【曼谷美食】超抵24小時美食廣場隱身曼谷機場！上機前歎泰式船麵／米粉湯／炒河粉／燒臘飯｜Magic food point（機場奇跡美食街）

離開曼谷前，你會搵咩餐廳呢？E.A.Two為大家推介隱身於曼谷機場內嘅24小時美食廣場，適合拍拖兩個人落機後或上機前醫吓肚，無論純粹想消磨時間，抑或真係覓食都好合適，重點係價錢極低廉！

一般去到機場先搵食，通常都要去價格提高嘅餐廳，收費唔低。而Suvarnabhumi Airport（素萬那普機場）內，竟然隱藏一個平價美食廣場，整個Food Court都係親民價美食，即使最後淨返少量泰銖，亦絕對可以食得飽。

該Food Court名為「Magic food point -Airport street food」，又名「機場奇跡美食街」，名副其實係一道美食街，亦係一個奇蹟。Food Court位於機場Level 1，靠近Gate 8，大門口處於該層一個角落，場內唔可以使用手推車。該Food Court不僅係旅客福音，亦係機場工作人員嘅飯堂，不過該美食廣場原先的確係機場工作人員專用，只係有關當局後來將員工餐廳變成開放俾旅客都可以進入用餐嘅美食廣場。

甫踏入Food Court，會見到有一小條人龍，皆因進入之前，需要先於收銀處購票。而購票方法簡單，只要買一張代用券就得。購票後，店員會遞上一張Cash Card，該咭有如一張儲值咭，所以前往counter時，要同職員講入幾多錢。建議先睇一睇各食店有咩食，計一計自己所需幾多錢，再入返相應銀碼，就唔會入得太多。不過，如果入得太多，的確係可以於同一日內23:59前退款。

全個美食廣場都係以自助模式設計，包括取餐具及餐盤歸還等。一排有16間餐廳可以選擇，每間為唔同菜式，除咗售80泰銖嘅芒果糯米飯，亦有串燒、三文治、越南河、船麵、米粉湯、鹹粥、燒味、炒飯、炒河、炸雞翼、豬手麵、冬蔭功麵、雞飯、咖喱麵、奄列、豬肉飯、鮮榨果汁、水果及甜品，連咖啡及酒都有，亦可以泰式茶飲。

以編輯當日計，只點選兩碗泰式船麵，價格分別為65泰銖及75泰銖，合計僅約140泰銖。以為味道唔會好得去邊，但原來都係正常發揮，麵條、魚蛋、牛肉份量亦適中。儲值卡內入140泰銖，自然毋須麻煩退款。140泰銖折合港幣僅約35元，絕對係曼谷機場庶民美食天堂，相信唔需要多講都知該Food Court有幾平啦！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 機場food court位於1樓，如果你喺2樓出發，去8號出口，然後搭電梯落返1樓，向左邊盡頭走就會見到。如果由火車線b1層上機場，甫上電梯就會見到美食廣場，該位置有機會被一堆遊客企晒喺度遮檔。

❷ 機場美食廣場係24小時營業，所以任何時間去都無問題。

❸ 如果係上機前去，最好先check in，然後落返去醫吓肚。

❹ 若要醫吓肚，最好預留充足時間，連同check in及排隊等，3小時係基本。