐有鹹鮮尖咀惑$138、冬菜蒸竹簽$98、榨菜蒸牙帶$128、黃豆醬南油雞魚$268,其餘選擇重有蘿蔔牛筋腩飯、牛脷煎蛋飯。每份午餐本身會附有無味精例湯,當日係霸王花豬骨湯,一小碗湯啲湯渣超多,大部份都係湯渣,湯水量其實唔多,湯水感覺比較鹹,鹽量都唔少。如果鍾意食埋湯渣就好抵飲,唔鍾意可以試吓叫佢走湯渣,得唔得就唔知啦。
今次選擇鹹鮮尖咀惑,蒸魚需要時間,即叫即蒸,比其他選擇等得較耐,條魚係原條上檯,再配搭白飯。蒸魚時間控制得剛剛好,魚肉唔會黐住條魚骨,魚質係有啲紮實,但都係嫩滑程度,鮮魚質感,魚肉本身滲出鹹味,而條魚夠新鮮,所以都好有鮮味。E.A.Two比較欣賞嘅地方係該店將薑磨成蓉,用薑蓉比用薑絲花功夫,而薑蓉既同樣可以辟腥味,亦都比較出味。
該店招牌上面唔單止寫住海鮮,亦有寫名泡飯,所以E.A.Two直覺呢款都係可以一試嘅選擇。魚湯泡飯選擇都唔少,有鮮海魚魚湯泡飯,有花膠竹笙$88、蠔仔肉碎$70、竹笙雜錦海鮮$75等等。泡飯內嘅魚湯都好鮮甜,感覺比剛才嘅例湯無咁鹹。魚湯係奶白色,應該係有落鑊煎魚之後,再喺同一隻鑊灒水煲成魚湯,係有魚味。而泡飯配料真係好多,每一啖都係湯飯同配料,唔會食食吓就無晒。
E.A.Tips :
❷ 員工餐內嘅新鮮海鮮有限量,所以係有可能去到無晒,想食就唔能夠太遲去。
❸ 午餐都有蒸魚,都係生猛海鮮即叫即蒸,比其他等候時間較長。
❹ 店舖位置距離碼頭只有約2至3分鐘步程。

美美小廚
鴨脷洲大街108號地下前舖
星期一至六06:30 - 15:00;星期日休息
5400 9289
屯門山旮旯高人氣拉麵店去3次先食到?花華和食屋極濃厚蟹湯/清甜貝湯竟有原隻貴妃蚌!
沙田手工意粉店Y Pasta有6款麵條可擇!套餐人均約$150、全場最驚喜竟然係呢樣?
紅磡寶石戲院樓下家庭式日嚐食堂!日式慢煮套餐賣封門柳/銀鱈魚/黑毛豬?

西環饃饃餃子轉型賣茶飲、增設座位!喜馬茶全港首創平民尼泊爾手調茶!
【#尼泊爾手搖】好多人話香港餐廳無咩驚喜,事實上仍然有唔少小店炮製創意又獨特嘅菜式及飲品,就好似西環一間原先主打尼泊爾餃子嘅店舖,目前已轉型為香港首創嘅尼泊爾茶飲店,價格同一般手搖飲品無咩分別,不妨拍拖兩個人去試一試!

鴨脷洲大街人氣街坊海鮮餐廳!美美小廚近海得食蒸魚原條上!員工餐大隻龍蝦湯麵一般人有無得食?
【#海邊餐廳】鴨脷洲座落香港島南端,向來都係近海,對岸就係出名食艇仔粉嘅香港仔,咁鴨脷洲有無同水上人有關嘅菜式呢?拍拖兩個人去鴨脷洲嘅時候,不妨前往以下呢間靠水食水嘅海邊海鮮餐廳,一般人竟然都有得食員工餐?

灣仔藍屋中秋花燈下的蓮子麗姐素食!$60一份素食套餐、屬素食三餸飯姊妹店!
【#中秋花燈】唔經唔覺即將到中秋佳節,好多人都已經去四圍影花燈,而灣仔藍屋就係其中一個打卡花燈嘅目的地。藍屋近年每年中秋前後都會掛滿花燈,頗有中秋氣氛。影花燈嘅同時,如果要醫吓肚,可以前往正門地下嘅素食餐廳,呢間係同區另一邊嘅素食三餸飯分店!

彩虹只有狗仔粉店?全新韓食堂賣大門炸雞一份$35/3隻、曾與元朗鬼巴士聯乘?
【#彩虹沙漠】彩虹區近月最為人熟悉嘅地方就係彩虹邨,因為一套電視劇《日落下的彩虹》,加上條邨即將要清拆,唔少人都拍拖兩個人去彩虹邨籃球場影吓相。平時彩虹區係好多人去西貢途經嘅地方,而呢個區域嘅食肆可以話少之又少,可以話係一個美食沙漠。E.A.Two之前就曾經講過,能夠食得落嘅係采頤花園內嘅一間港式外賣店,原來最近重有一間韓式外賣店,都係好似學生餐!

