大帽山扶輪營地燒烤場【野餐隨行】歎荃灣和順記超巨型人氣炸髀

荃灣有一間以超巨型生炸雞髀作招徠嘅人氣店，唔少人都大讚高水準，今次編輯就去試吓到底係咩情況。雖然呢間和順記有5間分店，但其實係特許經營店，只有荃灣店、天后店係由前記者開設，拍拖兩個人去記得睇清楚啦。單睇餐牌，炸雞髀價錢極高，比坊間貴一截，以為真係好高水準，但有啲名過於實嘅感覺，點解外賣貴堂食咁多？

翻查資料，和順記喺全香港有5間分店，遍佈港九新界，但其實只係一間特許經營店，$130000加盟費即可永久加盟。和順記由油麻地起家，其後接連於港九新界開設分店，等同7-Eleven變成特許經營模式，而荃灣店就於上年中下旬開業。店舖以「和順記神級雞髀皇」作賣點，入面寫明「雞髀打人牙骹軟」，加上獨門醃製秘方，並以大大隻嘅外酥肉嫩生炸雞髀受到歡迎，另外更有豬扒包、碟頭飯同粉麵可擇。

既然係以茶記嘅生炸雞髀為主打，當然係點選生炸雞髀啦！神級雞髀皇餐$65，包括飯、意粉或薯角，加$3可配蕃茄湯粉等，加$7就配讚歧烏冬，而單買一隻生炸雞髀就要$45，加完雜費之後，兩份價錢分別變成$67同$75，價錢可能係全香港最貴嘅生炸雞髀！點解外賣貴堂食咁多？如果無特別高水準嘅生炸雞髀，真係好難令人接受。

呢款「神級雞髀皇」最大優點係唔吝嗇地給予超巨型嘅雞髀，即叫即炸兼炸成金黃色，而且足足有一隻手掌咁大，外觀上非常霸氣！不過，以其他範疇嚟睇，就唔係咁高水平。雖然編輯帶到無雷公咁遠食，脆度係有少少影響，但都食得出係炸得金黃香脆，就咁睇就係正常水準嘅生炸雞髀。

咬開雞皮，雞肉亦算嫩滑，唔會炸到乾柴，仍然有肉汁，只係醃料未有滲透雞肉內，雞肉味道單一，而醃料只係停留喺雞皮表面，所以雞皮好鹹，但雞肉無咩味，食完之後要狂灌甜嘅飲品。呢款生炸雞髀價錢實在太高，但又唔係比坊間特別高水準，講真食完一次真係未必會再食。

至於隔硬加嘅著角同蕃茄烏冬，因為好多食材中午就無晒，連通粉都無，所以唔食飯就只有烏冬可以揀。薯角不過不失，反正唔係自家製，無評論價值；蕃茄湯則似罐頭湯加蕃茄嘅味道，並唔係其他人講到咁高水準，反而隻雞蛋煎得幾靚，連蛋黃都好厚身。

是日野餐地點為扶輪公園營地旁邊嘅燒烤場，位處大帽山郊野公園範圍內，離荃錦公路不遠。扶輪營地又叫做芬芳營地，露營場地方偏細小，四周以植物圍繞，隔離就係洗手間同小食亭，重有停車場，絕對係新手露營場。而另一端就係燒烤場、觀景台，可俯視荃灣至青衣一帶風景。

於燒烤場歎炸雞髀，最有趣嘅地方並唔係原味，而係其他人燒烤傳嚟嘅燒烤香味，佞炸雞髀嘅時候，以為自己食緊一隻燒雞髀！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 付款方式接受現金、八達通。

❷ 和順記分店有荃灣路德圍6號地下A1號舖、油麻地碧街24號地舖、天后電氣道39號地舖、深水埗欽州街37K號西九龍中心6樓6FC06號舖、長沙灣青山道兼善里6號地下，不過搞清楚呢間係特許經營店，並唔係間間一樣。

❸ 巴士路線51號可以由荃灣直抵大帽山郊野公園，小店離巴士站只係幾分鐘步程。

❹ 炸雞髀單買要$45，連飯或粉就$65，單買會好貴。

❶ 飲品要加$8至$10，唔多抵。

❷ 外賣湯粉要加$1，湯碗要加$2，紙盒要加$2。

EATWO

Miss A

【端午節粽2024】12間精選良心端午糉推介！鮑魚糉／鹹肉糉／素糭／裹蒸糭／鹼水糉／寵物糭！即睇早鳥優惠！