銅鑼灣 人和荳品廠

銅鑼灣鬧市豆類製品平食之選 必食鹵水兩溝+香煎魚肉豆腐

於銅鑼灣搵食唔簡單,港島區餐廳價格水平頗高,拍拖兩個人想簡單搵間小店醫吓肚唔容易,或者只能竄入大街小巷內,今次編輯就走到一間荳品專門店,雖然豆類製品本身成本極低,但喺銅鑼灣一帶即使設下比較高嘅價錢,都已經比其他食肆平,都算係糧尾恩物。

小店裝潢簡單,座位頗狹窄,好有舊式茶檔或冰室感覺,反正係一間開業多年嘅老字號食肆,能夠屹立銅鑼灣黃金地段已經唔容易。而餐牌亦好平鋪直敍,並無任何額外收費,兩張四份一嘅A4紙、即四版,就已經寫完所有店內嘅菜式。

其中小食有6款,招牌作為魚肉煎豆腐$24,即係煎釀豆腐,薄薄魚肉片舖上豆腐表面,煎香後熱焫焫上碟,金黃煎釀豆腐相當香口,僅有少量魚肉香,整體的確係有少少油膩,但就算唔配搭甜辣醬都好味。

更值得推介嘅係叫做「兩溝」嘅滷水豆腐豆卜$24,將豆腐、豆卜兩者放入滷水汁內,經過滷水醃製嘅豆腐、豆卜,明顯滷過一段時間,滷水汁充份滲透豆腐、豆腐內,非常入味,入口香甜美味。而豆腐保持嫩滑之餘,亦有紮實感。滷汁鹹度極低,配合豆腐、豆卜剛剛好。

店內最能夠飽肚嘅係豉油皇炒麵$24、柴魚花生粥$30,炒麵相對坊間較乾身,醬油亦唔會好鹹,與豆漿配合得天衣無縫。而柴魚花生粥雖然係店內最貴嘅菜式之一,但物有所值,一碗粥內配料充足,柴魚份量都幾多吓,柴魚味好重,粥底綿滑,配料好足料,入口好香。

飲品中包括有8款豆漿,其中挑選咗杏仁豆漿$20、薑汁豆漿$20,即使加入唔同口味,豆味仍然香醇,香氣四溢,杏仁、薑汁並無遮蓋本身嘅豆香,豆漿入口滑溜,豆味依然濃郁可口。

店舖既然寫明係一間荳品廠,店內有至少12款豆腐花,其中黑糯米豆腐花$30 香甜可口,豆腐花透心涼,質感極滑溜,豆味香醇而滿滿豆香,黑糯米偏甜,佔大概四份一,份量充足,又唔算過甜,係一份適合結尾嘅甜品。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 付款方式只限現金。

❷ 人和荳品廠分店地址有銅鑼灣渣甸街55號、旺角奶路臣街3號E、旺角旺角道28號地下。

❸ 入口位置為渣甸街,門口有小巴站。

EATWO
Miss A

人和荳品廠

銅鑼灣渣甸街55號
11:30 - 22:00
2808 4738

醫吓肚

加藤屋只剩3分店!日式快餐牛肉飯/壽喜燒經營8年 荃灣店結業通知疑透視全線結業?

【#結業通知】加藤屋開業至今達8年,一直為港人提供日式快餐服務,牛肉飯及壽喜燒都係性價比高嘅選擇,平價又有水準。但加藤屋分店愈來愈少,近日連荃灣路德圍店亦宣佈無奈結業,據店內外張貼「結業通知」顯示,荃灣店於2024年2月25日結業,而通知亦疑似透露全線結業。目前分店只剩低3間,想要拍拖兩個人俾最後一分支持,就要趁呢段時間啦!

頂好大光麵 香港茶餐廳美食 香港小店 大光麵茶餐廳名單 光身麵 頂好大光麵銷售點

【區區有小店2024】編輯精選全港11間選用頂好大光麵餐廳!香港製造茶餐廳舊名物瞬間竄紅|附地址名單

【#香港製造】最近分析本地茶餐廳文化嘅電視台ViuTV節目《茶餐廳》重新介紹香港茶餐廳舊有名物「頂好大光麵」,令「頂好大光麵」突然獲帶挈瞬速竄紅,連帶「香港製造」亦獲得關注。想要拍拖兩個人搵吓目前有「頂好大光麵」提供嘅餐廳?雖然官方有公佈全港選用「頂好大光麵」嘅餐廳,但編輯精選推介嘅本地餐廳就只有以下10間,即睇港九新界「頂好大光麵」餐廳一覽!

【情人節2024】2.14約會實用指南!浪漫情人節餐廳/大餐食材/小禮物/靚靚花束良心推介!

【情人節2024】2.14約會實用指南!浪漫情人節餐廳/大餐食材/小禮物/靚靚花束良心推介!

【#情人節推介】2024年情人節即將來臨,大家拍拖兩個人有咩節目呢?男士們必然忙於搵餐廳、搵食材、搵鮮花、搵禮物;新生代嘅女士們亦有可能化被動為主動﹐為另一半製造驚喜。今次E.A.Two編輯就特別為大家整合2024年情人節推介良心合集,雖然今年提供情人節嘅餐廳及商店唔多,但總算依然可以搜羅得到,即刻睇睇啱你心水嘅小店!

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}