長沙灣街坊價越南菜湯底濃香秘製牛丸入口彈牙牛脂豐富

相對於深水埗，長沙灣嘅美食點可能比較少，但其實識食一樣可以拍拖兩個人搵到好嘢食，當中離青山道不遠有一間越南菜，以越南Pho為主打，全港有2間分店，至每碗仍屬街坊價錢，同時亦算係良心嘅食店。

唔少香港人對於東南亞菜都會垂涎三尺，無論泰國菜、越南菜、印度菜都各有特色，本來香港係一個文化大都會，匯聚多國美食，相當多元化，令人稱羨，只係現時未必再有咁多選擇。當中越南菜就係其一，長沙灣有一間越南餐廳雖然只係維持於街坊價錢，但頗有水準，確實唔太簡單。

以秘製牛丸湯粉$56 為例，一碗配上蔥花、芫荽、蘿蔔、洋蔥絲、芽菜、金不換，配菜豐富，另外再加上青檸、辣椒，而河粉、檬粉或金邊粉中當然應當選擇河粉。牛肉湯湯底清甜不濁，略有牛骨湯味，河粉比較碎，但都算滑溜。而蘿蔔清甜入味，牛丸入口彈牙，一碗有5粒，每一粒都滿滿牛味，每粒牛丸有濃郁牛味之餘，亦充滿肉汁，而且內裏有牛脂香，粒粒牛脂肪躲藏牛丸內，但又唔會油膩。然後，加添青檸、辣椒調味，每湯底味道更昇華。

加飲品$4 有杯凍檸茶，當以為只係港式檸茶之類嘅時候，方才發現呢杯檸檬茶原來殊不簡單，皆因除咗檸檬充足外，茶底係特別採用伯爵茶炮製，入口有濃郁伯爵茶獨特香味，既解渴，又解膩，香濃得想一口接一口。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 越食分店地址有將軍澳寶琳北路38號景林商場景林街市地下T-KL9號舖、長沙灣昌華街23號富華廣場地下16號舖。

❷ 長沙灣舊店地址為長沙灣青山道413號東景大廈地下1B號舖，現已搬舖。

❸ 付款方式接受現金、八達通、OpenRice、Payme、Tap&Go。

❹ 外賣會較好，堂食有加一服務費。

❺ 午市時間為11:30至15:00，套餐只限星期一至五。

❻ 可以預先Whatsapp落單，節省等候時間。