【宜蘭一日遊】打卡必到幾米車站公園／幸福轉運站／礁溪溫泉公園！碧霞街＋散步咖啡隱藏鬧市一隅｜附台北宜蘭交通

台北近郊一日遊目的地不少，好多都係適合拍拖兩個人自由行嘅行程，其中宜蘭就係簡單直接嘅地點，距離台北只係大概1.5小時車程，交通便捷。宜蘭有唔少打卡好去處，包含知名度極高嘅幾米公園，亦有溫泉公園，更有隱身宜蘭巷弄內嘅咖啡店等。

乘搭火車或客運，大概1.5小時就可以從台北車站直抵宜蘭，比港島去新界更方便！宜蘭有不少值得一遊嘅好去處，當中包括幾米車站公園、礁溪溫泉公園，重有咩地方值得去吓呢？

礁溪溫泉公園

到達「礁溪火車站」後，可前往相當有名嘅「礁溪溫泉公園」，園內有林蔭步道埋砌，猶如走入森林般。公園內可以浸溫泉，包括有以日式湯屋設計嘅森林風呂，享受日式裸湯之餘，亦有日式和服浴衣體驗。如果想節省旅費，更可前往大眾免費泡腳池。

宜蘭幾米主題廣場（幾米公園）

講到宜蘭打卡必到嘅景點，必然係「宜蘭幾米主題廣場（幾米公園）」！位於有大大隻長頸鹿嘅轉運站「宜蘭火車站」旁邊嘅「幾米公園」，裝置藝術色彩繽紛﹐雕塑滿滿想像力，充滿童趣。

事實上，「幾米公園」只係位於火車站側廢棄鐵路局舊宿舍區，只係將歷史建築保留，再加上「幾米」繪本經典場景作為裝置藝術，將繪本真實地呈現，係全台首座幾米主題廣場。

當中，包括有「記憶片刻風景」，亦有「向左走．向右走」男女主角場景、「星空」等候公車場景、「地下鐵」散落行林箱嘅畫面、配有高高懸掛星空列車嘅「丟丟噹森林」、重有「微笑的魚」等主題，恍惚走進夢想旅程，打卡必到！

幸福轉運站

至於「幸福轉運站」，既係國光客運舊宜蘭站，亦正正係「幾米公園」嘅延伸之作，皆因「幸福轉運站」係用作展示幾米繪本嘅另一個造景區。當中，包括有繪本「忘記親一下」嘅畫面。基本上，「幸福轉運站」係以動物為主題，造景包含有4米高嘅粉紅色可愛大象製成嘅滑梯，11米高嘅巨型長頸鹿等，加上大沙池，亦有各項遊樂設施，加上樂器、韆鞦作素材，增添藝術感、音樂感。

「幸福轉運站」由舊車站瞬間演變成幸福世界，由幾米繪本變成大型裝置藝術。戶外遍佈小動物造景，同時吸引大人及小朋友。位置交通便捷，離「宜蘭火車站」只有約5分鐘步程，走訪「幾米公園」時，不妨同遊「幸福轉運站」啦！

碧霞街

宜蘭「碧霞街」係一個舊城文化區，鄰近「楊士芳紀念林園」，著重創意，聚集一眾喜愛創意文化嘅人。有唔少咖啡店隱身於「碧霞街」內，包括有「鳴草咖啡」等。「碧霞街」最大特色係有不少年輕創業者進駐，亦有懷舊味濃嘅理髮廳、書店，尤其係旅書店。

散步Cafe Sanpo

折返「宜蘭車站」方向，可前往距離火車站不遠嘅「散步Cafe Sanpo」。咖啡店設於日式老宅內，包含小庭園及閣樓，大屋歷史有超過60年。室內樓高2層，擺滿復古陳設，配合老宅風格，上層更有小型包廂及榻榻米區。店內以手沖咖啡、麵包小食、手作蛋糕及甜點等為主打，環境甚chill。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 森林風呂成人收費NT80元／人。礁溪溫泉公園有和服浴衣體驗。留意泡腳池開放時間為08:00–22:00，另有例行清理時間，逢星期一、四 08:00-10:00。

❷ 乘搭台鐵至「礁溪火車站」，徒步約5分鐘即達礁溪溫泉公園。

❸ 宜蘭「幾米廣場」位於「宜蘭火車站」附近，出站即達。參觀時，謹記切勿破壞或塗污。而「幸福轉運站」就係舊宜蘭站，係客運站旁邊，同樣係「宜蘭火車站」落車。由台北乘搭首都客運或葛碼蘭客運亦可以到達轉運站「宜蘭火車站」。宜蘭「幸福轉運站」戶外區基本上免費，但室內區設入場費，NT150/人。

❹