【野餐隨行】太子外賣頹點心變層架下午茶人氣景點迪欣湖草地湖邊野餐

毗鄰迪士尼嘅迪欣湖係香港著名景點之一，平時受到本地人歡迎，假日亦有唔少「姐姐」專程前程野餐，同時係一個拍拖兩個人嘅好去處，既能遊湖，亦能野餐，更可以影吓相、散吓步。今次編輯亦跟「姐姐」到迪欣湖野餐，將人氣點心店嘅頹爆外賣點心變成「靚仔」嘅層架下午茶。

位於太子嘅徐記廚房點心，係本地人近年嘅人氣點心店，質素媲美傳統酒樓嘅點心，人例如係黃金流沙包、鳳爪排骨飯、山竹牛肉球、北菇綿花雞等，份量十足，價錢上如果4個人share亦算合理。近期，小店更推出芫荽點心系列，有興趣嘅芫荽迷不妨試吓。

由太子前往迪欣湖，最快兼最平嘅方法一定係搭巴士，到青嶼幹線收費廣場轉乘迪士尼軓線，5至6分鐘就可以直達迪欣湖。而迪欣湖活動中心鄰近香港迪士尼樂園，由迪士尼海邊碼頭起步，亦可以步行前往，位置近香港東面望東坑，離竹篙灣不遠。

蝦餃、燒賣是飲茶點心不可或缺的選項，故今次挑選蟹子燒賣皇$33、徐記蝦餃皇$35，加上雪山叉燒包$26、養顏紅棗糕$26、芝麻卷$39，既有鹹點，亦有甜點，適合自製一個野餐專用嘅點心層架下午茶。

每粒蝦餃包裹得好紮實，餃皮透視淡淡嘅橙紅色，內含大量蝦肉，爽口彈牙，餃皮偏薄，質感微黏，有幾分煙韌，若愛啖啖蝦肉口感嘅話，應該會滿意。而燒賣就係點心中比較昂貴，頂端加上蟹子，中間內餡則為豬肉與蝦肉混合，係典型蟹子燒賣。

至於雪山叉燒包係一個驚喜，麵包大大隻，相當飽滿，表面灑上層層雪花，狀似雪山，其實即係類似灑上麵粉，但外觀上的確吸睛。麵包入口鬆軟，似墨西哥包，內餡有少量叉燒，醬汁唔多，有啲甜甜哋，表皮略有酥香，同傳統叉燒包係有少少分別，但似乎呢款叉燒包比傳統叉燒包更加好食。

甜點則有紅棗糕、芝麻卷，紅棗糕質感煙煙韌韌，甚有咬口，紅棗味、薑汁味都唔算太重，甜度亦相對低；而芝麻卷就係一款傳統點心，狀似舊式菲林卷，同樣係入口煙韌嘅甜點，有芝麻味，同樣唔會太甜，入口有懷舊感。

迪欣湖中央位置有一個人工湖，圍繞湖邊嘅都係草地，所以係一個出名嘅野餐好去處，可以於樹蔭下野餐。雖然係人工湖，但畫面都算不俗，故受到唔少本地人歡迎。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 接受現金、八達通付款。

❷ 從太子到迪欣湖，最快捷而又最平嘅方法係乘搭巴士路線E21，直到青嶼幹線收費廣場落車，轉乘迪士尼樂園嘅巴士路線R8，45分鐘左右可以到達，但要抓緊巴士嘅到達時間，否則要等約20分鐘一班車。

❸ 迪欣湖係唔可以攜帶寵物入場。

❹ 迪欣湖係唔俾放風箏或玩航拍。

❶ 外賣盒每個加$1。

❷ 睇清楚有部份點心係只限堂食，不設外賣，例如門口嘅「牛鬼蛇神」燒賣系列。

EATWO

Miss A

【區區有小店2024】長洲13間尚存本土餐廳推介！長洲人車仔麵／BBQ場地／芒果糯米糍｜長洲美食推薦2024