【東京住宿】小型民宿體驗日式民居生活兩層高梯子公寓包水電媒連露台｜東京Cozy Vibes

東京係香港人熱門嘅旅遊勝地，大多數人拍拖兩個人或一家大細都會選擇東京酒店，而近年愈來愈多年輕人會選擇東京民宿。今次eatwo編輯亦親自體驗其中一間東京民宿，既有露台，亦包水電媒，有如日式民居。而位置上靜中帶旺，交通便捷，而且徒步可達新宿區！

近東京市中心嘅「Cozy Vibes Apartment Hotel」樓高2層，全幢僅有8戶，旅客唔多，環境清靜。民宿位置雖然座落新宿區，但就靠近東新宿駅，交通便捷，靜中帶旺，附近唔會太嘈吵，同時亦唔會太僻靜。民宿為公寓設計，附近都係當地民居，想要體驗日式民居生活就不能錯過。

民宿有如日本當地居室，屋租包含有冷氣、廚房、衛浴及廁所，開放式廚房有雪櫃、煮食爐、微波爐、洗衣機、電熱水壺、晾衫架、熨斗等，而浴室淋浴間及座廁分隔開，雖有牙刷牙膏、拖鞋、廁紙、毛巾提供，但就需要自備各沐浴用品。而冷氣可以調節，但淋浴間水溫就需要調節一段時間先可以調節到溫水。

房間有如臥室公寓，室內分為兩層，所謂梯子公寓，即係房內有一條梯子，可以連接閣樓。下層有一張梳化床，比一般酒店房較扁及軟身；上層就係一個榻榻米設計嘅小空間，設計可愛。房東於閣樓有擺放多一張小床褥，即使一家大細入住，多個小朋友都幾方便。

進入民宿範圍，需要按兩次密碼，一次係大門口，另一次係房間門口。而一樓房間就必須走樓梯，皆因民居無電梯，出入需要扛行李上落。

房內有免費WiFi，同時屬禁煙房間，亦無停車地方。而入住check in時間則為16:00至22:00，check out則為早上10:00前。check in同check out時，皆需要前往附近「住福株式会社」辦公室辦理手續，包括提供身份證明文件及信用卡，以及留低按金。

以入住6晚計算，一間房價錢為90000日圓，以兌換率6為例，折合港幣則約5400元，每晚約為900元；另以二人計算，人均每晚約450元，同一般酒店房價格相近。留意現時東京每晚住宿費於10000日圓以上，需每人每晚徵收100日圓，而15000日圓則需每人每晚徵收200日圓，都係另外繳交，唔包含於房租內。

即睇【Cozy Vibes Apartment Hotel】住宿價錢及限時優惠﹕Agoda｜ Booking.com｜Trip.com｜ Hotel.com｜官網預訂

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 官方預訂需要留按金，但有得退返，大概要預留12000日圓，折合港幣約600幾元。

❷ 入住時間為16:00，退房時間為11:00。

❸ 位置近東新宿駅，並非新宿駅，從東新宿駅徒步約４分鐘、JR新大久保駅徒步約１０分鐘即達。

❹ 房間既禁止吸煙，亦禁止寵物進入，同時於晚上10點後需要降低聲量。

❶ 住福株式会社地址為東京都新宿区大久保1-4-20 三島屋ビル２０３。