街坊先識！大角嘴隱藏快餐店高水準豬扒麵／咖喱腸粉還原學生時代平靚正撈麵香中帶辣

學生時代係充滿回憶，讀書時期Lunch或放學都會同朋友行吓街、食吓嘢，但零用錢往往有限，平靚正嘅小食或撈麵就成為學生醫肚選擇；現時失業率上升，唔少人經濟拮据，呢種平靚正小食或撈麵又變成大家午餐恩物。大角嘴就有一間快餐店提供返呢種學生時代平價小食，既可以一嚐回味無窮嘅煎豬扒、咖喱撈，亦係拍拖兩個人慳錢之選。

位於大角嘴小街道嘅小店唔太起眼，以湯麵、撈麵為主，亦有馳名豬骨粥、炒米粉，甚至韓國撈麵。不過，編輯曾到訪幾次都未能品嚐豬骨粥，準備要放棄，皆因豬骨粥賣晒就無，當日就唔會再熬煮，星期六朝早9點已經售完。另外，小食如腸粉、牛肉球等亦為街坊價錢，燒賣、魚蛋更低至$6/串。而最受街坊歡迎嘅係店內嘅咖哩汁，配搭麵條、燒賣或腸粉都好香口，

當中，招牌之一嘅三哥豬扒麵可選湯麵或撈麵$35，可以揀選大辣或小辣，咖哩小辣嘅話味道稍輕，但就無需要擔心辛辣度，仍然微辣中有香味；而大辣就較香，但最好準備一支飲品。咖喱腸粉賣$27，咖喱醬汁香濃，配搭淡而無味嘅蒸腸粉，咖喱香料十足，加上大量芝麻，雖然香口，但就無嗆鼻癢喉嘅辣感，但同樣可以自選辣度，皆因咖喱為自家製作。

粉麵份量、粉麵質地不過不失，就一間街坊茶記質素，同舊時學生時代嘅撈麵差唔多。而豬扒即叫即煎，係店內最值得驕傲嘅菜式，單單上檯而嗅到陣陣香味。豬扒表皮微脆，煎得香口，油香與肉香夾離，肉質軟稔，並非嚡口。豬扒切成小塊，方便食用，入口唔乾，甚至有肉汁。

而飲品方面有紅豆冰、紅豆奶茶等特色飲品，而檸茶、檸水並唔簡單，當坊間興起飲無檸檬嘅濃縮香水檸檬茶時，小店就選用清香檸檬，而且一杯配上4至5塊檸檬，紅茶底亦濃郁，呢啲先叫港式凍檸茶！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 留意外賣需加$1。

❷ 內有少量堂食座位，湯麵、撈麵都係堂食比外賣好。

❸ 咖哩辣汁小辣嘅辛辣度的確好微弱，而配上大辣嘅話就最好要配上一支飲品。

❹ 位置於富多來商場地下，唔需要走入商場內，喺商場外圍，旁邊為洗衣店。

❶ 等待時間大概要預5至10分鐘。

❷ 小店堂食位置唔多，所以繁忙時間唔能夠坐太耐。

EATWO

Miss A

【區區有小店2024】粉嶺6間尚存本土餐廳推介！70年粥店／平民丼飯／泰式船麵｜粉嶺美食推薦2024

兩個人旅吓行

專題

E.A.Tips :

輝記快餐