【野餐隨行】旺角麻辣店辣得過癮直闖大美督涌背營地燒烤場Day Camp遊

露營地係近月拍拖兩個人嘅熱門好去處，編輯亦喜愛露營活動，但今次就只係玩Day Camping，由旺角一間樂隊主音有份嘅麻辣店買外賣，直抵大埔人氣點涌背營地，直擊營地實況。

旺角區內有一間由樂隊ToNick主音恆仔有份開設嘅麻辣店「麻辣風雲」，開業2年後，於2022年7月由銅鑼灣擴展至旺角，室內設有中式六角涼亭，室內雕晒花，設有中式吊燈。店內主打四川菜式，包括酸菜魚、水煮牛等，以大量辣椒作招徠，外賣選擇有小鍋米線、過橋米線、太極米線，客飯及小食，據悉內有五星級酒店中菜廳川菜大廚主理，菜式適合嗜辣之人。

客飯當中，比較吸引嘅係口水雞配白飯$59，辛辣度適中，唔會太辣，但口水汁亦有適當辛辣度，重有花生香，雞肉軟腍，配搭口水汁愈食愈開胃。小食中先選擇蒜泥白肉$38、麻辣雞翼尖$32，陣陣辛辣氣息從畫面傳嚟，雞翼尖醬汁較辣，蒜泥白肉則較適中，麻香味足，略嫌蒜泥部份比較少。

由旺角起步，一程巴士直達大埔，再轉乘另一架巴士路線，就能到達涌背營地。若由大尾督步行至涌背營地，腳程約需20分鐘。而涌背營地係直接毗連涌背燒烤場，位於新娘澤路旁，依山而建，背靠八仙嶺，前瞰船灣淡水湖，湖光山色，位置靠近新娘潭自然教育徑。

涌背營地係實中型露營場，營位有逾20個，設備齊全，包括洗手間、洗滌處、污水穴，亦有晾衫架、燒烤爐、枱櫈、涼亭等，更有汽水機作補給，適合新手露營。不過，涌背營地太方便，營位根本供不應求，有部份露營人士需要插針紮營。

營地位置有大量樹蔭，所以唔需要擔心有曝曬可能，即使烈日當空，亦唔需要太擔心會好曬。加上營地靠近湖邊，所以清風送爽，比較涼快，的確係好好嘅露營場。營位大概以梯田分佈，都算獨立設計，只不過營地過於便捷，家庭客增加，以致難以搵到一個正常營位。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 外賣無加錢。

❷ 飲品加$4至$8，以至$18不等。

❸ 付款方式接受Visa、Master、現金、八達通、AE、銀聯、Apple Pay。

❹ 麻辣風雲全港有3間分店，地址包括荃灣海壩街108-114號荃碧大廈1樓、銅鑼灣駱克道491-499號京都廣場5樓、旺角彌敦道628號瓊華中心10樓。

❶ 來往大埔至烏蛟騰嘅巴士路線275R可以直達涌背燒烤場及營地，但就只係假日上午至黃昏有服務。而來往大埔至新娘潭路、烏蛟騰嘅小巴路線20R則為每天服務，20C則為特別班次，但等車人流會比較多。

❷ 營地及燒烤場有汽水機作補給點，位置同時有洗手間及洗滌處。

❸ 涌背營地及燒烤場人流極多，因為隔離就係停車點，可以駕車前往，故家庭客會比較多。

EATWO

Miss A

E.A.Tips :

麻辣風雲

涌背營地 / 涌背燒烤場