【曼谷景點】全新MRT站直達！對岸隱藏巷弄打卡「泰國艾菲爾鐵塔」鄭王廟｜附Wat Arun門票及交通方法

以往去鄭王廟，多數要從對岸Tha Maharaj碼頭出發，但近期MRT藍線已經延長，交通更便利，故此大家只需要乘搭MRT線，徒步即可以拍拖兩個人抵達鄭王廟。而鄭王廟縱然被稱為泰版艾菲爾鐵塔，但打卡朝聖嘅人眾多，塔身唯一開放嘅一層堆滿遊客，想要影吓相都唔容易。今次E.A.Two編輯就推薦一個隱藏打卡位，對岸一道巷弄建築群之間完全透視鄭王廟建築，即睇鄭王廟入場方法及全新最美打卡位置！

鄭王廟／黎明寺／Wat Arun

「鄭王廟」又叫做「黎明寺」，一般英文叫「Wat Arun」，係一所佛教寺院，位處被稱為「血脈之河」嘅昭披耶河畔。由於「鄭王廟」建築群設計獨特，雕刻精緻，用色吸睛，故近年成為旅客打卡朝聖之地，參觀量極高。

經歷大城王朝、吞武里王朝，於1809年建成嘅「鄭王廟」，曾於1847年重修，係河畔寺廟中最古老建築。其實，以前皇宮場地係禁止佛僧住宿，所以先起咗佛教寺廟。而「鄭王廟」亦曾經係玉佛臨時收藏地，皆因拉碼一世喜愛儲藏玉佛。

「鄭王廟」主塔塔身高約82米，係泰國最大嘅大乘舍利式塔，有人稱之為泰國版「艾菲爾鐵塔」，規模宏偉而壯觀！早期，其實主塔只係得16米高，後來由拉碼二世開始，先增至現時高度。另外，拉碼九世皇朝時所發行嘅硬幣中，亦於10泰銖背面刻有「鄭王廟」圖案，足以見證其重要度。

寺中為主塔，週邊則有陪塔，用色不同，比主塔明顯矮小；而塔身層數甚多，不過每一層面積會愈來愈細小，有如金字塔。主塔極其華麗，潔白而莊嚴，整座鑲滿彩色碎陶瓷及貝殼，恍如一件巨型雕塑品，而地基亦繪有大型圖畫。

事實上，主塔有大概4層樓，只係僅開放1層供遊客參觀及影吓相，4邊分別有4條樓梯。從「鄭王廟」上可以觀賞河畔景色，亦可以等待黃昏日落景緻。登上「鄭王廟」主塔時，謹記要留意當中梯級，皆因階梯尤其陡峭，斜度有如攀山，一不小心就會失足掉下。

鄭王廟對岸巷弄﹕Tonkin Annam

今時今日前往「鄭王廟」，面對嘅就係源源不絕嘅旅客群。想要逃避大量遊客嘅畫面，又想拍攝與別不同嘅IG打卡照，必然要到對岸一道巷弄！

該小巷位置正對「鄭王廟」，距離MRT藍線延長線只有不足10分鐘步程；而小巷通往來往「鄭王廟」嘅碼頭，亦只有5分鐘步程，交通便利。

從小巷中仰望，可直視對岸「鄭王廟」，相比直接於「鄭王廟」之下仰望，的確係缺少幾分霸氣。不過，巷弄窄小，兩側只係老宅建築群，中間通道透視「鄭王廟」精緻建築，另有一番味道。最好站於街頭至中間位置拍攝，「鄭王廟」會更清晰，若走得太前，則未能拍攝整座塔身。如果懂得利用長焦鏡，拍攝出嚟會更有效果。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭MRT至「Sanam Chai 站」，徒步約10分鐘即達神秘鄭王廟巷弄打卡位。位置距離Tah Tian N8碼頭僅有3分鐘步程。乘搭MRT至「Itsaraphap 站」，徒步約10至15分鐘，亦可以抵達鄭王廟，目前未必一定需要乘搭船隻。

❷ 現時於「Tah Tian N8碼頭」登船，穿過昭披耶河可以直達「Wat Arun碼頭」，船票人址為16泰銖。

❸ 鄭王廟人均票價為100泰銖，每張票包含一支水。

❹ Tonkin Annam定位為一間食肆，旁邊小巷就係打卡位。

EATWO

Miss A

【區區有小店2024】筲箕灣7間尚存本土餐廳推介！平價燒味飯／焗豬扒飯／法式班戟｜筲箕灣美食推薦2024

鄭王廟／黎明寺／Wat Arun

鄭王廟對岸巷弄﹕Tonkin Annam

兩個人旅吓行

專題

E.A.Tips :

鄭王廟／黎明寺／Wat Arun／วัดอรุณ

Tonkin Annam