荃灣 大帽山 荃錦營地

全港最難Book露營場?直擊大帽山荃錦營地實況!超靚位全日無人到?

既然踏入露營季節,當然係要拍拖兩個人執起行裝去露營啦!適逢近月漁護署41個郊野公園露營場重新開放,當然係去官方營地露營,而其中位於荃灣嘅荃錦營地需要預約,被指係一個非常難以預約嘅露營場,到底有幾難Book?現場環境又係點?今次編輯成功預約荃錦營地,為大家直擊營地實況,當日竟然見到全場最靚嘅營位24小時全日都無人到場!

早前編輯提過大欖郊野公園楓葉徑,會經過大帽山荃錦營地。今次就集中講荃錦營地,只要前往大帽山荃錦公路,於大帽山郊野公園落車,折返2分鐘步程,就會到達荃錦營地入口,位置係麥理浩徑第9段。

荃錦營地位處大欖郊野公園範圍內,亦伙大帽山山腳,官方網站稱荃錦營地為中型露營場,適合初次體驗露營嘅人,換言之係一個新手露營場。

官方網站曾提到營地範圍環境清幽,林木茂盛,而且可以眺望荃灣、青馬一帶景色。但事實上,除咗林木,就只睇到麥理浩徑第9段,多數營位都係睇唔到景色,因為完全被林木遮擋。不過,最大好處係曝曬度低,鮮見陽光,毛毛雨時都唔需要特別怕,配備天幕嘅話就更加無有怕。

荃錦營地係漁護署營地預訂系統先導計劃嘅首個試行營地。荃錦營地現時需要預約,只要透過漁護署網上系統「郊野營人」,就可以預訂荃錦營地約1個月內嘅營位。但官方網站長期被Full Booking,假期爆滿難以預約,平日亦只有少量營位。編輯實測預約系統,每晚凌晨12點登入,不消2分鐘就已經未能預約,只係2分鐘內入到去填資料嘅部份就比較穩陣。一般人多數難以預約,而現場亦唔俾人執雞,故此一度被投訴有人放飛機,出現營位無人去嘅情況。

營地官方圖片顯示,每個營位都好狹窄,空間不足;但現場環境嚟睇,其實每個營位都有足夠空間,一般情況下可以接受。全場基本上有37個營位,多數係1至4人單營位,只有4個係5至8人雙營位,每人每次只可以預約1至2晚,可以連續預約2次,但最多只係4晚。

每個營位都有一個用作放置帳篷嘅木板平台,隔離有枱櫈同燒烤爐。週邊多為林木,營地大多被林木包圍,所以環境清靜,多數營位都係外望林景,坐低Chill吓都算舒適。從營位抬頭,可眺望大帽山高聳山勢,都算勉強可以Chill吓。

講到選擇營位,其實預約到一個營位已經好好,唔使旨意有得揀邊個位置。前面1至9號係近門口位置,算係睇到少少景嘅營位,當中只有6至9係雙營位,以梯田模式設計,空間固然係較多,而且活動空間可以計埋涼亭位置。而10至23號就係一字排開嘅營位,14號營位空間會比較充足。而24至28號營位、29至33號營位睇落好似好逼迫,但其實空間都足夠。至於34至37就比較接近另一邊入口同麥理浩徑第9段,亦近旱廁,唔需要步行樓梯都可以抵達,係暢通易達嘅Area。

當中,編輯覺得全場最靚嘅營位係26號,皆因呢個營位係寧寧舍舍凹咗落去,係一個Private Area,私隱度高,但以現場嚟睇,編輯親身實證,26號營位當日係24小時都無人到場,由14:00入營到18:00最後入營時間,以至凌晨時份,甚至翌日朝早11點至下午1點,都係無任何人前往紮營,意思明顯係有人放飛機。奉勸大家去到先預約,去唔到唔該放返個營位出嚟,見到靚位無人去,而自己預約唔到,其實當下真係幾嬲。

