西九文化區﹕2023 香港繽紛冬日巡禮──聖誕小鎮

100%經實地視察!尖沙嘴11個海旁聖誕燈飾一秒回到80年代!西九裝置最誇張!最靚竟然係XX酒店?【聖誕燈飾 2023】

聖誕來臨,意味步向2023年尾,尖沙嘴向來係睇聖誕燈飾嘅好地方,今次編輯就帶大家拍拖兩個人率先遊覽一下尖沙嘴聖誕燈飾。尖沙嘴海旁有大概10個聖誕燈飾裝置,於11月29日已經悉數亮燈。其中以西九海濱長廊最為誇張,但以往尖東海旁嘅大廈外牆等燈飾就有如時空穿梭,到底點解?編輯覺得簡約就是美,最靚嘅竟然係一間與知名品牌聯乘嘅酒店,即管睇睇今年聖誕燈飾情況如何!

西九文化區﹕2023 香港繽紛冬日巡禮──聖誕小鎮

西九文化區毗連維多利亞港,整道海濱長廊向來係本地人及旅客嘅打卡地,今年聖誕節期間特別設有「聖誕小鎮」,由香港旅遊發展局主辦,展現冬日夜繽紛,大門口更寫到明「Hello Hong Kong」!高聳入雲嘅聖誕樹高約20米,於11月24日已經亮燈,樹身矗立草坪正中,閃亮燈串的確吸睛。巨大聖誕樹旁邊亦有多棵小型聖誕樹,當中有唔同造型。

事實上,西九文化區嘅燈飾係尖沙嘴海旁嘅聖誕燈飾中擁有最多打卡裝置,同時亦都係人流最多人嘅一個。草坪上地方唔算大,但粗略估算,聖誕裝飾就有超過廿款,包含有多株聖誕樹、聖誕鹿、聖誕屋、聖誕禮物盒、聖誕花環,以及模仿月亮嘅白色波波等。整個迷係海邊聖誕小鎮設置大量新裝飾,燈串閃亮,多得令人眼花,當中聖誕馴鹿造型係幾可愛,但一隅聖誕裝置設計成心形花環,則有如白事花圈,認真大吉利是!

由2023年12月9日至26日,西九文化區更會有限定「冬日維港水上煙火」表演,夜空會出現煙火圖案,與聖誕樹互相映襯,有興趣睇煙花可以到時一拼欣賞。而12月21日至30日,藝術公園草坪上更有聖誕露天市集,禮物盒造型小屋甚至會有聖誕老人呢!

西九文化區﹕2023 香港繽紛冬日巡禮──聖誕小鎮

西九文化區藝術公園海濱長廊鄰近海面
2023年11月24日至2024年1月1日
星期一至五17:00 - 23:00(最後入場時間為22:30);星期六及日11:00 - 23:00(最後入場時間為22:30);12月22日起 11:00 - 23:00(最後入場時間為22:30);12月24、25、31日 11:00 - 01:00(最後入場時間為00:30)

1881 Heritage﹕BOTANICAL CHRISTMAS

上年1881 Hertage嘅聖誕裝飾就飽受批評,今年就以最穩陣嘅Tiffany Blue為主要色調,加上玻璃屋設計嘅聖誕花園,夜晚特別搶眼,新設計足以吸引唔少人打卡。

1881 Heritage﹕BOTANICAL CHRISTMAS

尖沙嘴廣東道2號A
2022年11月11日至2023年1月8日

永安廣場

正對尖沙嘴海旁嘅永安廣場,由1982年開幕至今,繼續一如以往於外牆放有一個寫有「MERRY X’MAS」嘅七彩霓虹巨型燈牌,風格同80年代如出一徹。

永安廣場

尖東麼地道62號
24hours

九龍香格里拉大酒店

同樣外牆正對尖沙嘴海旁嘅「九龍香格里拉大酒店」,並無特別霓虹燈飾,反而以玩咗好耐嘅充氣聖誕老人為主打。酒店外面設有3個充氣聖誕老人,其中一個位於海旁對面,有如聖誕老人爬爬入屋內,不過夜晚時份充氣聖誕老人亮起燈,其白色褲瞬間變發光白色純情三角底褲,甚搶眼。而另外兩個充氣聖誕老人就設於麼地道一方,只係簡單坐喺酒店大門口上迎賓。

九龍香格里拉大酒店

尖沙嘴麼地道64號
24hours

麼地道

依循麼地道走,不難發現行人天橋上嘅聖誕裝飾,寫有「Season’s Greetings」,設計簡單到不能再簡單。麼地道有兩條行人天橋,同樣設有相似嘅聖誕燈飾,設計有如返回80年代。

