中環百年老街電影取景熱點打卡 淺水灣沙灘小公園藏神佛聚腳點

中環百年老街電影取景熱點打卡 淺水灣沙灘小公園藏神佛聚腳點

感謝瀏覽我們的網站,很抱歉,由於網站發生故障,本頁文章部分內容暫時未能顯示,我們現正搶修當中,不便之處敬請原諒。

相關內容亦可到我們facebookMEWEYOUTUBE或IG專頁找到。

中環市中心內有一道百年老街,係電影、電視劇經典取景場地,亦係唔少人嘅打卡熱點,拍拖兩個人穿梭其中恍如時光倒流;由中環前往淺水灣沙灘,會發現盡頭有一個中式小公園,內裏躲藏一個又一個神像、佛像,更有古代神話人物,甚至中西合璧,無論係觀音菩薩、天后娘娘、佛祖、釋迦牟尼佛,抑或係海龍皇、彌勒佛、玉皇大帝、王母娘娘、月老、壽星公,定係泰國四面佛,都可見蹤影,都算係一個神秘神佛聚腳點,公園有幾分似台灣高雄蓮池澤龍虎塔。

 

走入中環,市中心已有唔少歷史建築,而當中石板街就係一道百年老街,而石板街即係砵甸乍街,下至干諾道中,上至荷李活道,頂端為酒吧街。而皇后大道中一段則較為陡直,石塊凹凸不平,不過都可以方便疏通雨水。另外,石板街亦係分隔蘭桂坊、蘇豪區嘅街道,因為石板街左邊為蘭桂坊,而石板街右邊則為蘇豪區。



 

石板街可以貫穿幾道著名街道,而砵甸乍街本身係為紀念香港首任總督砵甸乍(Pottinger)而命名,後來石板街被列為一級歷史建築,有超過160年歷史,出名聚集古老攤檔,現時街道內仍有少量排檔,而且保留鐵皮屋設計,如同舊香港時期,充滿本地色彩。石板街向來係電影、電視劇熱門取景場地,尤其係古裝情節,著名電影要數《花樣年華》、《色戒》、《無間道III》、《十月圍城》。

 

由中環前往淺水灣沙灘,交通方便,淺水灣位處港島南端,豪宅林立,內有商場The Pulse。淺水灣內彎月形海灣優美,沙灘有近300米長,以水質澄澈、沙粒幼細聞名,夏天時通常都會聚集大量泳客。



 

而淺水灣沙灘末端位置,其實重隱藏咗一個中式小公園,充滿古時中國文代古典色彩,園內有一個海邊寺廟,遍佈各式神佛。入口可見鎮海樓牌匾,而鎮海樓地下已改為小士多,通往上層樓梯則唔准進入,樓梯一端可通往香港拯溺總會總部大樓,繼續前行就可見到毗連海灣嘅鎮海樓公園(Kwun Yam Shrine)。

 

海灣盡頭矗立一座萬壽亭,亦有一道長壽橋,牆物瓦片紅紅綠綠,分別有延年益壽之意。旁邊更有萬壽龍,亦有「金鰲獻壽」之意嘅鰲魚雕塑。長壽橋另一端可見月老、姻緣石,留低情侶兩個人名字,並且綁上紅線,可祈求白頭到老。

 

而末端更有3隻羊嘅「三羊啟泰」雕塑,亦有「如意吉祥」、「繁榮昌盛」之意。象徵位置為淺水灣沙灘以東,據悉公園於70年代興建,而且係沿海而建,從淺水灣碼頭觀望,小公園畫面有幾分似台灣高雄嘅蓮池潭龍虎塔。



 

當中供奉觀音菩薩嘅觀音像、供奉天后娘娘嘅天后像都有逾10米高,雄偉非常,兩者以一塊塊小磚瓦拼貼堆砌而成,矗立於鎮海樓前方,因為傳統上天后廟可保水上人平安,而觀音望海亦可保水陸平安,庇祐漁民、泳客,因為早年香港人大多依靠捕魚為生,至今都有唔少人祈福膜拜。

 

至於其他小神佛則有佛祖、釋迦牟尼佛、彌勒佛、玉皇大帝、王母娘娘、海龍皇、河伯、麻姑、月老、壽星公都應有盡有,顯得小公園色彩繽紛,更特別之處係連泰國四面佛都有,一望以為神佛都要Gathering,絕對係一個神佛聚腳點。



E.A.Tips :

❶ 石板街即係中環砵甸乍街,位處中環荷李活道至干諾道中之間。

❷ 淺水灣內有The Pulse商場,內有一間Sip Song嘅同路人餐廳。

❸ 於中環交易廣場巴士總站乘搭巴士路線6,6A,6X,66,260號,喺淺水灣站落車,依沙灘海岸線走到最左邊盡頭,7分鐘就可以到達鎮海樓,旁邊就係小公園。

❹ 鎮海樓雖然有兩層,但唔可以上行,而地面改為士多用途。

❺ 鎮海樓公園就位處淺水灣沙灘最末端方向,Google地圖位置叫天后廟及觀音像。

❻ 內有唔同種類佛像、觀音,謹記尊重宗教,唔好塗污或破壞。

❼ 公園旁邊為淺水灣碼頭,同樣係睇日落嘅好地方。

EATWO
Miss A
中環百年老街電影取景熱點打卡 淺水灣沙灘小公園藏神佛聚腳點

石板街

香港中環砵甸乍街

中環百年老街電影取景熱點打卡 淺水灣沙灘小公園藏神佛聚腳點

淺水灣泳灘

淺水灣
鎮海樓公園
淺水灣海灘道
08:00 – 17:30,公園24hours