好多人拍拖兩個人出街搵食，通常都會睇裝潢或睇人氣，而店舖方面亦會保持簇新裝修，筲箕灣就有一間藍色小店，開業多年，目前外形極為陳舊，連射燈都無，令店面更顯灰暗，若然唔係刻意尋找，的確唔會發現呢間隱藏版炸雞店，方才知道原來係漆黑中嘅螢火蟲。店內套餐由主食到小食，以至西湯都巧花心思，主打嘅炸雞、Pizza明明甚有水準，甚至比連鎖店高得多，偏偏好多人寧願去連鎖店都唔選擇其他小店，難怪10間分店淨返1間啦！
所謂藍色小店，因為係一間外形以寶藍色小屋設計嘅小店，位於大街小巷轉角處，打斜望落狀似一間藍色牆身嘅小屋，其實係藍皮黃心。從筲箕灣道搵入口，望咗幾分鐘都搵唔到入口，亦唔覺有開門，以為已經打烊，但原來小店門口並非位處大街，而係小巷內。
脆意雞亦叫Pizzapie，一直以嚟都係本地品牌，開業多年，有指之前係芝脆雞姊妹店，Pizzapie本來前後有10間分店，但目前2022年就只淨低一間分店，位於筲箕灣道。從外面觀察，店面係一間藍色小屋，但極為殘舊，幾乎封塵，而且射燈欠奉，更顯暗淡無光。但事實上，食物水準同裝潢係唔係成正比，一試就知龍與鳳。
店內餐牌有4款大胃王餐，亦有2款輕便套餐，當中有輕便套餐B $135，包含迷你批一個，亦可於意粉、焗飯、小食、3件炸雞中揀選兩款，更可於2罐飲品、2客餐湯、1客蒜蓉包中揀選一款，合共5樣嘢，睇落好似唔多，但原來份量都唔少。另外，加$20可轉配一款小食百里香燒豬排骨，又或者加$12轉吉列海鮮籃、香辣雞翼、和風拼盤、韓風柚子雞翼。
Pizza可以選擇千島海鮮醬底、特色醬底、蕃茄醬底，迷你批係一款6吋Pizza，兩個人食都算足夠，千島海鮮底令人胃口大開，內有洋蔥、青椒、菠蘿、蟹柳、蝦、魷魚、蜆仔，餡料豐富，入口有陣陣烘烤香味。Pizza餅底原來有別於平常嘅薄批，而係恍如麵包嘅餅底，相對一般薄批，表面雖然微脆，但餅底較鬆軟，真係似足麵包。
以千島醬配搭菠蘿等材料，感覺恍如熱情如火嘅夏威夷風情Pizza，酸酸甜甜嘅千島醬配搭帶有鹹味嘅蝦、魷魚、蜆仔，加上Juicy感重嘅菠蘿，青椒、洋蔥點綴，色調豐富之集，的確有幾分清新。Pizza雖然只有6吋，但材料都算充足，平舖整塊Pizza面。
炸雞係店內另一款招牌作，套餐中包含3隻炸雞，內有1隻上髀、2隻下髀，炸成金黃色嘅上下髀賣相美觀，比連鎖店嘅縮水雞髀明顯大隻又厚肉得多。即叫即炸嘅炸雞有別於預先炸定，上手熱焫焫，沿途香噴噴，真正香氣撲鼻，拎到返屋企仍然暖笠笠。
雞皮都保持酥脆，炸粉唔太厚，表面有少少牛油香，雞肉亦算嫩滑，啖啖肉之集，內裏亦有肉汁，並非乾柴雞髀，亦非連鎖店嘅軟皮炸雞髀。連鎖店嘅炸雞比較重味，而呢間嘅炸雞會較淡味，但就唔會咁鹹，亦唔係好油膩。所以，炸雞都可以有替代品㗎！
套餐附送兩款自由選擇嘅西湯，分別係羅宋湯、粟米忌廉湯，即紅湯、白湯，當以為餐湯只係類似罐頭湯質素，原來內有乾坤。羅宋湯牛味濃郁，牛肉都有幾舊，加上蔬菜都好足料，而忌廉湯黏滑稠身，內有粒粒粟米，唔算濃味，有少少香甜。
意猶未盡可以加$12點選一款芝士蛋糕，有原味、抺茶味、朱古力味可擇，Size嚟講係偏少，不過就算只係原味芝士蛋糕，都有濃厚芝士味，蛋糕實淨，入口軟腍。
E.A.Tips :
紅磡青州街3號紅磡花園地下D舖、
