【聖誕好去處2023】旺角朗豪坊聯乘Y2K品牌Care Bears 糖果色聖誕列車／自拍亭打卡

旺角朗豪坊向來係市區熱門商場之一，聖誕節固然有聖誕event，今次就由Y2K品牌Care Bears爭得聖誕檔期，不僅有粉紅色Cheer Bear裝置，亦有一列糖果色趣味聖誕列車，更設有自拍亭，適合拍拖兩個人去打吓卡。

由11月10日至明年1月1日，旺角朗豪坊設有一系列粉紅裝置，色彩繽紛，原來場內裝置來自於從Y2K變成時尚品牌嘅Care Bears，更與kkplus聯乘，提供各款精品。場內有5米高聖誕樹，亦有2米高巨型Grumpy Bear，似乎係打卡地方，但廣場側為必經之路，通道較窄，基本上少見人打卡。

品牌今次打造一列「Care Bears Express」聖誕列車，為全港首航，既以Tone-on-tone色彩為主調，Love-a-Lot Bear於無限反射鏡前亦係打卡位之一。場內亦包含超過30年唔同款嘅Care Bears，糖果色的確係可以引人打卡，而且千禧味濃厚。呢列聖誕列車於4樓成功打造一個車站廣場打卡區。而8樓亦有充氣粉紅Cheer Bear裝置，同樣可以打卡。

4樓列車旁邊設有遊戲區及精品店，來自美國嘅Care Bears同潮流玩具平台kkplus合作，兩者屬唔同年代，今次將Y世代同Z世代連結，整體有跨年代感覺。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 期間限定精品店開放時間為11:00 - 22:00。換領處及遊戲攤位開放時間為13:00 - 22:30。

❷ 場內有「Care Bears Express」遊戲，完成任務可換領聖誕限定版Care Bears珍藏級時尚小物。

❸ LP CLUB會員憑單一即日機印電子消費單據滿HK$500 即可獲PLAY-A-LOT! BEARS滾球遊戲機會，有機會贏取Care Bears禮品。每日首160名會員更可額外獲贈「Care Bears Express Pass」。

❹ LP CLUB會員憑單一即日機印電子消費單據滿HK$500，即可換領聖誕限定版Care Bears閃卡一張，只限每日首160位，換完即止。LP CLUB會員透過朗豪坊手機應用程式以指定積分，即可換領聖誕限定版Care Bears閃卡一張。

❶ 一端設有Care Bears聖誕限定自拍亭，成為LP CLUB會員，於Care Bears Express期間限定店，購買兩件貨品，合共消費滿HK$500或以上，即可獲「Care Bears聖誕限定自拍亭」免費攝影一次。每日名額有限，換完即止。

❷ 潮物店kkplus 設有限定精品店，當中有超過100款Care Bears香港首賣精品及限定潮物限量發售，包括暖暖護耳、舒適毛毯、聖誕燈飾等。