同近青山道！荔枝角街角2間石磨腸粉店邊間腸粉每日2點半沽清？

「石磨腸粉」係近年唔少腸粉迷都喜愛嘅產物，而呢種「皺皮腸粉」並非人人鍾意，相對平常嘅腸粉，質感皺得似皺紙，而本地賣石磨腸粉嘅小店愈開愈多，當中荔枝角近青山道就有2間石磨腸粉店，2間於其他區都有分店，1間屬於特許經營，另一間每日2點半就已經將全部腸粉售罄！

鳳鳴石磨腸粉

店內最受歡迎嘅係石磨雞蛋豬肉腸，以無骨手撕雞腸粉為例，套餐價$45，單買$30，套餐包小食、飲品，小食有魚肉燒賣、彈牙魚蛋、爽滑墨丸、潮州粉果，飲品自家製竹蔗茅根、紅祖桂圓茶、自家製豆漿、羅漢果茶，如墨丸、竹蔗茅根都屬不過不失，但需要多付$15，4粒墨丸加支嘢飲似乎太貴。

至於石磨腸粉，如果以淨腸粉計，價錢值$30，但份量實在太少，以餐盒計算，包含手撕雞、腸粉，但三份一都唔到，少得可憐，基本上難以飽肚。醬料上亦只有麻醬，配搭手撕雞嘅話係無得輸嘅，但配搭腸粉就比較膩。

而腸粉唔算高水準，米漿唔算好重米香，亦無醬油，質感一般，黏度高，人氣在哪？只係加添雞蛋、蔥花等，口味亦係特別嘅，比如雞蛋、粟米、菜脯、蟲草花、椰菜，想試唔同口味先揀啦。

翻本資料，鳳鳴石磨腸粉其實目前係特許經營店，令想創業嘅人可以試吓成本較低嘅方法，而總店亦會實地考察，確保出品水準，150,000就能加盟5年。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

明興石磨腸粉

另一間雖然位於青山道，但就離荔枝角市中心較遠，相對係靠近長沙灣元州邨，地理上位處後巷轉角位，非常隱蔽，唔搵可能未必察覺到。加上小店嘅腸粉到下晝2點半就會沽清，而且關門，所以未必太多人留意到。

而事實上，相對第一間石磨腸粉店，編輯覺得第二間嘅石磨腸粉更高水準，由2018年開業至今，真係做到平民價腸粉之餘，亦可以飽肚，而且係專業嘅石磨腸粉。

提到石磨腸粉，有啲人未必真係好深刻認識，但石磨腸粉其實就係被稱為「皺皮腸粉」嘅一種腸粉。腸粉就係廣府名食之一，甚至揚明海外，傳統石磨腸粉基本並列廣式布拉腸、潮汕腸粉，對於腸粉嘅歷史，要考究真係較難，皆因無正式紀錄，因為只有少許以訛傳訛嘅講法，比如有說腸粉可以追塑至唐代至清代，亦有指係流行於開平、台山至潮州一帶。

石磨腸粉係採用石磨米漿製成，要選用黏度較低嘅米粒，先可以造出爽韌質感，米粒亦要經過浸泡過程，而磨米漿就係石磨腸粉嘅關鍵，之後在鋼盤上均勻平舖米漿（以前用銅盤），一勺米漿份量都要適中，然後蒸熟，令腸粉皮滿滿香滑，薄而堅韌，有啲會加上醬油、花生油。

而小店嘅石磨腸粉款式唔多，相對第一間較少，同樣係即叫即做，「皺皮腸粉」款式就只有窩蛋鮮豬潤腸粉$25、內有牛柳嘅粟米牛肉腸粉$30、翡翠黃金蝦腸粉$30、招牌腸粉$20，價錢平少少，加$15有餃子同飲品。

石磨腸粉入口香滑，質感鬆軟，腸粉真皺皮，有黏度，但又唔會太黏，亦唔係太散太爛。腸粉款式雖然少，但餡料亦豐富。腸粉本身內含菜脯、蔥、瘦肉，窩蛋鮮豬潤腸粉可揀流心蛋或熟蛋，雞蛋平舖腸粉頂端，腸炒之下有豬潤粒，更顯層次。整體份量較多，而配搭略有煙韌彈牙嘅腸粉皮，有層次感。

另外，腸粉配搭蒸韮菜豬肉餃子會更飽肚，而食腸粉配搭粥會更好，值得一提嘅係配搭腸粉嘅醬汁，有蔥蒜、花生醬香，似醬油混沙嗲醬，少少辣椒辛香味，蒜香味，令腸粉提味，不過蘸少少就已經足夠。而豆漿則為包裝袋設計，有豆味，唔算太重，甜度唔高。

E.A.Tips :

❶ 明興石磨腸粉分店地址為長沙灣青山道443-445號祥利大廈8B&C號地舖、石硤尾偉智里1-3號白田購物中心地下83號舖。

❷ 鳳鳴石磨腸粉分店地址為觀塘開源道68號觀塘廣場地下G34號舖、荔枝角青山道489-497號香港工業中心A座地下GA6C號舖、鰂魚涌英皇道696-702號北角大廈地下696A號舖、北角炮台山電氣道180號百家利中心地下1B號舖、沙田大涌橋路20-30號河畔花園C座地下10B號舖、灣仔灣仔道181號C號地鋪，而紅磡船塢街99V號嘉富樓地下7C6C號舖、新蒲崗彩虹道242號采頤花園商場地下899號舖、銅鑼灣景隆街5號聯成商業中心地下3B號舖、柴灣小西灣道9號富欣花園地下49號舖、尖沙咀科學館道14號新文華中心地下72A號舖則已結業。

❸ 留意明興石磨腸粉會於每日14:30截單。

EATWO

Miss A

隱身中央圖書館背後！Dream浪漫西餐廳「世一」焦糖燉蛋／風乾黃油雞／紅菜頭刈包