【野餐隨行】九龍城迷你BTS模式小食站宋皇臺小公園歎泰式冬蔭功

九龍城係一個眾所週知嘅美食點，最出名嘅就係泰國菜，尤如「小泰國」，與小曼谷海鮮燒烤屋為姊妹店嘅BTS小食站，雖然話就話「小食站」，但同前者餐牌上所賣嘅菜式一模一樣，拍拖兩個人食一間等如食兩間。而「小食站」最大特色就係將餐牌以BTS模式設計，每一款泰國菜式都擺放於一個泰國地鐵站站點，不過香港人只能帶到地鐵站上蓋公園野餐。

區內嘅泰國菜小店向來係唔少泰國華僑或泰國人聚居嘅地方，而地下鐵路開通至九龍城、土瓜灣區之後，九龍城區比以往更多人遊覽，泰國菜餐能自然會多咗人朝聖，當中包括呢兩間泰國菜小店，開業已經逾廿年。

BTS小食站充滿泰國色彩，門口有吹氣公仔作招徠，店內外都以泰國曼谷地鐵站BTS為藍本設計，餐牌全放置於泰國地鐵路線圖，有幾分似現代Cafe，基本上價錢都算合理。

宋皇臺石碑位處九龍城馬頭涌，有傳係用作紀念南宋時期宋端宗趙昰、趙昺而刻上，兩人被元朝軍隊追逼，向南逃走，最後流落異地。原先位處小山坡「聖山」之上，但後來經過日治時期，山坡被炸毀，結果巨石殘骸被修復為石碑，最後移至距離約300米嘅宋王臺花園內。

泰國菜選擇眾多，以泰國著名菜式嚟講，除咗泰國船河，就係冬蔭功湯粉$67，都係地道泰國小食，而店內嘅冬蔭功湯可配搭金邊粉、河粉或粉絲，配菜亦可自選牛丸、札肉、肉碎、雞肉、牛腩、豬肉片。冬蔭功湯只係純粹用作湯粉之用，所以基本上湯底無乜材料，並無任何蝦肉，只配有幾件秀珍菇，湯底酸甜中略帶辛辣感，辣度唔高。

店內招牌之仍為泰脆炸豬手，而滷水豬手乾撈蛋麵$63，配泰國米粉或泰國粉絲。米粉乾身，入口比較清淡，無咩味道，而豬手就伴有酸甜汁，酸甜味更開胃。豬手滷得入味，滷水汁鹹香中帶點點甜味，豬皮滑而唔嚡，肥膏唔多，入口即軟化。豬手每件啖啖肉，豬肉柔軟，唔會黐牙。至於冬瓜湯就比較油膩，雖然係有啲清甜，亦有一件冬瓜肉，但湯水表面油淋淋。