旺角新開過江龍一人燒肉店近朗豪坊最平$48抵過食茶記CP值高

香港人平常去日本，有好幾款菜式都係必食之選，日式燒肉就係其中一種，通常都係一班人去食。而喺香港都有好多日本過江龍食店，當然係咪直營同值唔值得拍拖兩個人支持都係選擇條件之一。今年初旺角鬧市一帶出現一間以一人燒肉為題嘅食燒肉店，有別於成班人一齊食，而係專為少人而設，即管試一試。

位置毗鄰旺角地標朗豪坊嘅牛繁一人燒肉，位於朗晴坊，係日本東京過江龍嘅燒肉店，早已喺香港開設分店，而旺角區就於今年初先開設副線，開業初期以一人燒肉實施店為題。最難得係室內多一至兩人卡座，專為一人至兩人而設，木間板私隱度高之餘，亦避免食燒肉等候時間較長，而套餐價錢最平低至$48！呢間份量唔多，所以絕對唔係食肉獸召喚，而係想食又怕一次過食太多牛肉嘅人嘅選擇。

其實，當中有一款四重奏套餐，都係受客人歡迎嘅選擇，因為一份包括多款肉品，但價錢比較高。一般嚟講，質素最穩陣又最平嘅，反而一定係餐牌上頭幾款。室內油煙味唔重，抽風系統似乎做得幾好，至少食完都唔會散發一陣燒肉味。

Top人氣牛繁套餐$112/150g、$155/200g 包含牛胸花、特選肩胛片、薄切牛舌；而蔥燒牛肋肉套餐$102/100g、$142/200g 包含中落牛肋肉、木履骨間牛肋肉。其中牛胸花配搭蔥花同時燒香，同時包含油香、肉香及蔥香，入口更為香口惹味。牛舌薄身，只有少少爽口，但都有牛香。而牛肋肉、肩胛片就較厚身，亦較香牛味，彈牙有牛肉口感。牛胸花則佈滿雪花油脂尚算均勻。