粉嶺新運路33號粉嶺中心C座地下1C-1D舖、
西環石塘咀加侖臺8-16號嘉利大廈地下B舖、
屯門青凌徑華興大廈地下A舖、
屯門新安街16號百勝工業中心9樓A室、
將軍澳寶林道康盛花園商場地下G4-5號舖、
馬鞍山恆信街2號富安花園商場1樓S2號舖、
新蒲崗景福街83-97號昌泰大廈地下1號舖、
牛頭角定安街75號定興大廈3號地舖，
而目前只係淨返筲箕灣筲箕灣道273號地舖嘅筲箕灣分店。
❷ 除咗可以打電話2904 8644 叫外賣，而家可以WhatsApp 預先落單，選擇外賣自取，Whatsapp 號碼為 5488 6380，落單後需要等待回覆確認，堂食或自取有9折優惠。
❸ 加$20可轉配一款小食百里香燒豬排骨，又或者加$12轉吉列海鮮籃、香辣雞翼、和風拼盤、韓風柚子雞翼。
❹ 本身一個12吋大批$115，9吋普通批$99，6吋迷你批$58。
❺ 有大脆雞套餐、小氣雞套餐，裏面都係炸雞配一款小食同汽水。
❻ 想平啲都有平價飯麵餐$43，意粉、焗飯為主，配上餐湯或飲品。
❼ 下午茶餐價錢約為$35至$51。
❽ 由筲箕灣巴士總站步行而至，只係約5分鐘步程。
❾ 小店係橫巷側門進入，筲箕灣道係無得進入。
❿ 所有食物都係即叫即做，尤其係炸雞、Pizza，所以等候時間會較長，一般要等待約30分鐘。
❿ 小店有到會服務，可以打電話去問，詳細編輯都唔知，唔好問我。
Pizza Pie 脆意雞
筲箕灣筲箕灣道273號地舖
12:00 – 22:00
2904 8644
【區區有小店】日日食2.0！九龍灣Eastmark美食巡禮2023！小區推介8間尚存本土餐廳全幢大放題！
每日被問吃什麼？本地米芝蓮級台灣菜正對中環大館
【#大館對面】連續幾年入選《香港澳門米芝蓮指南》中嘅必比登推介、屬米芝蓮級台灣菜嘅吃什麼，以台灣菜為主，吸引唔少人慕名而至，小店由台灣媽媽起家，由2019年開業至今都獲得唔少好評，加上毗連蘭桂坊、中環大館，更擁地理優勢，可拍拖兩個人一試。
慈雲山人氣煲仔飯茶餐廳 沙嗲牛煲仔麵不容忽視
【#人氣煲仔菜】香港人嘅特性就係既唔要做第一個，亦唔要做最後一個，只鍾意一窩蜂去打卡，又或者去人氣食店。原先一直都存在，但突然爆紅嘅食肆不時出現，其中慈雲山屋邨一帶一間茶餐廳就因為一款菜式，被人發現大力宣傳後，變成區內人氣之選，吸引唔少人拍拖兩個人專程前往一嚐。
天水圍天一商場2間罕見堂食店！Cafe抵食下午茶+港式焗豬扒飯完勝連鎖店
【#小商場好店】若然拍拖兩個人前往天水圍，有咩好食呢？對於天水圍良心小店美食，大多數人只會諗到新北江商場，內裏蹤橫交錯，非區內人隨時會盪失路，但商場內的確有唔少平價食店，有如葵涌廣場或旺角中心，但就唔係間間都有座位同坐得舒服。天水圍區內其實重有另一個叫天一商場嘅地方，距離濕地公園不遠，商場內有間小型咖啡店，有啲港式拼西式嘅感覺，店內嘅焗飯水準不俗。
北角高水準西餐廳近渣華道街市！惹味粒粒蕃茄湯+車打芝士焗豬肋骨意粉
【隱藏西餐廳】想拍拖兩個人搵間西餐廳撐枱腳？身處香港樣樣都係錢，想食間有質素嘅西餐廳，往往一餐動輒幾百至成千蚊以上，其實只要懂得選擇，一樣可以找尋當中高水準嘅西餐廳。今次編輯就於北角一間以德國菜為主打嘅西餐廳，價格相宜，一試便知龍與鳳。