整個營地會共同旱廁、水源,旱廁位於營地兩端入口處,而水源就只係位處入口處。每個營位都配備燒烤爐,所有煮食都需要於燒烤爐範圍。

荃錦營地劃分一個個獨立營位,變相唔俾人插針,好處係每個營位所容納嘅人數有限,唔會有逼爆嘅情況,一旦多人放飛機,營地人流更少,如果能夠預約嘅話,環境會更清靜。不過,荃錦營地壞處係難以預約,即使預約成功,時間亦不足,每日最早2點登記入營,而翌日朝早11點就要離營,結果身處營地嘅時間其實不足24小時,比需要中午12點離營嘅私人營地情況更糟。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 荃錦營地預約網址﹕https://www.camping.gov.hk/tc/index.php 。

❷ 巴士路線51號可以直達大帽山郊野公園,落車後向後面方向折返,就會到達荃錦營地入口。

❸ 營地兩邊入口都有旱廁,朝早會比較乾淨,因為見到朝早有人清潔。

❹ 想要取水就只能夠返回營地入口處,但食水都係需要自備。

❺ 帳幕同天幕都必須紮喺木板位置,帳幕需要用魚骨釘釘喺木板上,或者用營繩延伸至草地,而天幕都算可以延伸少少。

❻ 營地可以帶寵物,但奉勸大家唔好帶寵物,因為營地空間有限,攜同寵物隨時影響身邊嘅營友,記住唔係個個都鍾意狗,有好多人係會驚狗,睇唔實隻狗、唔會陪隻狗玩嘅話,就唔好帶狗入場。

❼ 愛護環境,唔好亂扔垃圾,要放返入口位置,但自己垃圾都係盡可能自己帶走。

❶ 每個營位都有木板、燒烤爐、枱櫈。

❷ 每個Area都有污水穴,謹記將污水倒入污水穴內,唔好亂倒於其他位置。

❸ 煮食只可以喺燒烤爐嘅Area。

❹ 每日入營時間為14:00至18:00,離營時間為11:00,可以早少少喺營位放低物品,夠鐘就去返入口登記。

❺ 露營卡最好放置當眼處。

❻ 臨走時記得將露營卡歸還,放於入口處隔離嘅露營卡收集箱。

❼ 如果唔到場而無及時取消預約,資料會被記錄,90日內唔可以再預約,但其實呢個規則形同虛設,A君未能預約,啲人自然會搵B君、C君預約,啲人一樣會放飛機。

❶ 營地有露營用品租借,抵唔抵就可圈可點。

❷ 每晚大概9點左右會有人巡查,所以記得遵守營規。

❸ 麥理浩徑第9點可能會有馬騮。

❹ 營地兩端入口距離大概係5至10分鐘步程。

EATWO
Miss A
荃灣 大帽山 荃錦營地 入口

荃錦營地

大帽山大欖郊野公園深井管理站
24hours

醫吓肚

營業時間有限制!大澳人氣水鄉棚屋Cafe蘇廬慢活手沖咖啡 小島招牌秘製雞翼/蝦籽麵

【#人氣咖啡店】一年一度大澳花燈節又來臨,唔少人大概準備拍拖兩個人於中秋節假期入大澳打卡,而大澳美食又有幾多呢?其中,大澳一間棚屋Cafe就係小島內嘅人氣美食好去處,以香濃手沖咖啡、甜品及小島蝦籽麵,配上水鄉風景,一直以來吸引極多人慕名而至。想要免排隊,季節可判定人流多寡。

荃灣海濱花園街坊日料店 親民價丼飯鄰近死場

【#海濱小店】荃灣美食有好多,但荃灣西近海濱長廊一帶就比較少見,想拍拖兩個人搵食都比較困難。而荃灣西海旁盡頭海濱花園一帶,最為人熟悉係一個封閉多年而嚴禁公眾進入嘅商場,一直被人稱為死場,連附近都幾乎水靜鵝飛。不過,週邊其實重有兩間小店,一間係位於平台花園嘅外賣店,另一間就係一間日本料理店。

8月延長營業時間!旺角隱藏角落宵夜好地方 超值價歎車仔麵X串燒 獨創荔枝肉串?

