【展覽活動】中環IFC中庭設小公園展現Life is a Playground創意藝術

中環IFC向來人頭湧湧，唔少人都會拍拖兩個人行吓街，商場週末時尤其熱鬧，故室內不時有展覽活動，最近商場與日本新銳藝術家GAKU聯乘，製作第一個海外創意藝術裝置，以3個展區為主，有如一個藝術小公園。

今次香港IFC商場中庭位置出現一個小公園模式創意藝術裝置，主題係「Life is a Playground」，設計來自於日本的新銳藝術家GAKU（佐藤楽音）。由8月1日至8月28日期間，都會見到IFC中庭小公園，當中有一個「繽紛旋轉木馬」藝術裝置、「專屬夢幻樂園」數碼互動體驗及「GAKU的夢想世界」藝術畫廊，其中有藝術家嘅作品，其他裝置似係想俾小朋友互動同打卡。

主要作品《夏日氣泡Summer Bubble》係裝置靈感之源，所以展覽中都運用咗好多圓形圖案，再加上唔同顏色，令畫面更豐富，而且有立體效果，當中黃色、藍色融合，用色明亮，更有夏天感覺。

雖然最能映入眼簾嘅係以旋轉木馬為藍本嘅設計，加上大小不一嘅金屬球形，本來係打卡位，亦充滿童趣，但現場基本上係人群休憩用途較多。

於場內設定嘅ipad中，可欣賞藝術家嘅畫作，而牆上亦有其實體畫作可供欣賞，畫中僅以簡單筆觸、圖案呈現作品，例如《熊抱自我GAKU Bear》、《巧克力曲奇Chocolate Chip Cookie》、《薄荷老虎 Mint Tiger》。

但其實欣賞嘅人並唔多。反而大多數都係跑跑跳跳嘅小朋友，將圓形小屋埸地變成遊樂場，又的確符合當中嘅夢幻樂園概念，包括熱氣球、旋轉木馬等，有如童趣樂園。

更有意思嘅係展覽與本地慈善組織「愛培自閉症基金」合作，關注自閉症人士，於現場設有慈善捐款機，甚有意思。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 由即日起至2023年8月13日，成為CLUB ic 會員，並以電子貨幣在同日消費滿指定金額*，即可獲贈價值高達港幣1,700 元ifc商場電子購物禮券；數量有限，換罄即止。同日消費金額（最多兩張電子消費單據）。

❷ 香港ifc商場夏日購物獎賞換領日期為2023年8月1日（星期二）起至禮券換罄即止，禮品換領櫃檯地點為香港 ifc商場二樓，CHANEL Shoes 2082號舖旁，時間上午10時至晚上9時30分。

❸ CLUB ic會員專屬換領地點（只適用於CLUB ic Gold或以上之會員及於消費當日上載之合資格單據）地點為國際金融中心一期二樓CLUB ic Lobby，時間上午10時至晚上8時。

❹

EATWO

Miss A

【區區有小店2024】深水埗12間尚存本土餐廳推介！無激素雞髀／地道泰北菜／凌晨歎咖啡｜深水埗美食推薦2024

兩個人旅吓行

專題

E.A.Tips :

「Life is a Playground」創意藝術裝置