鰂魚涌英皇道內街藏日式小店 魚願以嚐招牌海量牛柳粒/炸雞扒定食
【#大街背後】鰂魚涌有一間日式料理小店隱藏於英皇道背後，巷仔附近只見住宅樓宇，倘若唔刻意尋持，的確難以拍拖兩個人發現佢嘅身影。小店以定食套餐為主，價錢相宜，份量不少，值得一試。
炮台山自家製日式蕎麥麵 大大件炸雞皮脆肉嫩
【#自家製蕎麥麵】北角美食選擇唔少，筲箕灣美食選擇亦有，但炮台山美食選擇就比較稀少，一係茶記、茶飲店，或者酒店，甚至係外賣店，想拍拖兩個人坐低舒舒服服食返餐，其實都有選擇，後街有一間日式料理餐廳，最特別之處係有自家製蕎麥麵。
【展覽活動】童年回憶《我係小忌廉》踏入40週年 真人版1：1夢幻衣櫥 紀念品場佔三份二？
【#童年回憶】充滿童年回憶嘅日本人氣漫畫及動畫《我係小忌廉》正式踏入40週年，今年亦特別以期間限定店方式登陸香港，現場唔單止有各個小忌廉裝置打卡位，亦有大量小忌廉紀念品，一眾70後、80後嘅拍拖情侶必定對呢個卡通有共鳴感！
【展覽活動】最美商場展覽「Closer Land」 原來只係Mirror成員生日應援？
【#最美展覽】近日經過奧海城商場，發現一個設計獨特而非常eye catching 嘅新商場展覽，值得拍拖兩個人一睇。據展覽完工程度嚟睇，似乎當日剛好搭建完畢，未正式開放。
【展覽活動】荃灣藝術遊走勻6大裝置藝術 15米吹氣大鯨魚非高水準 低成本反而有驚喜
【#荃灣藝術遊】最近，荃灣區又有新搞作！今次香港於荃灣設獨有創意旅遊項目「#ddHK 設計 #香港地– 藝遊未盡・荃灣」，於荃灣主要通道及公園規劃出創意裝置藝術，將景色與藝術融合，當中最搶眼嘅係15米長大型吹氣鯨魚裝置，但到底最值得拍拖兩個人欣賞係邊個角落呢？
長洲戲院活化重開！試閱甲骨文／製作平安包／拓印／立體浮雕 頭炮邀電視台歌手開演唱會？
【#活化戲院】於1997年停業嘅長洲戲院，剛剛於幾日前（8月21日）正式活化重開，容許公眾入場參觀。當中，揭示呢個位置曾掘出甲骨文物件，更特別設下幾個工作坊，給予大家拍拖兩個人DIY長洲名物平安包機會，更可認識拓印、立體浮雕。首個週末更邀得本地電視台嘅「大明星」到場開演唱會，想知長洲戲院現場情況？
茶果嶺全新海濱公園建8米高鐵滑梯 7大遊樂設施+180度海景／3個彩虹打卡位｜香港玩樂好去處
【#香港新公園】盪韆鞦、氹氹轉、瀡滑梯、搖搖板、跳彈床、馬騮架等都係小時候必玩嘅公園遊樂設施，只係早年不斷有意見指危險，多數舊式公園設施都已經被拆除，想拍拖兩個人懷念吓都頗困難。最近觀塘近茶果嶺海邊有一個全新公園，將已經逐步變文化遺產嘅舊式遊樂設施重現海旁，當中最吸睛嘅係約8米高嘅鐵滑梯，重有色彩繽紛嘅3大打卡位，即睇公園內有咩童年玩樂設施！
【展覽活動】香港文化博物館暑假推介！4大展館即睇電影幕後服裝+本地流行文化！同場加映﹕張國榮/李小龍人物珍藏展
【#必去展館】落雨去邊好？下雨天好容易打亂拍拖兩個人嘅行程，度好晒嘅Schedule都未必可以實行，夏天最方便嘅係走入商場或去博物館。香港有好多博物館，而最近香港文化博物館就有多個值得去嘅展館推介，行晒幾個展館足以消磨一整天，當中有同香港電影有關嘅文化展、本地舊有流行文化展，亦有兩個人物展覽，反而同香港藝術館以打卡為主嘅內容並唔一樣。