【#鬧市隱藏小店】旺角鬧市內美食眾多,但要重新開放夜市,其實稍有難度,皆因只要實地引證,拍拖兩個人夜晚前往旺角一遊,不難發現夜晚嘅旺角已經唔再係以前嘅旺角。曾經熱鬧嘅旺角,唔再旺,大多數食肆都提早落閘,而市民亦多數已經習慣提早歸家。想要於旺角搵宵夜地方唔容易,而今次eatwo就帶大家走遠少少,原來離主要街道有一段距離,一直以來都有一間宵夜小店屹立旺角街頭一角,而且價錢極為親民,最新消息8月中更延長營業時間,由夜晚開舖提早至中午前開舖!

3年開3分店!蕃茄仔濃稠蕃茄湯麵仍保持水準 含全素茄湯選擇

【#蕃茄湯】由港島區開到九龍區,以蕃茄濃湯為主打嘅食店,3年間已開設3間分店,於結業潮下仍然撐得下去。至今小店水準依舊,除咗人氣十足嘅牛魔王選擇,亦有素食之選。而九龍灣分店則處於本土味十足嘅商場內,「Red Object」亦係其中一間適合拍拖兩個人前往嘅餐廳。

【區區有小店】日日食2.0!九龍灣Eastmark美食巡禮2023!小區推介8間尚存本土餐廳全幢大放題!

【#區區有小店 】香港本來就係國際美食匯聚嘅地方,雖然環境有好大變化,唔少餐廳都陸續出現結業潮,但其實依然有唔同餐廳小店尚存,更有唔同類型嘅菜式可以選擇。今次區區有小店就為大家整理九龍灣Eastmark尚存嘅食店,食店意想不到地數量眾多,有如以前將軍澳日日食美食廣場Food Court,適合拍拖兩個人前往,即刻睇睇九龍灣Eastmark推介之選擇!

{"speed":"1000","height":"600","pause":"4000"}
影吓相

【土耳其風vs古羅馬風】台北隱藏景點地下水宮殿限定開放!深水埗主教山配水庫爭議聲下開放入場有限制|附交通+報名方法

【#地下配水庫 】各國地方都擁有獨特嘅地下水道,空間縱然細小,但就有非一般功能,而且隨時擁有過百年歷史。地下水道有特別風格,例如英國有羅馬洛場設計,澳洲悉屁亦有派丁頓蓄水池,而香港與台灣亦有拍拖兩個人打卡必到嘅配水庫。其中台北地下水宮殿充滿土耳其伊斯坦堡風格,而香港深水埗主教山玩水庫則有古羅馬風格,只不過台北地下水道長期限定開放,而香港地下水道幾乎被剷平,於爭議聲下先重新開放公眾入場,但仍有一定限制,即睇台北與香港地下水道入場方法!

長洲戲院活化重開!試閱甲骨文/製作平安包/拓印/立體浮雕 頭炮邀電視台歌手開演唱會?

【#活化戲院】於1997年停業嘅長洲戲院,剛剛於幾日前(8月21日)正式活化重開,容許公眾入場參觀。當中,揭示呢個位置曾掘出甲骨文物件,更特別設下幾個工作坊,給予大家拍拖兩個人DIY長洲名物平安包機會,更可認識拓印、立體浮雕。首個週末更邀得本地電視台嘅「大明星」到場開演唱會,想知長洲戲院現場情況?

茶果嶺全新海濱公園建8米高鐵滑梯 7大遊樂設施+180度海景/3個彩虹打卡位|香港玩樂好去處

【#香港新公園】盪韆鞦、氹氹轉、瀡滑梯、搖搖板、跳彈床、馬騮架等都係小時候必玩嘅公園遊樂設施,只係早年不斷有意見指危險,多數舊式公園設施都已經被拆除,想拍拖兩個人懷念吓都頗困難。最近觀塘近茶果嶺海邊有一個全新公園,將已經逐步變文化遺產嘅舊式遊樂設施重現海旁,當中最吸睛嘅係約8米高嘅鐵滑梯,重有色彩繽紛嘅3大打卡位,即睇公園內有咩童年玩樂設施!

{"speed":"1000","height":"600","pause":"4000"}