麼地道

尖沙嘴麼地道
24hours

尖沙嘴中心

而位於麼地道嘅尖沙嘴中心,雖然未見有特別聖誕霓虹燈飾,但小巷一隅竟有充氣聖誕裝飾,包含有聖誕老人、聖誕樹,不過設計就有如馬拉松比賽衝線一刻。

尖沙嘴中心

尖東麼地道66號
24hours

麼地里

毗連麼地道嘅麼地里,曾經係尖東打卡必到嘅聖誕燈飾熱門地。依據以往經驗,麼地道今年繼續於天花設有聖誕燈飾,寫有「Season’s Greetings」。不過,今年聖誕燈飾設計真係不堪入目,顏色配搭絕對係九流設計,霓虹燈雖搶眼,但色調奇特,有如80年代,極老土。基本上只係以粉紅、綠色、紅色為主,加上一個藍色大心心,加埋就係連photoshop都唔識用嘅朋友設計出嚟,小畫家製作隨時更靚。

麼地里

尖東麼地里
24hours

帝國中心

鄰近麼地里嘅帝國中心,外牆上同樣有「Season’s Greetings」字樣,聖誕燈飾面向麼地道花園。燈飾設計簡單,同樣係霓虹式巨型燈牌,風格同麼地里相近,充滿舊時80年代風格。

帝國中心

尖東帝國中心
24hours

南洋中心

穿過麼地道,走到另一邊,到達市政局百週年紀念花園,當中有兩組巨型霓虹聖誕燈飾牌。其中一個係南洋中心外牆上嘅「MERRY X’MAS」聖誕燈飾,大幅外醬只有寥寥元素,設計簡單,只係至少有個聖誕老人同禮物,但始終有如80至90年代聖誕裝飾。

南洋中心

尖東麼地道75號
24hours

東洋商業中心

花園盡頭就係東洋商業中心,亦係另一個聖誕外牆裝飾,設計比南洋中心更簡單,只有3個聖誕老人拆禮物嘅畫面。紅色配綠色係典型聖誕配色,但最大問題係加上藍色,老老土土,設計比80年代更老土。

東洋商業中心

尖東加連威老道98號東海商業中心
24hours

半島酒店 x Chanel

每年半島酒店外牆都會有特色聖誕裝飾,今年就再與Chanel聯乘,清雅酒店外牆以女士最愛CC logo粉飾,加上一個又一個Chanel小物作聖誕裝飾,顯得簡約而高貴。編輯覺得半島酒店嘅裝飾並不花巧,愈簡單反而感覺愈靚!忍唔住停低打個卡,赫然發現身邊好多遊客,同樣停低對住半島酒店外牆打卡,所以要有心理準備,停低一刻隨時令自己都以為自己係一個遊客。

半島酒店

九龍尖沙嘴梳士巴利道22號
24hours

兩個人旅吓行

bangkok
曼谷走走
tokyo
東京走走
台北走走

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 聖誕燈飾附近人流都比較多,要小心扒手。

❷ 可以從西九行到尖東,或者尖東行到西九,最後尖東離開會較方便,但食完飯行就尖東開始會好啲。
EATWO
Miss A
醫吓肚

【區區有小店2024】觀塘東廣場6間尚存本土餐廳推介!黑山羊米線/素食車仔麵/迷你Cafe|觀塘東廣場美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年觀塘東廣場尚存嘅餐廳小店,即睇該區隱藏美食介紹!

【區區有小店2024】荃灣荃新天地美食廣場「一門町」4間尚存本土餐廳推介!新派素食/章魚燒/平價丼飯|荃灣一門町美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年荃灣荃新天地一門町尚存嘅餐廳小店,即睇該區隱藏美食介紹!

【區區有小店2024】沙田瀝源5間尚存本土餐廳推介!牛腩麵/傳統茶樓/街市小食|沙田瀝源美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年沙田瀝源尚存嘅餐廳小店,即睇該區隱藏美食介紹!

【區區有小店2024】九龍灣Eastmark 9間尚存本土餐廳推介!濃稠蕃茄麵/純素飯盒/氮氣咖啡|九龍灣Eastmark美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年九龍灣Eastmark尚存嘅餐廳小店,即睇該區隱藏美食介紹!

【區區有小店2024】荃灣路德圍13間尚存本土餐廳推介!排隊豆腐花/印度烤餅/甜辣炸雞|路德圍美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年荃灣路德圍尚存嘅餐廳小店,即睇該區隱藏美食介紹!

【區區有小店2024】葵涌廣場20間尚存本土餐廳推介!墨西哥卷/台式手抓餅/梳乎厘班戟|葵涌廣場美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年葵涌廣場尚存嘅餐廳小店,即睇該區隱藏美食介紹!

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}