沙田瀝源3間黃店(時新車仔麵屋+盛記麵家+富東閣海鮮酒家)

【黃店巡禮】沙田瀝源3間街坊小店 尋$36碗3餸麵/傳統酒樓歎下午茶

感謝瀏覽我們的網站,很抱歉,由於網站發生故障,本頁文章部分內容暫時未能顯示,我們現正搶修當中,不便之處敬請原諒。

相關內容亦可到我們facebookMEWEYOUTUBE或IG專頁找到。

 

沙田瀝源邨雖然離市中心不遠,以天橋連接,如果嫌市中心食店太多人或太貴,可以拍拖兩個人稍移玉步前往瀝源邨,內裏有3間街坊小店,包含傳統酒樓、港式粉麵、車仔麵店,間間價錢相宜,座位亦比較多。

 

(1)時新車仔麵屋

香港租金、物價依舊高企,連食碗車仔麵都隨時$40起跳,沙田天橋底下嘅車仔麵檔賣$36/碗3餸車仔麵,加多款餸先加$5。店舖位於屋邨之間,除咗車仔麵,亦有其他飯麵,有如屋邨茶記,店面甚小,有室內外座位可擇,點餐就只需填上點餐紙。飲品方面有豆漿、菜蜜、涼茶、汽水、檸蜜等可擇,檸檬有三四片,酸澀味適中,檸檬新鮮。

 

車仔麵每碗麵底充足,車仔餸亦份量適中,豬紅入味之餘亦挺身有咬口,蘿蔔無渣又清甜,韭菜餃餡料夠、野菜魚餅有粟米粒,甜酸齋同菜底一樣非常索湯。以屋邨麵檔嚟講,湯底少有地有5款選擇,包括豬骨湯、蕃茄湯、牛腩汁、沙嗲汁、滷水汁,有如新式車仔麵店,湯汁濃郁,當中蕃茄湯有蕃茄蓉、洋蔥,入口香甜,而牛腩汁則較清淡,帶清甜感覺。

 

(2)盛記麵家

第2間係離車仔麵非常接近嘅盛記麵家,位置同樣於天橋之下,但就係平台以下,比時新車仔麵屋更隱蔽,不過店舖已經有逾60年歷史,由一間雲吞麵老店演變為揉合文青Cafe、大排檔風格嘅餐廳,賣完港式粉麵,夜晚再變身火鍋、盆菜店,而價錢同樣為街坊價。

 

延伸閱讀﹕文青Cafe?大排檔? 沙田逾60年雲吞麵老店一度告急

 

(3)富東閣海鮮酒家

第3間係比較為人熟悉嘅富東閣,皆因該店一直被稱為全港唯一良心酒樓(當然現時並唔算係),方便隨時「飲啖茶,食個包」,兼歎「一盅兩件」,而下午茶點心更加抵食,大、中、小點連頂點、特點,每款多數唔超過$20,比起其他酒樓係良心價。

 

延伸閱讀﹕全港5間本土中式點心酒樓 沙田富東閣超抵食「一盅兩件」下午茶 邊間有加大版糯米雞?邊間雞札重有火腿魚肚?



E.A.Tips :

❶ 車仔麵位置於天橋下面。

❷ 學生價$30,重送飲品。

❸ 原來每碗都附送生菜,毋須另外點。

❹ 部份餸需另加$1。

EATWO
Miss A
沙田瀝源3間黃店(時新車仔麵屋+盛記麵家+富東閣海鮮酒家)

時新車仔麵屋

沙田瀝源邨富裕樓1樓3號舖
11:30 – 19:30
9520 3441