實試はま$22大拖羅！日本平價連鎖壽司Hama Sushi插旗香港系統即失靈？首分店設佐敦正對壽司郎

最新消息！縐壽司郎後，又一日本平價連鎖壽司店殺入香港，今次係著名迴轉壽司Hama Sushi（はま壽司），首分店設於佐敦，似乎同壽司廊剛好打對台，新開業期間更有開業祭優惠，以後想食壽司又多個選擇，正好趁機拍拖兩個人試一試香港店質素如何。

はま壽司於日前6月下旬插旗香港，首分店設於佐敦彌敦道，甫開店已經吸引唔少喜愛日本壽司嘅香港人大排長龍。編輯事前於網站嘗試預約，同網民報告一樣，都係遇上系統失靈嘅情況，所以始終未能成功進入預約系統。所以，到最後只能翌日一大清早前往門市排隊等取號入座，因為通常只有第一輪先唔需要等候太長時間。

今次日本Hama Sushi來港，新開幕開業祭帶嚟多款特選壽司，包括編輯覺得比較特別而又值得推介嘅特選藍鰭吞拿魚大拖羅$22、大切生三文魚$17、炙燒藍鰭吞拿魚中拖羅$17、北海道大生帆立貝$22、廣島縣大蠔$17、炙燒極上穴子$17、炙燒宮成縣金目鯛$17，以及缺貨嘅WAGYU烤牛肉$17，其中拖特別羅新鮮肥美，油香十足，其他亦非常新鮮。

事實上，Hama Sushi係日本3大連鎖壽司店之一，於日本當地有超過500間分店，而香港就係首次開設分店，最平低至$12，都算係日本過江龍中幾抵食嘅平價壽司選擇。

其他重有嘅有吞拿魚三味$17、炙燒鹽味檸檬特大天然赤蝦$17、三文魚富士山軍艦$22、蘿蔔蓉鮮蝦天婦羅$17，而表面平平無奇嘅鐵火卷$12又幾有驚喜，滲出吞拿魚清淡香味。

另外，亦有手卷、拉麵、烏冬，價錢相宜，同壽司郎情況相似，如果簡單一餐麵類加兩件壽司，隨時平過坊間其他食肆。既然係平價壽司，最低價錢係$12/2件，其中選擇有大切生三文魚腩、各種香辣京蔥絲、炙燒、焦糖、醬漬、明太子沙律醬、芝士沙律醬或烤版本嘅三文魚腩、吞拿魚、蝦、八爪魚、魷魚、鰈魚、鯖魚等，同價重有扇貝、蟹腳、海螺壽司、醬燒牛肉壽司及各款軍艦壽司。當中重有小食、甜品、飲品及湯品，例如炸雞$22/4件、蜆肉味噌湯$15，以及W扇貝茶碗蒸$22等，味噌湯內每舊蜆殼都有蛻肉，而茶碗蒸亦有濃郁海鮮味，蛋香滑溜。

店內另一個賣點係設有5款唔同類型嘅壽司醬油，包括藍色特製醬油、紅色九州風醬油、黑色關東風醬油、綠色北海道醬油、柵色四國風醬油，5色醬油風味各異，任君選擇，店舖海報有食用建議，可因應食材配合唔同醬油食用，但如唔想煩只用特製醬油也可。

整體而言，Hama Sushi新開業嘅魚生質素似乎比壽司郎好。惟一點值得改進，熱水處設計比較奇怪，未用之水杯放置處與出熱水位太接近，出水位亦沒有合適位置放杯，必須要一手拎起杯子取水，一手開水掣，而水掣為扭動式，若客人忘記關水掣，就會比較危險。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ Hama Sushi預約系統請按以下官方連結﹕https://hamanavi.hama-sushi.com.hk/，預約先要成為會員，再驗證身份╴然後再預約日期、時間、人數及分店。

❷ 最後入座時間為閉店前30分鐘，每晚22:15會停止點餐。

❸ 留意店舖目前只收現金、八達通。

❹ 設有加一服務費。

❺ 現時其實直接去排隊會比較好，如在假期、星期六及日最好比開店前早至少30分鐘前到達，因為香港人始終係鍾意新鮮感，一開波都係好多人。

❻ 點餐系統不時失靈，間中會Hang機，所以要耐心等候。

❼ 其實最好點完一轉食完先再叫，因為新開幕其他人變相等候時間會加長，加上反正壽司新鮮即製會更好。

❽ 斟茶位置比較奇怪，似乎枱面唔太夠位，枱面擺放好多兜仔，但就無一個空間擺放茶杯，加水時會比較麻煩。

❾ 室內地面磁磚質地有啲滑，小心跣腳。

❿ 餐具位於每人枱面下面櫃桶，每人都會有號碼牌同濕巾，而出面走廊亦有紙巾等提供。

EATWO

Miss A

【區區有小店2024】荃灣46間尚存本土餐廳推介！水果千層酥／正宗上海菜／素食車仔麵｜荃灣美食推薦2024

兩個人旅吓行

專題

E.A.Tips :

はま寿司 / HAMA-SUSHI