石門京瑞廣場角落咖啡店!Piano Piano Cafe竟無鋼琴?巨型鬆軟梳乎厘班戟有驚喜!
【#梳乎厘班戟】石門京瑞廣場近年一直係小店集中地,雖則已經一間又一間結束營業,但仍然有唔少餐廳尚存,每一間都可以拍拖兩個人去試一試。上次連最出色嘅意粉店都去埋,今次就前往同一層樓內、幾步之遙嘅另一間咖啡店,雖然呢間都有意粉,但最出色嘅竟然係梳乎厘班戟!

串噹噹宵夜店與平記茶餐廳合拼!每人送一隻藤椒鮑魚!大排檔小菜有鑊氣、本地僅存小店賣脆炸臭豆腐!
【#串燒x茶記】近年,香港結業潮湧現,唔少餐廳為求生存落去都想盡辦法。E.A.Two最近前往紅磡一間串燒店,覺得好適宜拍拖兩個人去食宵夜。同時發現該店目前已經同另一間茶餐廳合併,朝早至下午賣茶記菜式,夜晚就繼續賣大排檔菜式。雖然呢個合作方法好聰明,完全慳成本,但就有啲擔心佢哋可唔可以再捱得住。
尖沙嘴西九文化區免費展覽《HERMÈSTORIES》!30分鐘了解藝術及時裝界百年歷史與產品、預訂埋50分鐘劇場體驗!
【聖誕好去處2025】錦田紅磚屋隱藏樓上迷你聖誕市集!小食/小禮物/裝飾要識揀!

赤柱東頭灣道隱藏神秘舊式街牌界限里!地圖都搵唔到!同界限街有無關係?
【#神秘街牌】香港嘅街牌越見新穎,舊式街牌真係買少見少,E.A.Two曾經講過一塊又一塊已經好罕見嘅殖民地時代T形街牌。今次喺赤柱見到一塊頗為獨特嘅街牌,到底有咩特別呢?

赤柱隱藏免費博物館!香港懲教博物館毗連監獄!設10個展覽館+2個打卡位、最驚喜係邊個?
【#赤柱博物館】於2025年11月,有個「香港博物館節」,有超過17個博物館都係免費入場,但就唔包括隱身於赤柱嘅呢個博物館。不過,呢個博物館本身都係免費入場,如果拍拖兩個人於赤柱一帶散步,不妨順路遊覽呢個展覽館。

超迷你唐樓博物館隱身上環街頭!近PMQ元創方/新聞館!保留裝潢、件件舊香港人昔日必備架生!
【#超迷你博物館】好多人成日話香港無地方去,無嘢好行,其實現時依然有好多地方隱身市區內,值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」,原來呢間小型博物館真係隱身於一幢唐樓內,入面保留咗昔日嘅場景同用具。而唐樓位置唔單止近上環知名文創地標「PMQ元創方」,同時毗鄰「香港新聞博物館」,任何人都係免費入場,即睇預約方法!

實試官方導賞團!一次參觀尖沙嘴2大法定古蹟、深入了解天文台總部&前九龍英童學校英式建築!
【#本地導賞團】如果拍拖兩個人喺香港唔知去邊度好,不妨試吓join香港導賞團,對香港地隨時有更深認識,有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團,呢兩個地方唔單止係英式建築物,而且都係一早被列為「香港法定古蹟」,原來每個禮拜只有1日有得導賞團,到底點樣join呢?

舊京都風小屋已拆走!北角天后廟道三號花園日式庭園竟變單一朱紅色鳥居裝飾?
【#再獻新猷】近年小說《我所看見的未來》翻hit,唔少人竟然因為一本小說而擔心「7月5日災難性大地震」預言成真,連7月日本旅遊人次都大幅減少。日本素材向來受到港人拍拖兩個人歡迎,港島區一個公園早年就有一個京都風庭園,今日小屋已被拆走,取而代之嘅只係單一朱紅色鳥居裝飾,唔通係為咗香港人唔飛日本而設?

落機無需搭地鐵!香港機場巴士路線直出市區車費更低?即睇港九新界E車、A車、N車攻略!
【#機場巴士】無論係旅客搭飛機嚟香港旅遊,抑或香港人由外地返香港,由香港國際機場出發前往市區,好多人都會選擇乘搭地鐵。不過,其實香港機場有大量巴士路線可以選擇,唔單止可以直出市區,而車費隨時更低,甚至全天候都有車往返機場,拍拖兩個人由機場去市區都好方便。到或巴士路線中嘅E車、A車、N車有咩分別呢?即睇香港機場巴士路線攻略!
